Rivojlantiruvchi vazifa – bilishning psixologik jarayonlari va inson
xususiyatlarining shakllanishida namoyon bo’ladi. Masalan, diqqat, xotira, fikrlash,
bilish faolligi va mustaqillik, qobiliyatlar, shuningdek, aqliy faoliyatning mantiqiy
metodlarini (tahlil, sintez, umumlashtirish, abstraktsiyalash v.h.) qo’llash shular
jumlasidandir.
Inshakltsion vazifa – o’qish davomida o’quvchi matematik g’oyalarning
paydo bo’lishi tarixi, rivojlanishi, olimlarning tarjimayi holi, u yoki bu
konsepsiyaga oid turli nuqtayi nazarlar bilan tanishuvdan iborat bo’ladi. Shu tariqa
o’quvchi o’qish jarayonida yetarli darajada katta hajmdagi inshakltsiya oladi,
matematikaning har xil ilovalari, matematika sohasidagi yangi kashfiyotlar bilan
tanishadi.
Evristik vazifa – o’qituvchi o’qitish jarayonida o’quvchining qobiliyatini
o’stirishga qaratilgan sharoitlarni tashkil etishi bilan izohlanadi. Shuningdek,
o’qituvchi tomonidan matematikaga o’qitish paytida evristik metodlarni kiritishi va
ulardan har xil vaziyatlarda foydalanishni o’rgatishi ham evristik vazifaga kiradi.
Oldindan ko’ra bilish vazifasi – matematikaning bu vazifasi o’quvchilarda
prognoz (bashorat) qilish: hal etilmagan muammolarni topish, gipotezalarni ilgari
surish, muammoning muqobil yechimini ko’ra bilash uquvini shakllantiradi.
Estetik vazifa – o’quvchilarni go’zallikka yaqinlashtirishni, ularda estetik
didni shakllantirishni nazarda turtadi. Bu boradagi o’quv materiallari mantiqan
izchil, tizimli va o’ziga tortuvchan (jallb etuvchi) bo’lishi kerak.
Amaliy vazifa – o’quvchilarni masallarni yyechishga o’rgatishdan, real
dunyo hodisalarini matematik tadqiq qilishni shakllantirishdan, o’quv materialini
amaliy yo’nalishga aylantirishdan iborat bo’ladi. Matematik bilimning
rivojlanishida aniq amaliy masalalarni yyechishga intilish ehtiyoji boshlang’ich omil
sanaladi. Matematika sohasida olg’a qarab harakatlanish ehtiyojlarning tug’ilishi
bilan bog’liq holda izohlanadi.
