O‘zbekiston respublikasi ichki ishlar vazirligi

B e s h i n c h i b o ‘ l i m

MA’MURIY JARAYON VA MA’MURIY HUQUQBUZARLIK TO‘G‘RISIDAGI ISHLARNI YURITISH

6. 
   bob
   

MA’MURIY JARAYON

1. §. Ma’muriy jarayon tushunchasi va xususiyatlari

Huquqiy jarayonning keng tarqalgan ko‘rinishi — ma’muriy jarayondir. Yuridik adabiyotlarda, ma’muriy jarayon, ijro etuvchi hokimiyat organlarining ma’muriy-protsessual shaklda amalga oshiriladigan va aniq huquqiy masalalarni hal etishga qaratilgan - hokimiyat faoliyati sifatida ko‘rsatib o‘tiladi. Bu birinchi navbatda, ma’muriy jarayonning ma’muriy huquq normalari bilan tartibga solinganligiga asoslanadi.

Ma’muriy jarayon huquqiy jarayonning barcha umumiy xususiyatlariga ega. Lekin shu bilan birga uning quyidagi o‘ziga xos xususiyatlari ham mavjud:
birinchidan, ma’muriy jarayon — ijro etuvchi organlarning maqsadga muvofiq yo‘naltirilgan hokimiyat faoliyatidir;
ikkinchidan, ijro etuvchi organlarning hokimiyat faoliyati qo- nunchilik hujjatlariga asoslanib, ularga tegishli bo‘lgan aniq masalalarni hal etishga qaratilgan;
uchinchidan, ma’muriy-huquqiy aktning qabul qilinishi ma’muriy jarayon natijasi bo‘lib hisoblanadi;
to‘rtinchidan, ijro etuvchi organlarning hokimiyat vakolatlari ma’muriy huquq, xususan uning protsessual normalari bilan tartibga solinadi;
beshinchidan, ma’muriy jarayon, qoida bo‘yicha, sodda- lashtirilgan harakatlarni amalga oshirish bilan bog‘liq.
Bundan tashqari, ma’muriy jarayonning o‘ziga xos xusu- siyatlariga — ma’lum bir ishning yozma yoki og‘zaki tartibda olib borilishini, sirtdan ko‘rib chiqilishini ham kiritish mumkin.
Demak, ma’muriy jarayon — ma’muriy-protsessual shaklda amalga oshiriladigan hamda ma’muriy-huquqiy aktlarni qabul qilish va ijro etish orqali ma’lum bir ishni hal etishga qaratilgan ijro etuvchi organlarning hokimiyat faoliyatidir
Yuridik adabiyotlarda, ma’muriy jarayon bilan bir qatorda,
«ma’muriy-protsessual faoliyat» tushunchasi ham ko‘rsatib o‘tilgan. Ma’muriy-protsessual faoliyat quyidagilardan iborat:

1.