Orom og‘ushida dilrabo bu tun: Oydin zulumotda jilmayar bahor

Kecha onang rahmatli tushimga 
kiribdi. Negadir bezovta... Rahmatli 
o‘zi bilan mehr-oqibatniyam olib 
ketganga o‘xshaydi.
“
www.ziyouz.com kutubxonasi

---

14
www.yoshlikjurnali.uz / №9-10 (361) 2021
– Otam qayerda qoldi ekan? – deya so‘radi 
kenja o‘g‘il Sanjar.
– Bilmayman... – to‘ng‘illadi to‘ng‘ich o‘g‘il 
Nazarali.
– Yo araz urdimikan?
– Men qayerdan bilay?..
– Xudo saqlasin-u, biror kor-hol 
bo‘ldimikan? – dedi o‘rtancha o‘g‘il Normat 
bezovtalanib. – Izlasak-chi, aka?
O‘g‘illar maslahat soldi. Katta o‘g‘il otani 
qidirmasdan, kutishni maslahat berdi.
– Nega qidirmas ekanmiz? – deya tutoqib 
ketdi kenja. – Otam kelmasa, uyda qanday 
chida-a-ab o‘tiramiz?
– Otam yosh bola emas, – dedi Nazarali 
asabiylashib. – Keladi-da. Qayergayam borardi. 
Qolaversa, arazlaydigan nima yomon ish qildik 
biz? Ertalab bekordan-bekorga urishdi o‘zi. 
Indamadik-ku...
– Baribir-da, aka. Sizlarni bilmadim-u, 
men otamni izlab kelaman...
Nurmat ota ham, rahmatli ayoli ham, 
mehribon bo‘lgani uchunmi, kenjani ko‘proq 
suyib, unga boshqacha qarashar edi.
Kenja o‘g‘il kattalarning gapiga quloq 
solmadi. Adir tomon ketdi. Yo‘l bo‘yi podadan 
qaytayotgan cho‘pon-cho‘liqlar uchradi. 
Ulardan otani so‘ray olmadi. Eshitgan quloq 
malomat qiladi, elga gap oralaydi, deb o‘yladi...
U yog‘i adir adog‘igacha, bu yog‘i Kemtik 
kanaligacha bordi. Otaning qorasiyam 
ko‘rinmadi.
Suruvga qo‘shilib ketmasligi uchun 
qishloq odamlari molini beriroqda – adir 
etaklarida boqardi. O‘t-xashak kamaygan 
paytlardagina mollarni kanaldan suv kechtirib, 
olisroqlarga haydab ketishardi. Kenja otaning 
uzoqlarga ketib qolmaganiga ishondi.
G‘ira-shira bo‘lsa-da, qo‘lini manglayiga 
soyabon qilgancha, uzoq-uzoqlarga tikildi. 
Dashtda ora-sira o‘tlab yurgan ushoq mollar 
ko‘rinadi, onda-sonda o‘yinga andarmon bo‘lib, 
kech qolgan eshakli cho‘pon bolalarning 
qiyqirig‘i quloqqa chalinadi. Yengilgina mayin 
shamol esadi.
Poyu piyoda yuraverib, kenjaning tinkasi 
quridi. Tomog‘i qaqradi. Cho‘pon bolalardan 
suv olib ichdi. Noiloj yurak yutib otasini 
so‘radi. Bolalar cholni bugun emas, kecha 
ko‘rishganini, eshagini yetaklab, podani 
qayirib yurganini, ammo salom berishsa, alik 
olmaganini aytishdi.
Kenjaning bezovtaligi ortdi.
Bir tomondan otani izlab 
topolmayotganidan yuragi siqilsa, ikkinchi 
tomondan padarining nega arazlagani, 
kimdan xafa bo‘lgani va nima uchun uyga 
qaytmaganini o‘ylab o‘yiga yetolmayotgani 
g‘ashligini badtar orttirdi.
Otasi arazlagan bo‘lsa-ku mayli, arazi 
tarqasa, hammasi iz-iziga tushib ketar. Ammo 
biror kor-hol yuz bergan bo‘lsa-chi? Eshak 
bekordan-bekorga o‘zi kelmaydi-ku. Poda 
ham egasiz qaytdi. Nurmat ota hech qachon 
molning o‘zini qo‘yib yubormagan edi.
Otasi endi uyga qaytmasa-chi? Odamlar 
nima deydi?
“E, – deya o‘yladi kenja, – odamlarning gapi 
bilan nima ishimiz bor. Otam topilsa bo‘ldi. 
Lekin topilmasa-chi? Xudo ko‘rsatmasin-u... 
Yo‘q-yo‘q, unday bo‘lmasin. Biz unda kim degan 
odam bo‘lamiz? Odamlar cholni bolalari xarob 
qildi demaydimi? Keksaygan chog‘ida boshiga 
ko‘tarib, uyginasida parvarishlab o‘tirish 
o‘rniga yetmish yoshdan oshgan odamga mol 
boqtirib qo‘ydi, mana endi... deb malomat 
qilmaydimi? Eng yomoni, cho‘pon ota o‘z uyi 
– o‘lan to‘shagida emas, dashtda o‘lib qolibdi, 
deyishmaydimi...”
Kenjani ter bosdi. Xayol bilan bo‘lib uzoq 
yurib qo‘ygan ekan, biyday dashtda yolg‘iz o‘zi 
qolibdi. Atrof-javonibda hech zog‘ ko‘rinmaydi. 
Qishloq ham olisdan xuddi oq qog‘ozga tekkan 
qora nuqtadek xira tortib qoldi.
Otadan esa darak yo‘q. Endi nima bo‘ladi? 
Qanday topadi?
www.ziyouz.com kutubxonasi

