Talaffuz qilish, o‘qish va yozish:sanoq sonlar va sonli birikmalarni to‘g‘ri talaffuz qila oladi va yoza oladi.
37-39-mavzu. O‘quv qurollari (3 soat (A1+: 5 soat))
Lug‘at: kitob, daftar, qalam, o‘chirg‘ich, chizg‘ich, ruchka, qog‘oz, kundalik kabi tayanch so‘zlar; bu nima? bu daftar, bu kitob kabi birikmalar (2 soat). kimning nimasi?qanday nima? so‘roqlari (1 soat).
Nutq namunalari: Bu bizning kitobimiz, sening daftaring, mana qora qalam, bu yangi kundalik; Bu kimning kundaligi? – Bu mening kundaligim. – Bu sening daftaringmi? – Yo‘q, bu mening daftarim emas.
O‘quvchilarda shakllangan fanga oid kompetensiyalar: Tinglab tushunish va so‘zlash: mavzuga oid tayanch so‘zlarni va kimning nimasi?qanday nima? so‘roqlarini tushunib, savollarga javob bera oladi, rasmlar asosida suhbatlasha oladi; mavzuga oid tayanch so‘zlar, savollarni tushunib, aniq javob bera oladi.
Talaffuz qilish, o‘qish va yozish: A1 o‘zbek alifbosidagi harflarni to‘g‘ri talaffuz qila oladi;
o‘zbek tiliga xos bo‘lgan tovushlarini o‘qiy oladi;
mavzular bo‘yicha berilgan so‘zlarni bo‘g‘inlab o‘qiy oladi va yoza oladi; o‘zlashtirilgan nutq mavzularida 1-2 savol-javob tarzida suhbatlasha oladi;
mavzu bo‘yicha berilgan kichik she’rlarni o‘qib, yoddan ayta oladi;
o‘zbek alifbosidagi bosh va kichik harflarning bosma va yozma shaklini farqlab yoza oladi;
harflarning yozma shaklini husnixat talablari asosida yoza oladi; mavzular bo‘yicha o‘zlashtirilgan so‘zlarni, 2-4 ta yig‘iq gaplardan iborat matnni to‘g‘ri ko‘chirib yoza oladi;
o‘zlashtirilgan so‘zlarni bo‘g‘inlarga to‘g‘ri ajratib yoza oladi;
6-8 ta so‘zdan iborat lug‘at diktantini yoza oladi.
A1+ o‘zbek alifbosidagi harflarni, o‘zbek tiliga xos tovushlarni to‘g‘ri talaffuz qilib, o‘qiy oladi;
o‘zlashtirilgan nutq mavzularida suhbatlasha oladi, berilgan she’rlarni o‘qib, yoddan ayta oladi;
o‘zbek alifbosidagi bosh va kichik harflarning yozma shaklini husnixat talablari asosida yoza oladi;
4-6 ta yig‘iq gaplardan iborat matnni to‘g‘ri ko‘chirib yoza oladi.
