O'zbekiston Respublikasi Mustaqilligining 20yilligiga bag'ishlanadi kirish

3-§. Milliy istiqlol va Amir Temur omili

Bugun biz mustaqillik mohiyatini, uning jamiyat taraqqiyoti-da tutgan o'rni hamda xalq turmushidagi beqiyos ahamiyatini ulug' bobokalonimiz sohibqiron Amir Temur orqali yana ham chuqurroq anglamoqdamiz.

Mustaqilligimizning 5 yilligi va Amir Temur tavalludining 660 yillik tantanalari bir-biriga ulanib ketdi. Bu tarixiy haqiqatning yu-zaga chiqishi ajdodlarimizning muqaddas ruhi va bugungi avlod xohish-irodasining mushtarakligidan dalolat beradi. Biroq, bu kun-larga yetib kelish oson bo'lmadi.

Davr va sharoit nechog'li og'ir, shafqatsiz bo'lmasin, o'zbek xalqi hech qachon o'tmishini, uning buyuk siymolarini yoddan chi-qarmadi, qalb qo'rida saqlab keldi.

«Qizil imperiya» Amir Temurga, u orqali o'zbek xalqiga nisba-tan tahqirlash siyosatini olib borgan bir paytda, xorijda bu benazir zotga bag'ishlangan ko'plab ilmiy, ilmiy-ommabop, badiiy, san'at asarlari yaratildi, xalqaro anjumanlar o'tkazildi, uning nomi bilan bog'liq ommaviy tashkilotlar tuzildi, muzeylar ochildi.

Shunisi quvonchliki, o'zbek xalqining bag'riga ozodlik shamoli tekkan ilk yillardanoq, YuNESKO Amir Temurning insoniyat tari-xidagi ulkan xizmatlarini jahon ahliga tanitishga O'zbekiston huku­mati bilan birgalikda jonbozlik ko'rsata boshladi. Bu, birinchidan, ulug' bobokalonimizning jahon tarixidagi beqiyos nufuzidan dalo-lat bersa, ikkinchidan, millat sha'ni, uning tarixiy shavkatini tiklash yo'lida Prezident Islom Karimov sa'yi harakatlarining natijasidir. YuNESKOning o'sha paytdagi bosh direktori Federiko Mayor bilan O'zbekiston rahbarining amaliy muloqotlari va hamkorligi bugun o'zbek millati dovrug'ini olamga taratishga xizmat qilmoqda.

Bundan 600 yilcha burun Ispaniyaning mashhur o'g'loni Rui Gonzales de Klavixo do'stlik elchisi maqomida Samarqandga tashrif buyurib, vataniga qaytgach, yurtimiz haqida o'z taassurotlarini e'lon qilgan edi. O'shanda nafaqat Ispaniya, balki butun Yevropa Klavixo asari orqali Turkiston va uning madaniyati borasidagi o'z tasavvur-larini yanada boyitish imkoniyatiga ega bo'lgandi. Taqdir taqozosi bilan oradan deyarli olti asr o'tib, Ispaniyaning boshqa bir o'g'loni -Federiko Mayor ma'rifat, ilm va madaniyatning xalqaro miqyosdagi homiysi va himoyachisiga aylangan YuNESKOga rahbar bo'lib, O'zbekistonning boy tarixini, uning umuminsoniy qadriyatlarini, bu­yuk ajdodlarini jahonga tanitishga hissa qo'shmoqda. F.Mayorning bu xizmatlari O'zbekiston hukumati tomonidan munosib baholandi.