---

15
adabiy-ijtimoiy jurnal
Kenjaning xo‘rligi keldi.
– Ota-a-a?! – deya qo‘lini karnay qilib 
chaqirdi. Ufqqa tutashib ketgan biyday dashtda 
ovozi ojizona chiqqanday, qay manzilda 
gandiraklab yurgan otasi eshitishi tugul, besh-
olti qadam narida mullato‘rg‘ay ham pinagini 
buzmay pitirlab turganini ko‘rib, alami keldi. 
So‘ng bor kuchi bilan yana baqirdi: – Ota-a-a-a...
El bekorga otasi achchiq olma yesa, 
o‘g‘lining tishi qamashar, demas ekan.
“Qur ketdi – qut ketdi degan ekan qadim-
gilar, – dedi kenja bo‘g‘zi achishib. – Uydan 
halovat ketdi, ota. Isnodga qoldirmang-da endi...”
Kenja borgan sari oyoqlarida majol 
qolmayotganini his qildi. Tashlayotgan har 
qadami omonatlashib, tizzalari bukilib-bukilib 
ketaverdi. To‘rt tomonga alanglayverib, ko‘zlari 
toliqdi. Uydan chiqqaniga qancha bo‘ldi, 
bilmaydi, ammo qishloqdan juda olisladi, madori 
ketib, og‘zi quruqshadi. Bir payt ortiga qarab, tun 
zulmatining biyday dashtni egallab olayotganini 
angladi va qandaydir vahm bosdi. Xayolida 
qishloq butkul ko‘zdan g‘oyib bo‘lganday, go‘yo 
yer sharining noma’lum nuqtasiga, kimsasiz 
manzillarga yetib qolganday tuyuldi. Na 
tirik jon bor, na bir sas-sado. Bolaligida onasi 
rahmatlining “shom paytida jin-ajinalar chiqib, 
o‘yinni boshlaydi” degan gaplarini beixtiyor 
eslab, vahimasi yana ortdi.
Bu qo‘rqinchli o‘ylar kenjaning ko‘nglini 
battar qora qildi, g‘o‘ldirab kalima qaytargancha 
tepalik ustida bir muddat tek qotib qoldi. 
Tevarak-atrofga qarab alam bilan o‘yladiki, 
mana, tinkasi quriguncha izladi, ammo otasini 
topa olmayapti. Yana oldinga qarab ketavergani 
bilan foyda bo‘larmikan? Bu tomonlarga katta 
suruv boqadigan cho‘ponlar ham uncha-
munchaga kelavermasligini o‘ylab, battar 
umidsizlandi. Qorong‘ilik enib, oy nuri nim 
shu’la taratib turgan dashtga sinchiklab nazar 
soldi. Bu alag‘dalikda dasht ham ko‘ziga xuddi 
otasi misol yolg‘iz, g‘arib va bechorahol ko‘rinib 
ketdi.
