O’quv-tanishuv va ishlab chiqarish amaliyoti: Talabalar umumkasbiy fanlarni o’zlashtirishida olgan bilimlarini nazariy va amaliy mustahkamlash; ijtimoiy ish sohasiga oid hujjatlar turlarini va o’tish bosqichlari tartibini o’rganish; sohada qo’llaniladigan hisob metodlari bilan tanishish; ijtimoiy ish yo’nalishi bo’yicha o’tkazilgan sotsiologik tadqiqotlarning aniqligiga, ishonchliligiga ko’nikmalarini egallash.
Ijtimoiy ish faoliyatining asoslari, uning turlari va xillari haqidagi tushunchaga ega bo’lish. Ijtimoiy himoya muassasalari faoliyatining uslubiyotini o’rganish, muassasalarning kundalik ish faoliyati bilan tanishish, ushbu muassasalarda rejalashtirilib o’tkaziladigan tadbirlarning aniq maqsad, vazifalarini tahlil qila bilish va h.k.
Aniq mutaxassislik yo’nalishi bo’yicha belgilangan muassasalar negizida amaliy ko’nikmalarga ega bo’lish; bilimni mustahkamlash, amaliy malakaga ega bo’lish, amaliyot o’tayotgan muassasalarning moddiy texnik jihatidan imkoniyatlarini o’rganish va tahlil qilish, nazariy ixtisoslik va mutaxassislik fanlari bo’yicha egallagan bilimlarini amaliyotda qo’llay bilishi, o’tkazilayotgan sotsiologik, psixologik va pedagogik tadqiqotlarning maqsad va vazifalarini bilishi va qo’llay olishi, ixtisosligi bo’yicha aniq belgilangan tadbirlarni mustaqil tarzda o’tkaza bilishi kerak; ijtimoiy muhofaza muassasalarida amaliyotni o’tash davrida turdosh muassasalarning ish faoliyatining o’xshashlik va farqli jahatlarini angalay bilishi.
Bitiruv-malakaviy ishi (loyihasi) oldi amaliyoti: Bitiruvchini bevosita standart talablariga muvofiq mustaqil ishlashga tayyorlash; o’zlashtirgan nazariy bilimlarini chuqurlashtirish va mustahkamlash; jamoada tashkilotchilik va tarbiyaviy ishlar olib borish bo’yicha tajriba hosil qilish; loyihalash markazlarida ijtimoiy loyihalarni shakllantirish amaliy ko’nikmalarini egallash hamda bitiruv malakaviy ishini bajarish uchun materiallarni to’plash.
