O‘zbekiston respublikasi oliy va o‘rta maxsus ta’lim

21.1-jadval Davlat budjeti daromadlari to‘g‘risida ma’lumot (mlrd.so‘m)¹

Asosiy budjet ko‘rsatkichlari	2012	2014	2016	2017	2018	2019
Davlat budjeti daromadlari	20614,1	31730,5	41030,7	49684,8	79099,1	112160,4
Shu jumladan: Bevosita soliqlar	5196,4	7433,0	9853,6	11538,9	15436,6	31671,7
Bilvosita soliqlar	11187,8	16852,3	21131,0	26133,6	40949,0	46427,2
Resurs soliqlari	2746,4	4311,5	5306,2	6867,4	12663,4	19680,8
Boshqa daromadlar	1483,5	3133,7	4739,9	5144,7	10050	14380,7

21.2-jadval Davlat budjeti xarajatlari to‘g‘risida ma’lumot (mlrd.so‘m)²

Ko‘rsatkichlar	2012	2014	2016	2017	2018	2019
Davlat budjeti xarajatlari	21571	31425,4	40930,0	49344,9	79 736,1	118008,6
Ijtimoiy soha va aholini ijtimoiy qo‘llab-quvatlash xarajatlari	12513	18493,7	24106,7	26922,7	42901,1	63580,1
Iqtisodiyot xarajatlari	2372	3363,3	4346,9	5280,7	8461,8	18481,0
Markazlashgan investitsiyalarni moliyalashtirish	1059	1624,7	2131,8	3234,8	5396,4	7048,5
Davlat hokimiyati va boshqaruvi organlari, sud organlari xarajatlari	629	1414,2	1790,8	1932,9	3666,1	6020,3
Boshqa xarajatlar	4735	6529,4	8553,8	11973,8	19310,7	22878,7

Jadvaldan ko‘rinib turibdiki, davlat budjeti xarajatlarida ijtimoiy soha va aholini ijtimoiy qo‘llab-quvvatlash xarajatlarining salmog‘i yuqori bo‘lmoqda. Xususan, ushbu xarajatlar 2012 yilda 12513 milliard so‘mga rejalashtirilib, jami budjet xarajatlarida 58 foizni tashkil etishi ko‘zda tutilgan bo‘lsa, 2019 yilga kelib

¹ Manba: O‘zbеkiston Rеspublikasi Moliya vazirligi ma'lumotlari asosida - https://www.mf.uz/uz/rukovodstvo-i- podvedomstvennye-organizacii/content/parametry-gosudarstvennogo-byudzheta.html
² Manba: O‘zbеkiston Rеspublikasi Moliya vazirligi ma'lumotlari asosida - https://www.mf.uz/uz/rukovodstvo-i- podvedomstvennye-organizacii/content/parametry-gosudarstvennogo-byudzheta.html
ushbu xarajatlar 63580,1 milliard so‘m hajmida bajarilgan va uning jami budjet xarajatlaridagi ulushi 53,9 foizini tashkil etadi. Demak, ushbu sohaga qilinayotgan xarajatlar, birinchidan, nominal mazmunda va shuningdek, umumiy xarajatlar salmog‘ida ham ortib bormoqda.
O‘zbekiston Respublikasi Prezidentining 2017 yil 7 fevraldagi “O‘zbekiston Respublikasini yanada rivojlantirish bo‘yicha harakatlar strategiyasi to‘g‘risida”gi, PF-4947-sonli Farmonining 3-yo‘nalishining 3.1-bandida “xarajatlarning ijtimoiy yo‘naltirilganligini saqlab qolgan holda, Davlat budjetining barcha darajalarida mutanosibligini muvozanatni saqlash, mahalliy budjetlarning daromad qismini mustahkamlashga yo‘naltirilgan budjetlararo munosabatlarni takomillashtirish” masalasi qo‘yilgan.
Shunga mos tarzda O‘zbekiston Respublikasi Prezidentining “O‘zbekiston Respublikasining “2020 yil uchun O‘zbekiston Respublikasining davlat budjeti to‘g‘risida”gi qonuni ijrosini ta’minlash chora-tadbirlari to‘g‘risida”gi qarori imzolandi. Unga ko‘ra, ilk bor, “2020 yil uchun O‘zbekiston Respublikasining Davlat budjeti to‘g‘risida”gi O‘zbekiston Respublikasi Qonuni bilan respublika budjeti xarajatlari vazirlik va idoralar kesimida O‘zbekiston Respublikasi Oliy Majlisi palatalari tomonidan, mahalliy budjetlar xarajatlari esa xalq deputatlari mahalliy kengashlari tomonidan tasdiqlanishi belgilab qo‘yildi. 2020 yildan boshlab barcha davlat maqsadli jamg‘armalari va chetdan jalb qilingan tashqi qarz mablag‘lari hisobidan amalga oshirilayotgan davlat xarajatlari konsolidatsiyalashgan davlat budjetida aks ettirilib, budjet qamrovi va ochiqligi darajasi kuchaytirildi. Xalqaro standartlarga muvofiq umumiy fiskal balansining hisobini yuritish yo‘lga qo‘yildi.
Bozor iqtisodiyotiga o‘tib borish bilan jamiyat moliya tizimida turli xil sug‘urta (ijtimoiy sug‘urta, tibbiy sug‘urta) fondlari va budjetdan tashqari moliya fondlari (pensiya fondi, aholini ish bilan ta’minlash fondi, tabiatni muhofaza qilish fondi, tarixiy yodgorliklarni saqlash fondi, tadbirkorlarga ko‘mak berish fondi va boshqalar)ning ahamiyati ortib boradi.

2.