Nazarida, bekorga ovora bo‘lyapti. Otasini, 
balki, boshqa tomonlardan izlagan ma’quldir. 
Televizorda ko‘rgan: detektiv kinolarda 
izquvarlar yo‘qolgan odamlarni yetti uxlab 
tushingga kirmagan joylardan qidirib topadi-
ku. Boshqalarning izlashini bilgan odamlar 
ham “yo‘qolish”ning yo‘lini doim puxta 
o‘ylaydilar: hammaning xayoliga keladigan, 
bir o‘ylashdayoq izlab kelinadigan joylardan 
umuman boshqa tomonga bekinadilar.
Shunday ekan, ehtimol, akalari, yaqin 
qarindoshlar bilan otani boshqa tomondan 
– u topinib borishi mumkin bo‘lgan o‘zga 
manzillardan qidirishi kerakdir. Balki, otasi 
tushmagur podaning ketidan eshakni yolg‘iz 
qo‘yib yuborib, o‘g‘illarni chalg‘itmoqchi 
bo‘lgandir. Shu yo‘l bilan kun sayin oqibati 
yemirilib borayotgan, onasidan keyin otaga 
mehri kamayib, qarigan chog‘ida umrning 
yolg‘izlikka g‘arq qilishi muqarrar tashlandiq 
puchmoqlariga uloqtirishi mumkin bo‘lgan 
farzandlarining esini kiritib qo‘yishni niyat 
qilgandir. Bu niyatga yetish uchun ataylab 
daladan qaytish paytini mo‘ljallab, podani 
uyga qarata haydab yuborib, o‘zi boshqa joyga 
ketgandir. Balki, sanoqda qolgan to‘rt-besh eski 
qadrdon oshnalarinikiga gurungga borgandir.
Bu yorug‘ xayollar kenjaga biroz bo‘lsa-
da umid berdi, tetik qildi. Yana o‘ylab qoldi: 
otasining oshnalarini yo‘qlab boradigan 
odati yo‘q edi, shu uchun ba’zida teng-to‘sh 
chollar o‘zlari daraklab kelishardi. Demak, 
oshnalarinikidan izlashdan ham ma’ni yo‘qday.
Kenja uyga qaytib borgunicha qay 
ahvolga tushishini taxmin qilib, birdan yuragi 
orqaga tortib ketdi. O‘zini tasavvur qilib 
ko‘rdi: shalpayib, ezgin bir ahvolda qishloqqa, 
uyga kirib bordi... Akalari... qanday xotirjam 
o‘tirishibdi ekan-a... Arava sinsa – o‘tin, 
ho‘kiz o‘lsa – go‘sht deb o‘ylaydigan bo‘lib 
qolgan og‘alarining o‘zini tutishlari kenjani 
ranjitgani rost, hozir ularning oldiga borib, 
otamni qidiraylik, qidirmasak bo‘lmaydi, desa 
www.ziyouz.com kutubxonasi

