127
veb-sayt hisoblanadi. Elektron birjada tovarlar assortimenti cheklangan bo‘lib,
ro‘yxatdan o‘tgan profillar kesimida savdolar amalga oshiriladi. Real vaqt rejimida
bitimlar tuzish zarurligini inobatga olib, birjada qaror qabul qilish va operatsiyalar
tezkorligi muhim ahamiyatga ega. Elektron to‘lovlar va yetkazib berish xizmatlari
elektron birjalar faoliyati doirasiga kirmaydi.
Elektron savdo maydonchasi – birjadan
tashqari elektron savdo
operatsiyalarini amalga oshirish tizimi hisoblanadi. Elektron savdo maydonchasida
sotib oluvchilar va sotuvchilar o‘rtasida bitimlar tuziladi.
Savdo maydonchalari,
qoida
tariqasida, muayyan tarmoq kesimida faoliyat yuritadi.
Elektron birjadan
farqli ravishda tovarlar assortimenti cheklanmagan.
Elektron savdo markazi – bu bir nechta elektron do‘kon va kataloglarni o‘zida
birlashtiradigan veb-saytdir. Bunda umumiy platforma orqali elektron do‘konlarda
savdo qilinadi va himoyalangan to‘lov operatsiyalari amalga oshiriladi.
Elektron
savdo markazi umumiy savdo provayderi (tashkilotchisi) vazifasini bajaradi. Uning
afzalligi
shundaki, iste’molchilar yagona platforma
orqali keng assortimentdagi
bozorlarga kirib boradi. Bundan tashqari, elektron savdo markazi brendi ostida yangi
elektron do‘konlar mijozlarni jalb qilish imkoniyati oshadi.
Elektron ma’lumotnoma (katalog) – tovar yetkazib beruvchilar o‘rtasida
tenderlar o‘tkazish uchun ixtisoslashtirilgan veb-sayt. Bu katalog ko‘rinishida
bo‘lib, mijoz yetkazib beruvchini tanlagan holda u muzokaralar o‘tkazadi. Yetkazib
beruvchilarni tanlab
olish tovarning xususiyati, narxi,
yetkazib berish shartlari,
nomenklaturasi va boshqa mezonlari bo‘yicha amalga oshiriladi.
Dostları ilə paylaş: 
