OrqaniZMİn yaş XÜsusiYYƏTLƏRİ
Yüklə 1,2 Mb. Pdf görüntüsü
|
- Bu səhifədəki naviqasiya:
- Ağciyərlərin həyat tutumu.
|
Tənəffüs tipləri. Kiçik yaşlı uşaqlarda qabırğalar üfüqi
vəziyyətdə olur. Yuxarı qabırğalar və qurşaq yüksəkdə olurlar, qabırğaarası əzələlər zəif inkişaf etmişdir. Ona görə də uşaqlarda diafraqmal tənəffüs vardır. Belə tənəffüs 6 aylıq dövrə qədər davam edir, qabırğaarası əzələlər inkişaf etdikcə döş qəfəsi aşağı enir və köndələn forma alır. 3-7 yaşlı uşaqlarda döş tənəffüs tipi vardır. Oğlanlarda 8 yaşdan sonra qarın tənəffüs tipi, qızlarda isə döş tənəffüsü qalır. 14-17 yaşlarında tənəffüs tipi tam formalaşır. Yetkin insanlar dəqiqədə 15-17 dəfə nəfəs alır və verir. Bir nəfəs almada 500 ml hava ağ ciyərlərə daxil olur. Əzələ fiziki işlə məşğul olduqda bu həcm 2-3 dəfə artır, tənəffüs 75 tezliyi 40-45 dəfə olur, idmançılar məşq edərkən onların ağ ciyərlərinin tutumu artır. Tənəffüs prosesinin dərinliyi qəbul olunan həcmdən asılıdır. Körpələrdə tənəffüs səthi və tezliyi çoxdur. Bir yaşlı uşaqların tənəffüs tezliyi gündüz – 50, yuxuda olarkən – 35 olur, iki yaşlılarda – 35, 4 yaşda – 25, 6 yaşda – 23 dəfədir. Məktəblilərin tənəffüs tezliyi – 18-20 dəfədir. Bir aylıq uşaqların tənəffüs həcmi – 30 ml, 1 yaşda – 70 ml, 6 yaşda – 156, 10 yaşda – 230 ml, 14 yaşda – 300 ml havaya bərabərdir. Tənəffüs tezliyi yüksək olduğundan 1 kq, kütləyə görə dəqiqə həcmi təyin edilir. Dəqiqə həcmi 1 dəqiqə ərzində daxil olmuş havanın həcmini tənəffüs tezliyinin hasilinə vurularaq hesablanır. Yenicə doğulmuş körpələrin dəqiqə həcmi 650-700 ml. bir yaşda – 2600-2700 ml, 6 yaşda – 3500, 10 yaşda – 4300 ml, 14 yaşda – 4900 ml, böyüklərdə isə – 5000-5000 ml havaya bərabərdir. Ağciyərlərin həyat tutumu. Sakit vəziyyətdə insan hər dəfə 500 ml hava qəbul edir. Tənəffüs tezliyi artdıqda daha 1500 ml hava qəbul edir. Nəfəs vermədən sonra insan daha 1500 ml hava qəbul edə bilir. Beləliklə, həyat tutumu – 500+1500+1500=3500 ml. Həyat tutumu yaşdan, məşq və cinsi mənsubiyyətdən asılı olaraq dəyişir. Kişilərin həyat tutumu, qadınlardan çoxdur. İdmanla məşğul olan insanlarda adi insandan xeyli çoxdur, yük qaldıran idmançıda 4000 ml, futbolçularda 4200 ml, gimnastlarda 4300, üzügüçülərdə 4900, kürək çəkənlərdə 5500 ml-ə bərabərdir. Uşaqların yaş dövründən və məşğuliyyətindən asılı olaraq, ağciyərlərinin həyat tutumu dəyişir. Yüklə 1,2 Mb. Dostları ilə paylaş:
|