---

16
www.yoshlikjurnali.uz / №9-10 (361) 2021
qanday javob olishini o‘ylab ijirg‘anib ketdi. 
Ayniqsa, ertalab Nazaralining bejoligi ko‘nglini 
og‘ritgan edi. Otasi ehtimol, og‘alarining ana 
shu behurmatligidan ranjigandir, qadring yo‘q 
joydan qoch deya uydan bosh olib ketgandir.
U otasi bilan Nazaralining gapi qochib 
qolganini hali bilmas edi.
Kenja umidsiz bir ahvolda orqaga qaytishga 
qaror qildi. To‘lin oy dashtni sutday yoritib 
turgani shomdagi vahimalarni yo‘qotdi, lekin 
ichki qo‘rquv uni charchatgan edi. Jiqqa ter bo‘lib 
ketganini sezmagan holda ichi kuyib yerga o‘tirib 
qoldi, sal o‘ziga kelgach, uyga qarab yo‘lga tushdi. 
U qishloqqa tun yarmida oyog‘ini sudraganicha, 
holdan toyib kirib keldi. Butun qishloq hali 
shirin uyquda. Har zamonda itlarning akillashi 
eshitilishini aytmaganda, olam bus-butun, suv 
quygandek jimjit. Bo‘lar ish bo‘ldi – bunday 
chog‘da og‘alarini uyg‘otish yaxshi emas. 
To‘ng‘illab, asabni buzishgani qoladi.
Ertalab akalar kenjani o‘rtaga olishdi. Kenja 
ko‘zlari qizarib ketgan, qovog‘i soliq, xunobi 
oshgan ko‘yi akalariga yuzlandi.
– Agar otamni topmasak, nomusga 
qolamiz, – dedi.
– Sen qidirib ketuvding, topolmabsan-ku, – 
dedi Nazarali o‘smoqchilab.
– Topolmagan bo‘lsam ham qidirdim... – 
dedi kenja.
– Endi nima qilamiz, aka? – deya o‘rtaga 
qo‘shildi o‘rtancha o‘g‘il.
– Bilmadim, Normat, bilmadim, – dedi 
to‘ng‘ich. – Yo biz ham izlasakmi, a, nima 
deysan, kenja?
– Shuni aytaman-da... qarindoshlargayam 
xabar qilib, ko‘pchilik bo‘lib izlamasak, keyin 
kech bo‘ladimi, deb qo‘rqyapman, aka, – dedi 
kenja.
– Ularga nima deb aytamiz? – dedi Nazarali.
– Borini. Rostini aytamiz...
– Baloga qolamiz-ku? Mol yo‘qolsa, hamma 
tushunadi. Bu qishloqda hali biror marta odam 
yo‘qolmagan bo‘lsa...
– Aka... Siz otamni o‘ylayapsizmi yo 
o‘zingiznimi? – dedi kenja kuyinib. Hozir kimdir 
yana bir og‘iz gapirsa, kenja yig‘lab yuborishi 
tayin edi.
– Bo‘pti, – dedi Nazarali. – Unda erta kunni 
kech qilmaylik...
Maslahatni bir joyga qo‘yib, kayvoni 
xeshlarga xabar berdilar.
Birpasda ota jamoatdan o‘n chog‘li odam 
to‘plandi. Amakilar kela solib aka-ukalarni 
koyishga tushib ketdilar, xumordan chiqib 
so‘kkanlari ham bo‘ldi. Aka-ukalarning qovog‘i 
zilday osildi.
So‘ng qishloqdan chiqib, olislaguncha elga 
bildirmaslikka, oldinma-ketin, yakka holda 
qidirishga qaror qildilar.
Kenja belboqqa non o‘rab, idishga suv soldi.
Eshakni jabduqlayotgan edi, allaqayerdan 
paydo bo‘lgan iti hurdi. Ikki kunki, ko‘rinmagan 
it odatdagidan boshqacha hurganday bo‘ldi: 
uzun-qisqa uvilladi. Kenja itga razm soldi, 
jonivor ozib-to‘zib ketibdi. Tabiatan yuvosh, 
lekin yomon odamni bir chaqirim naridan 
taniydigan, niyati buzuq kishilarni uyga 
yaqinlashtirmaydigan itning bor-yo‘qligi 
hammaning esidan chiqqani g‘alati.
Kenja qoziqni sug‘urayotgan edi, it kelib 
oyog‘iga suykaldi. Kenja tur, ket, dedi. It dumini 
oyoqlari orasiga qisib, yana suykalmoqchi 
bo‘lib keldi. Kenja rahm qildi. Engashib, 
itning boshini siladi. It kutilmaganda shimi 
pochasidan tishlab tortqiladi. Kenja uni 
tishlamoqchi deb o‘ylab zarb bilan tepib 
yubordi. It g‘ingshigancha tokzorga qarab 
qochdi. Tok tagidan mo‘ltirab qarab qoldi.
Quyosh bir qarichcha ko‘tarilgan, 
qarindoshlar asta-sekin yo‘lga tushib, 
qishloqdan olislab borishar edi. Hammaning 
yuzi tund, Nurmat otani qidirish qandaydir bir 
noxushlik bilan tugamasaydi, degan hadik va 
xavotirda edilar.
Dashtda ham mol siyrak, cho‘ponlar 
har joy-har joyda ot-eshagining qozig‘ini 
www.ziyouz.com kutubxonasi

