Kurs ishining ob’ekti: Nutqda kamchiligi bo’lgan bola
Kurs ishining maqsadi: Bolalardagi nutq nuqsonlarini bartaraf etishni qulay korreksion texnologiyalardan foydalanib nuqsonini bartaraf etishni o’rganish
Kurs ishining vazifalari: -Bolalarda nutq kamchiliklarini kelib chiqishini ilmiy adabiyotlarda adabiyotlarda tahlil qilish;
-Nutq kamchiligini keng tarqalganligini va alomatlarini tahlil qilish;
-Nutq kamchligini bartaraf etishda zamonaviy metodlar axamiyati;
-Nutq kamchiligini bartaraf etishda didaktik o’yinlardan foydalanish
Kurs ishining metodi: suhbat, kuzatish,test
Insonning eng muhim xususiyatlaridan biri uning so’zlash qobilyatidir. Ravon nutq orqali ifodalangan fikr tushunarli va yoqimlidir. Nutq insonning murakkab oliy psixik funksiyalaridan biridir.
Jamiyatimizda yuz berayotgan ijtimoiy, iqtisodiy, ekologik o‘zgarishlar jismoniy va ruhiy nuqsonga ega bo‘kgan bolalarning ko‘payishiga sabab bo‘lmoqda. Bolaning barcha psixik jarayonlar — idrok, xotira, tasavvur, tafakkur, xulq – atvor – nutq ishtirokida shakllanadi. Eshitish va nutq nuqsoniga ega bolalarda intellektual rivojlanish sur’ati orqada qolishi mumkin. U atrofdagilar bilan kam muloqotga kiradi, shunga bog‘liq holda tasavvur doirasi chegaralanadi, tafakkurning rivojlanish tempi orqada qoladi. Shunday qilib, nutqiy buzilish tahlili psixik rivojlanishning turli tomonlari bilan bog‘liqligi asosida nutqiy patologiyalar mavjud bolalarni o‘rganishga kompleks yondashuv bo‘lishni talab etadi. Mamlakatimizda inklyuziv ta’limning joriy etilishi har bir imkoniyati cheklangan bolalarni o’z hududidagi sog’lom tengdoshlari qatorida umumiy maktabgacha va maktab ta’limiga jalb qilinishi ham yosh va imkoniyati cheklangan bolalarga berilgan imkoniyatlardan biri hisoblanadi. Imkoniyati cheklangan bolalar shu jumladan og’ir nutq nuqsoniga ega bo’lgan bolalar afaziya, alaliya, dizartriya shaklidagi bolalar sog’lom tengdoshlari bilan teng ta’lim olishi bolaning nuqsonini bartaraf etishga yana bir imkoniyat hisoblanadi. Har bir bola ravon, go’zal gapirishi bolani jamiyatda o’z o’rnini topishiga, barkamol shaxs sifatida kamol topishida muhimm ahamiyatga ega.
