Oliy ta’lim, fan va innovatsiyalar vazirligi huzuridagi Bosh ilmiy- metodik markaz tadqiqotchisi Fayziyeva Maxbubaxon Raximjonovnaning
Yüklə 149,41 Kb. Pdf görüntüsü
|
|
Oliy ta’lim, fan va innovatsiyalar vazirligi huzuridagi Bosh ilmiy- metodik markaz tadqiqotchisi Fayziyeva Maxbubaxon Raximjonovnaning 13.00.06 – Elektron ta’lim nazariyasi va metodikasi ixtisosligi bo‘yicha pedagogika fanlari doktori (Doctor of Science) ilmiy darajasini olish uchun yozgan “Raqamli transformatsiya sharoitida ta’lim platformasini yaratish va amaliyotga joriy etish” mavzusidagi avtoreferatiga T A Q R I Z Mamlakatimizda olib borilayotgan uzluksiz ta’lim tizimini isloh qilish, raqamli texnologiyalarni joriy etish va ta’lim samaradorligini oshirish bo‘yicha keng qamrovli ishlar olib borilmoqda. “Raqamli O‘zbekiston-2030” strategiyasi asosida IT- infratuzilmani yaratish, umumta’lim maktablarini raqamlashtirish, shuningdek, axborot tizimlarini joriy etish va raqamli ta’lim platformalarini yaratish va ularni o‘quv-tarbiya jarayoniga joriy etish vazifalari belgilangan. Bu esa, raqamli transformatsiya sharoitida ta’limni tashkil etishning pedagogik-psixologik imkoniyatlarini tahlil qilish, raqamli texnologiyalarning ta’limga integratsiyasiga ta’sir etuvchi omillarni aniqlashtirish, raqamli ta’lim platformalarini yaratish hamda ular asosida o‘qitishning xususiy-metodik asoslarini ishlab chiqish bugungi kunning dolzarb vazifalaridan biri ekanligini belgilaydi. Tadqiqotchi Fayziyeva Maxbubaxon tomonidan olib borilgan tadqiqot jarayonida ta’lim jarayonida raqamli texnologiyalaridan foydalanish masalalari, raqamli texnologiyalarni o‘qitishning pedagogik muammolari va raqamli ta’lim resurslarini yaratish bo‘yicha olib borilgan izlanishlar tahlili, raqamli texnologiyalarning ta’limga integratsiyasiga ta’sir etuvchi omillar, raqamli texnologiyalarning mazmun-mohiyati, ularning turlari va imkoniyatlari tahlil etilgan. Raqamli ta’lim platformalarini yaratish zaruriyati, mazkur muammoning mamlakatimizda va xorijda o‘rganilganligi haqidagi ma’lumotlar ilmiy-pedagogik nuqtai-nazardan tahlil etilib, platformani yaratish metodologiyasi, jumladan platformani yaratish talablari, konsepsiyasi, bosqichlari, pedagogik loyihasi, tarkibi, mazmuni hamda dasturiy ta’minoti yoritilgan. Raqamli ta’limni tashkil etish modeli, raqamli texnologiyalarning ta’limga integrasiyasi yondashuvlari, raqamli resurslarini tayyorlashning pedagogik dizayn modeli, raqamli ta’lim platformalaridan foydalanishning didaktik modeli va darslarni tashkil etish strategiyalari va raqamli ta’lim platformalaridan foydalanish metodikasi yoritilgan. Platformada o‘qitishni tashkil etish uchun “Informatika va axborot texnologiyalari” fani doirasidagi barcha raqamli ta’lim resurslari pedagogik dizayn yondashuvi asosida tayyorlangan va platformaga kiritilgan. Tadqiqot jarayonida raqamli ta’lim texnologiyalari tahlil etilgan hamda raqamli ta’lim platformasi orqali ta’limni tashkil etishning didaktik modeli ishlab chiqilgan. Shuningdek, raqamli ta’lim platformasidan foydalanib nazariy va amaliy darslarni tashkil etish uchun “brainsketching (miya eskizi)”, “task-based (topshiriqqa asoslangan ta’lim)”, “project-based (loyihaviy ta’lim)”, “tengdoshlarni o‘qitish”, “collaborative (hamkorlikdagi ta’lim)”, “gamifacition (o‘yinli ta’lim)” texnologiyalari tanlab olindi hamda nazariy, amaliy va aralash darslarni olib borish metodikasi ishlab chiqilgan. Fayziyeva Maxbubaxon Raximjonovnani 13.00.06 – Elektron ta’lim nazariyasi va metodikasi ixtisosligi bo‘yicha pedagogika fanlari doktori (Doctor of Science) ilmiy darajasini olishga loyiq deb hisoblayman va keyingi bosqichga tavsiya etaman. Yüklə 149,41 Kb. Dostları ilə paylaş:
|