---

17
adabiy-ijtimoiy jurnal
qoqib, o‘zlari xurjun ustida chaqchaqlashib 
o‘tirishardi.
– Ha, bo‘lalar, hormangizlar! – dedi keksa 
cho‘ponlardan biri.
– Assalomu alaykum, Bo‘ri buva! – dedi 
Nazarali. Qolganlar ham imlab salomlashdi.
– Ertalabdan to‘da bo‘lib, nima izlab 
yuribsizlar?
– Otamni ko‘rmadingizmi?
– Kimni? Nurmat buvanimi?
– Ha...
– Ko‘rmadik. Tinchlikmi o‘zi? Buvaga nima 
qildi?
– Kecha dashtdan qaytmadilar. Shunga... 
izlab yuribmiz...
– E, chakki bo‘pti-ku, – dedi cho‘pon 
boshini sarak-sarak qilib.
Shu mahal cho‘ponning gavdasi hisori 
qo‘chqorday keladigan ola iti hura boshladi. 
Hamma yarq etib Olapar hurayotgan tomonga 
qaradi. Olisda dumini likillatib oshig‘ich 
kelayotgan o‘zining itini kenja darrov tanidi. 
Itini zimdan kuzatib turdi. It hash-pash 
deguncha yaqinlashdi. Bo‘ri cho‘ponning 
Olapari unga qarab, orqa oyoqlari bilan yer 
tirnagancha, junini tikkaytirib, huraverdi. 
Kenjaning iti parvo qilmadi, vajohat bilan 
to‘g‘ri kelaverdi. Ikki o‘rtada jang bo‘lishidan 
hadiksiragan cho‘pon Olaparni chaqirdi. Olapar 
egasiga so‘zsiz itoat etdi.
It to‘g‘ri kenjaning oldiga kelib, pochalariga 
suykaldi. Shimidan beozor tishlab yana 
tortqiladi.
Kenja angraygan ko‘yi itning nima 
qilmoqchiligini bilishga qiziqdi.
– Ertalab ham tishlamoqchi bo‘luvdi, 
tengini beruvdim, – dedi kenja.
– Shu jonivor-ku, bir narsani biladi-yov, – 
dedi amakisi Nazaraliga qarab. Nazarali yelka 
qisdi.
– Bu o‘zi bir it bo‘lsa, – dedi Normat. – 
Nimani bilardi?
– It – aqlli jonivor-da! – dedi Bo‘ri cho‘pon. 
– Izidan yurib ko‘ringlar-chi, balki, Nurmat 
otaning oldiga olib borar...
Cho‘ponning gapi ma’qul ko‘rindi. Itga 
ergashib ketaverishdi. Ammo jonivor mutlaqo 
boshqa tomonga – Besh qir tarafga qarab yura 
boshladi.
– E, bu tomonda nima qilamiz? – dedi 
Normat. – U yoqqa hech kim mol boqmaydi-ku?
– Mol boqiladigan taraflardan chiqmadi-ku, 
borib ko‘raylik-chi, bir gap bo‘lar... – dedi amaki.
Shu tariqa peshinga qadar it boshlagan 
tomonga qarab yuraverishdi. It oldinda, 
bir zaylda yo‘rtib borar, xuddi odamlar 
ergashyaptimi-yo‘qmi, deya xavotir olganday, 
onda-sonda orqasiga qarab qo‘yardi. 
Qarindoshlar itga ergashib holdan toyishdi. 
Charchagan oyoqqa ozroq dam beraylik desa, it 
hadeb oldinga boshlar, yurishdan to‘xtamasdi.
Chor-nochor ortidan ketaverishdi.
Chamasi bir soatcha vaqt o‘tib, it yanada 
jadallashdi. Endi unga ergashish oson emas edi. 
Hammaning tinkasi qurigan, oyoqlari og‘rib, 
zo‘rg‘a qadam tashlar edi.
Bir mahal it yugura boshladi. Hamma 
hayron: bu itga nima bo‘lgan o‘zi? Qayerga 
ketyapti?
Halloslab kelayotganlar taqa-taq to‘xtashdi. 
Bu mahal it ikkinchi qirdan ham oshib, 
ko‘rinmay qolgan edi.
– Oyoqda jon qolmadi-ku, – dedi amaki.
– Amaki, chidang, oz qolganga o‘xshaydi, 
– dedi Normat. – Itimizga yetaylik. U bekorga 
yugurmayapti chog‘i...
Yura-yura qirga chiqishdi. Ne ko‘z bilan 
ko‘rsinlarki, qir ortida bir yakka daraxt turibdi, 
tagida nimaningdir qorasi ko‘rindi. It uning 
yonida cho‘kkalab o‘tirib olgan edi.
Hammaning ko‘ngli yorishib ketdi. 
Nahotki, Nurmat ota bo‘lsa!
Qarindoshlar ildamlab yetib kelishdi. Rost 
ekan, Nurmat ota daraxt tagida yotardi!
– Ota-a-a! – deya baqirib yubordi kenja 
o‘g‘il.
www.ziyouz.com kutubxonasi

