O`zbekiston respublikasi maktabgacha ta`lim vazirligi maktabgacha ta`lim muassasalarida ta`lim jarayonini mavzuviy rejalashtirish (tayyorlov guruhi) Toshkent 2018 yil

OY MAVZUSI: «ZUMRAT QISh»
1 hafta. «ZUMRAT QISH. KONSTITUSIYA KUNI»
Qurilish, konstruktorlash markazi, matematika
Pedmetlarni to`g`ri va teskari sanash.
Geometrik figuralardan rasm hosil qilish
Maqsad: 20 soni ichida to`g`ri va 10 sonidan teskari sanaydi.Geometrik figuralardan rasm hosil qiladi.
Kerakli Jihoz va materiallar: predmetlarni sanash uchun mayda predmetlar, 20 sonigacha bo`lgan kartochkalar, katta, kichkina va o`rta hajmdagi geometrik figuralarning to`plami, predmetlar tasvirlangan kartochkalar.
Faoliyatning borishi:

1. Kartochkalarni 20 sonigacha ko`payib borish tartibida tahlab chiqish, ovoz chiqarib sanash.

   
   

2. Sonli kartochkalarga mos miqdorda o`yinchoqlarni qo`yish;

   
   

3. Rasmli kartochkalarni ko`zdan kechirish (uycha, archa, mashina, qayiqcha, poyezd);

   
   

4. Geometrik figuralardan turli rasmlarni hosil qilish

   
   

Qo`shimcha qism: tenglik va tengsizlikni tahlil qilishni taklif qilish «Qanchaga ko`p? Qanchaga kam?»
E`tiborga molik jihati:

1. Tartib va miqdor sonlaridan to`g`ri foydalanish.

   
   

2. Uni o`rab turgan olamdagi son va raqamlarning ahamiyatini tushunish.

   
   

Qurilish markazi
Bayramona uy
Maqsad: qurilish materiallaridan uy qurish. Bolalarda bir butunni ko`rish, qismlarni farqlash qobiliyatini rivojlantirish (kub, silindr, piramida, konus)
Kerakli Jihoz va materiallar: qurilish to`plami , lego, rasmlar. Faoliyatning borishi:

1. Mavzuga doir rasmlarni ko`zdan kechirish.

   
   

2. Bolalar bilan birgalikda bayramona uyni qurishni rejalashtirish.

   
   

3. Bolalar tomonidan uyni qurish.

   
   

Qo`shimcha qism: tarbiyachi bolalarga uyni bezash uchun shakli va uslubiga ko`ra tayyor materiallarni taklif qilishi mumkin.