Olimlari: Zamaxshariy, Farobiy, Ibn Sino

Xulosa bitta, asar X1 asrning ikkinchi yarmida tilshunoslik maydoniga kirib kelgan.
Tilni kishilar o`rtasidagi aloqa vositasi sifatida, jamiyat hayotini aks ettiruvchi ko`zgu sifatida tushungan Mahmud Koshg`ariy o`zining mashhur «Devon»ida aynan bir davrga oid bo`lgan turlicha turkiy tillar hodisalarini, faktlarini sinxron - qiyosiy metod asosida solishtiradi, taqqoslaydi.
Qiyosiy tilshunoslik
Turlicha turkiy tillar hodisalarini, faktlarini sinxron - qiyosiy metod asosida solishtirish, taqqoslash o`sha davrda aynan mana shu metod arab tilshunosligida juda keng tarqalgan bo`lib, bu arab tilining ko`p shevali til ekanligi xususiyatidan kelib chiqadi.
«Devonu lug`atit turk» asarida turkiy tilshunoslik tarixida birinchi marotaba turkiy til va dialektlarning tasnifi ham beriladi.
Mahmud Koshg`ariy o`zining «Devon»i bilan sinxron - qiyosiy tilshunoslikka asos soldi, ayni tilshunoslikning buyuk vakili sifatida tanildi.
Abul Qosim Mahmud
ibn Umar az-Zamaxshariy
Musulmon sharqida «Ustod ul-arab va-l ajam» (Arablar va g`ayri arablar ustozi), «Faxru Xvarazm» (Xorazm faxri) kabi sharafli nomlar bilan mashhur bo`lgan O`rta Osiyolik allomalardan yana biri Mahmud az - Zamaxshariydir (1075-1143). Mahmud az - Zamaxshariy Xorazmning Zamaxshar qishlog`ida dunyoga keldi. Uning yoshlik yillari ilmu fan va madaniyat taraqqiy qilgan davrga to`g`ri keldi. Zamaxshariylar oilasi dindor, hurmatga sazovor ziyoli oilalardan edi. Shunga ko`ra u dastlabki bilimini Zamaxsharda-o`z ota-onasidan oladi, xat-savodli bo`ladi
Ilmiy meros
Mahmud o`z bilimini oshirish, ilm-fan bobida mukammal bo`lish maqsadida Xorazmga (Urganchga, so`ngra esa Buxoroga) yo`l oladi. Ushbu shaharlardagi madrasalarda o`zining ma`naviy-ma`rifiy saviyasini oshiradi. Bilimni yanada chuqurlashtirish maqsadida Isfaxon, Bog`dod, Makka, Marv, Nishopur, Shom, Hijoz va Iroq kabi ilm-fan, madaniyat taraqqiy qilgan shaharlarda bo`ladi, etuk allomalardan, olimu fozillardan ilm-fan sirlarini o`rganadi, tinimsiz mehnat qiladi, doimiy izlanishda bo`ladi. Shunga ko`ra Mahmud az - Zamaxshariy o`z zamonasining buyuk allomasiga, ilm-fan homiysiga, dong`i ketgan mashhur kishisiga aylandi. Buyuk alloma avlodlar uchun ulkan boy ilmiy meros qoldirdi.
U tilshunoslik, lug`atshunoslik, jo`g`rofiya, adabiyot, aruz, tafsir, hadis, fikh va qiroat ilmiga oid 50 dan ortiq asar yaratdi, ko`plab she`rlar yozdi. Mashhur tarixchi Ibn al-Qiftiy Mahmud Zamaxshariy haqida shunday deydi: «Xudo rahmat qilg`ur az - Zamaxshariy ilmu adab, nahv va lug`at bobida o`zgalarga misol (namuna) bo`ladigan alloma edi», desa, Misr tarixchisi ibn Tag`riberdi esa Mahmud Zamaxshariy «shayx, buyuk alloma, o`z davrining yagonasi, o`z asrining eng peshvosi va imomi bo`lgan», deydi. Buyuk imom Zamaxshariy tilshunoslik bobida ham qator asarlar yaratdiki, bu asarlar dunyo tilshunosligi fanida alohida qadrlanadi. Arab tili grammatikasiga oid asarlar ichida Zamaxshariyning bir yarim yil davomida Makkada yaratgan «Al - mufassal» (1121) kitobi alohida o`rin tutadi. Ayni asar arab tilining morfologiyasi va sintaksisiga oid tadqiqot bo`lib, u musulmon olamida mashhur bo`lgan va yuksak baholangan.