---

18
www.yoshlikjurnali.uz / №9-10 (361) 2021
Yugurib kelib yuztuban yotgan otani qo‘li 
bilan o‘ngardi. Nurmat otaning yuzi tuproqqa 
belangan, burnidan qon ketib, qotib qolgan, 
ko‘zlari yumuq, ayanchli bir tarzda behush 
yotardi.
Buni ko‘rgan o‘g‘illarning yurak-bag‘ri 
ezildi. O‘g‘illar bir-biriga achingannamo 
qaradilar. Qarindoshlar aka-ukalarga 
sinovchan tikilib qoldilar.
It esa cho‘kka tushgan holda, qimirlamay 
kuzatib turar edi.
Nurmat otaning yuziga suv sepdilar. 
Ota hushiga keldi. Qo‘ltiqlab ko‘tarmoqchi 
bo‘lishgan edi, ota dodlab yubordi:
– Oyog‘im!!
Kenja sekingina oyoqni silar ekan:
– Nima qildi, ota? – deya so‘radi 
yig‘lamsirab.
– Eshakdan yiqildim, bolam, – dedi ota 
ingranib.
Daraxt shoxlaridan sindirib, Nurmat 
otaning oyog‘ini qo‘lbola taxtakachladilar.
Otani egarga o‘tqizdilar. Orqasiga o‘g‘illar 
galma-gal mingashib, ushlab yurdilar.
Nurmat otani to‘g‘ri qishloqda nomi 
chiqqan Gulmat tabibga olib bordilar. Tabib 
inqillab yotgan Nurmat otaning singan 
oyog‘ini dokaga asal bilan tuxum sarig‘ini 
aralashtirib o‘rab, avaylabgina gips qilib 
qo‘ydi.
Otani uyga olib kelib, qalin to‘shakka 
yotqizdilar. Qariya inqillab yotdi. Amakilar 
Nurmat otaga nasihat qilganday bo‘ldi. U 
indamadi. Atrofini to‘ldirib o‘tirgan bolalariga 
ham, kelinga ham so‘z qotmadi.
... Oradan bir haftacha o‘tibgina Nurmat 
otaning qovog‘i ochildi.
Hech kim eslatmasa ham, so‘ramasa ham 
bolalariga dashtdagi voqeani gapirib berdi.
Eshakdan qaltis yiqilib, oyog‘i singanida 
og‘riqdan dunyo ko‘ziga tor ko‘rinib ketgani, 
atrofda odam bo‘lmagani uchun hech kim 
unga yordam berolmagani, eshagi ham 
mollarga qo‘shilib uyga ravona bo‘lgani, ikki 
kecha-yu ikki kunduz oyog‘ini qimirlatolmay, 
og‘riqdan chinqirgani, oxiri taqdirga tan berib, 
kimsasiz joyda o‘limini kutib yotgani, sekin 
ko‘zlari yumilib yulduzchalar paydo bo‘lgani, 
ular orasidan ayoli – bolalarining onasi 
ko‘rinish berib, ko‘zlarida yosh bilan imlab 
chaqirganidan gurung berdi.
Yana o‘sha azoblar ichida yotganida iti 
yonidan ketmay, tunning etni junjiktirar 
salqinida pinjiga kirib, isitib qo‘riqlab chiqqani, 
hushdan ketib, ko‘zini ochganida ham birinchi 
bo‘lib ko‘ziga shu iti ko‘ringanini aytdi.
– Iya, ota, birinchi itnimas, bizni ko‘rdingiz-
ku, – dedi Normat.
Nurmat ota o‘tkir nigohlarini o‘rtanchaga 
qadab:
– E, shunaqami, sizlarni ko‘rdimmi... – dedi 
talmovsirab. – O‘zimam nimamdir yo‘qoldi-yov, 
dedim-a...
O‘g‘illar bir-biriga taajjublanib qarab 
oldilar.
Kelin dasturxonga ovqat olib kirdi. Ota 
yostiqdan boshini ko‘tarib, bir qoshiq sho‘rva 
ichdi. Qaqrab ketgan lablari sho‘rva yuqidan 
moy bo‘ldi.
– Go‘shtlaridan oling, ota, – dedi Nazarali 
beo‘xshov tarzda mehribonlik qilib.
Ota sho‘rvaga qoshiq urar ekan, horg‘in 
ovozda:
– Go‘shtni chiqarib itga beringlar, – dedi. – 
Bir xil bolangdan it yaxshi ekan...
Shu mahal tashqaridan Nurmat otaga 
qo‘shilib ikki kun qorasini ko‘rsatmagan itning 
zo‘raki hurib qo‘ygani eshitildi...
www.ziyouz.com kutubxonasi

