Geneologik usuldan foydalanishning uchinchi bosqichida shajarani tahlil qilish boshlanadi.
Shajarani genetik jihatdan tahlil qilganda quyidagilar diqqat markazida bo'ladi:
1. Shajara bo'yicha o'rganilayotgan belgi hamma avlodlar va oilaning ko'p a ’zolarida uchraydimi?
2. O 'rganilayotgan belgi ikki jinsda ham namoyon bo'ladimi, qaysi jinsda u ko'proq uchraydi?
3. Avlodlarga belgi ko'proq otadan o'tadimi yoki onadanmi?
4. Shajarada ota - onada bo'lmagan belgining bolalarda uchrashi yoki kasal ota-onadan sog' bolalarning tug'ilishi hollari belgilanadi.
5. Shajaradagi ota -onada bo'lmagan belgining bolalarda uchrashi yoki bolalarda bo'lmagan belgining ota - onada uchragan holatlari bormi?
6. Ota-onaning birortasidagi belgining bolalarni nechtasida uchrashi ham ko'rsatiladi.
Belgining irsiylanish tipiga qarab u autosom dominant, autosom retsessiv, jins bilan birikkan holda bo'lishi mumkin.
Autosomadagi dominant gen ta’sirida rivojlanadigan belgining irsiylanishi 2-rasmda, retsessiv belgining irsiylanishi esa 3 -rasm da ifodalangan.
Retsessiv genlar bilan bog 'liq belgilar irsiylanishining shajarasini tuzish bir muncha murakkabdir. Ota-ona retsessiv belgi bo'yicha geterozigota bo'lsa, u holda naslda 0,25 yoki 25 foiz gomozigota farzandlarda mazkur kasallik fenotipda namoyon bo'ladi. Oilalarda bolalar 4 ta emas, 2 ta tug'ilgan holda, uni fenotip bo'yicha aniqlash mushkul bo'ladi.
