O’zbekiston respublikasi oliy ta’lim,fan va innovatsiyalar vazirligi mirzo ulug’bek nomidagi

2.4. Tuman sanoati va transporti
Sanoat. Zomin tumanida 2019 – yil 1 - yanvar holatiga faoliyat yuritilayotgan sanoat korxonalari jami 73 tani, 2020 – yil 1 – yanvar holatiga 85 tani tashkil etgan bo‘lsa, 2021 – yil 1 – yanvar holatiga esa 111 tani tashkil etadi. Shundan yirik korxonalar yo‘q, 111 ta kichik korxona va mikro – firmalar shu jumladan 4 ta xorijiy investitsiya ishtirokidagi korxonalar mavjud.
12-rasm. Sanoat korxonalar o‘sishi
Yildan yilga sanoat korxonalar soni ortib borayotganligi tuman aholisini yanada kengroq qatlamini qamrab olishiga, ishsizlik darajasi pasayishiga va tuman iqtisodiyoti yuksalishiga olib kelmoqda.
2020 yilda 22 ta yangi sanoat korxonalari tashkil etilib, ularning barchasi kichik tadbirkorlik subektlari hissasiga to‘g‘ri keldi. Baxmal tumanida 2020 – yildagi mavjut 85 ta kichik korxona va mikrofirmalarning sanoat mahsulotlari ishlab chiqarish hajmiga (10-jadval) qaraydigan bo‘lsak, 86,2 mlrd so‘mni tashkil etganini ko‘ramiz. Shundan 1,0 mlrd so‘m Davlat ulishi ishtirokidagi korxonalar hajmiga, qolgan 85,2 mlrd so‘m esa Davlat ulishi ishtirokida bo‘lmagan korxonalar hissasiga to‘g‘ri kelmoqda.
Transporti. Zomin tumanida 2021 - yil 1 - yanvar holatiga transport sohasida faoliyat ko‘rsatayotgan korxonalar soni 18 tani tashkil qilib, tumandagi jami xizmatlar sohasida faoliyat yuritayotgan korxona va tashkilotlar kesimida 2,4 % ulushni qayd etdi. Bu ko‘rsatkich o‘tgan 2020 -yilning shu davrida 19 ta korxona va 1,9 % ulushga ega bo‘lgan edi. Ko‘rib turganimizdek transport korxonasi o‘tgan yilnikidan bittaga kam bo‘lsa ham faoliyat yuritayotgan korxona va tashkilotlar kesimida 2021 – yilga kelib 0,5 % ga o‘sish mavjud.

13-rasm. Transport sohasida faoliyat ko‘rsatayotgan korxonalar soni
(birlik va % da)
2.5. Ijtimoiy soha tavsifi
Umumiy ta’lim muassasalari. Zomin tumanida 2020 - 2021 o‘quv yilida tuman bo‘yicha 81 ta umumta’lim muassasalari faoliyat ko‘rsatmoqda. Ularda 31 971 nafar o‘quvchilar ta’lim oladilar. Jami o‘quvchilarning 36,8 foizini 1-4 sinf o‘quvchilari, 47,0 foizini 5 - 9 sinf o‘quvchilari va 16,2 foizini 10 - 11 sinf o‘quvchilari tashkil etadi. O‘quvchilarga 3 501 nafar (o‘rindoshlarsiz) pedagog xodimlar ta’lim bermoqda.