---

J
asorati, har qanday sharoitda ham haq so‘zni ayta 
olishi, e’tiqodiga xiyonat qilmasligi hamda sokin tuyg‘ular aks 
etgan she’riyati bilan tanilgan shoir Shukrullo shaxslikning 
shonli yo‘lini bosib o‘tgan ijodkordir. Beshafqat o‘lim biroz 
sabr qilganida oqsoqol shoirimiz Shukrullo bu yil yuz yoshni 
qarshilab, to‘liq bir asrdan ko‘proq yashagan ilk o‘zbek ijodkori 
sifatida tan olingan bo‘lardi. Shu holida ham Shukrullo domla 
mavlono Lutfiy yoshiga yetib kelgan yagona o‘zbek adibi 
sanaladi. Shoir bir zamonlar nafaqat O‘zbekiston, balki barcha 
postsovet o‘lkalarida ham mashhur ijodkor edi. Ammo oqsoqol 
adibimiz bugungi o‘zbek o‘qirmanlari va adabiyotshunoslari 
tomonidan tushunilishga muhtojdir desam, xato bo‘lmaydi. 
Negaki, avlodlarning almashinishi, milliy tafakkurdagi tub 
evrilishlar xalqning adabiy didini ham tamomila yangiladi. 
Natijada, kechagina binoyiday tuyulgan ifoda bugun g‘oyat 
g‘arib ko‘rinishi ajablanarli emas. Har qanday ijodkor ham 
tuyg‘u odami sifatida bitiklarida, avvalo, o‘z ko‘ngli royishlarini 
aks ettirsa-da, baribir o‘zgalar tomonidan ham tuyilish va 
tushunilishni istaydi. Chunki chin ijodkor ko‘ngil dardlari bilan 
o‘rtoqlashish chidab bo‘lmas zaruratga aylangandagina qo‘liga 
qalam oladi. 
San’atkor uchun badiiy adabiyotning bosh vazifasini noto‘g‘ri 
belgilash, uning ifoda yo‘sinini tayin etishda xato qilish esa foji
-
adir. Shukrullo aka va u kishi mansub ijodkorlar avlodi ana shun
-
day qismatni boshidan kechirishga mahkum bo‘lganlar. Har qan
-
day odam o‘z avlodi aura sida yashaydi. Davr qobig‘ini yorib chiqish 
hammaning ham qo‘lidan kelavermaydi. Buning ustiga, tabiatan 
ta’sirchan bo‘lgani sabab ijodkor shaxsga davrning nuqsi boshqalar
-
ga qaraganda kuchliroq urishi ham bor gap. Ma’lumki, muayyan bir 
davrda ya shab turib, undan tashqarida bo‘lish, uning ta’siriga beril
-
maslik deyarli mumkin emas. Ayniqsa, davr odamning fikr-u o‘ylari, 
Jasoratning
yuz yili
19
TADQIQOT