O'zbekiston respublikasi oliy va o'rta maxsus ta'lim vazirligi bm. Umarov
Yüklə 0,73 Mb.
|
|
Kommunikativ ta 'sir etish texnikasi
Kommunikativ ta'sir etish texnikasi pedagogik muloqot jara- yonida muhim ahamiyat kasb etadi. U pedagogik aloqa o'rnatish bosqichida va ma'ruza jarayonida muloqotning amalga oshishi vaqtida 56 yuzaga keladi. Bizga ma'lumki, muomalaning nutqli va nutqsiz vositalari mavjud bo'lib, bular shaxslararo bo'ladigan munosabatlarda muhim ahamiyatga ega. Nutqli ta 'sir etish texnikasi Nutqli ta'sir etish texnikasi deyilganda, ichki ishlar organ xo- dimlarining fuqarolarga so'z vositasida ta'sir etishi tushuniladi. Bunda xodimning nutqi o'ziga xosligi, aniqligi, to'g'riligi, ravonligi, man- tiqiyligi va ta'sirchanligi bilan tavsiflanadi. Nutqli ta 'sir etish texnikasining elementlari: Nutqli ta'sir etish texnikasining elementlariga quyidagilar kiradi: —ovoz vositalariga ega bo'lish, ya'ni talaffuz va pauza saqlash hamda nutqning mazmuniga e'tibor berish; —ichki yashirin dialogik nutq usuli orqali fikr yuritish; —nutqni mantiqiy tuzish usuli; —nutqning mantiqiy mazmuniga diqqatni qaratish usuli; —nutqning obrazliligi; —nutqning ifodali ravishda aks ettirilishi; —savollar qo'yish, ishontirish, asoslash texnikasi; —o'rinli hazil-mutoyiba ishlatish. Nutqsiz ta 'sir etish texnikasi —qarash; —mimika; —imo-ishoralar; —shaxslarning tana harakatlari; —kommunikativ fazoni dars jarayonida idrok qilish usuli; —pedagogik muomala tarzini o'zgartirish usuli: Pedagogning pedagogik madaniyati bilan bir qatorda, uning intellektual potensiallari (imkoniyatlari) ham muhim rol o'ynaydi. Chunki, pedagogik faoliyati jarayonida kompleks ishlarni amalga oshirishda pedagogning aqliy qobiliyati vazifaning qay darajada bajarilishini belgilab beradi. Ta'lim-tarbiya va rivojlanish o'rtasidagi o'zaro munosabat muammosi Psixologiya fanida zamonaviy ta'limotga asoslangan holda inson shaxsi- ning tarkib topishida ta'lim va tarbiya bilan rivojlanish o'rtasidagi o'zaro munosabat muammosi keng doirada muhokama mavzusiga aylanmoqda. Rivojlanish deganda, odatda hodisalarning har ikki turi tushuniladi va bu tushunchalar bir-biri bilan chambarchas bog'liqdir: 1) miyaning biologik, organik etilishi, uning anatomik-fiziologik tuzilishi jihatidan etilishi; 2) psixik (aqliy) rivojlanishning ma'lum o'sish darajalari sifatidagi, o'ziga xos aqliy etilish sifatidagi psixik rivojlanishi. O'z-o'zidan ma'lumki, aqliy rivojlanish miya tuzilishining biologik echimi bilan bog'liqdir va bu xususiyat ta'lim-tarbiya ishlarida albatta hisobga olinishi lozim, chunki ta'lim miyaning organik jihatdan etilishini inkor eta olmaydi. Biroq, miya tuzilishining organik jihatdan etilishini muhitga, ta'lim-tarbiyaga mutlaqo bog'lanmagan holda o'zining qat'iy biologik qonunlari asosida sodir bo'ladi, deb bo'lmaydi. Muhit, ta'lim- tarbiya va tegishli mashq, miya tuzilishining organik jihatdan etilishiga yordam beradi. Bu jarayonda ta'lim qanday mavqega ega? Ta'lim rivojlanishga nisbatan etakchi vazifani bajaradimi yoki aksincha? Bu muammoning hal qilinishi ta'lim jarayonining mazmuni va metodikasini, o'quv dasturlari va darsliklarning mazmunini belgilab beradi. Bu borada nemis psixologi V. Shtern: ta'lim psixik rivojlanishning orqasidan boradi va unga moslashadi, degan fikrni olg'a surgan edi. Bu fikrga qarama-qarshi rus psixologi L.S.Vigotskiy bolaning psixik rivojlanishida ta'lim va tarbiyaning etakchilik roli bor, degan qoidani birinchi bo'lib ilgari surdi va uni ta'lim rivojlanishdan oldinda boradi va rivojlanishni o'z orqasidan ergashtirib olib boradi, deb aniq ifodalab beradi. Yuqorida bayon qilingan birinchi fikrga muvofiq ta'lim faqat rivojlanish tomonidan erishilgan narsalardan foydalanadi. Shuning uchun aqliy jihatdan etilish jarayoniga aralashmaslik, unga xalaqit bermaslik, balki ta'lim uchun imkoniyat etilguncha chidam bilan kutib turish kerak. Shveysariyalik psixolog J. Piajening nazariyasi ham ayni shu g'oya- lar bilan yo'g'rilgandir. J. Piajening fikricha, bolaning aqliy o'sishi o'zining ichki qonunlari asosida rivojlana borib, sifat jihatdan o'ziga xos bir qator genetik bosqichlarni bosib o'tadi. Ta'lim — bu aqliy etilish jarayonini faqat bir qadar tezlatishga yoki sekinlashtirishga qobildir, lekin u aqliy jihatdan etilish jarayoniga hech qanday jiddiy ta'sir ko'rsata olmaydi. Demak, ta'lim rivojlanish qonunlariga bo'ysunishi kerak. Masalan, bolada mantiqiy tafakkur etilmay turib, uni mantiqiy fikr yuritishga 58 o'rgatish foydasizdir. Ta'limning turli bosqichlari bolaning tegishli psixologik imkoniyatlari pishib etiladigan muayyan yoshidan qat'iy nazar, bog'liqligi ana shundan kelib chiqadi. Ta'kidlash joizki, ta'lim etakchi rolni bajaradi, ta'lim va rivojlanish esa o'zaro bir-biriga bogiiqdir. War alohida sodir bo'ladigan ikki jarayon bo'lmay, balki bir butun jarayondir, Ta'limsiz to'la aqliy rivojlanish bo'lishi mumkin emas. Ta'lim rivojlanishga turtki bo'ladi, rivojlanishni o'z ortidan ergashtirib boradi. Zarur sharoit tug'ilganda ta'lim mantiqiy fikrlash malakasini tarkib toptiradi va tegishli aqliy rivojlanish uchun zamin bo'ladi. Lekin, ta'lim rivojlanishga turtki bo'lish bilan bir vaqtda o'zi rivojlanishga tayanadi, erishilgan rivoj- lanish darajasining xususiyatlarini, rivojlanishning ichki qoidalarini, albatta, inobatga oladi. Ta'limning imkoniyatlari juda keng boisa-da, biroq cheksiz emas. Yirik rus psixologi L.S. Vigotskiy ta'lim va taraqqiyot muammosiga ijtimoiy-tarixiy jarayon nuqtai-nazaridan yondashib, bilimlarni o'zlashtirish insoniyatning tarixiy taraqqiyotida yaratilgan madaniyatda ishtirok etish jarayonidir, deb ta'kidlaydi. U olg'a surgan psixik funksiyalar taraqqiyotining madaniy-tarixiy nazariyasiga ko'ra, psixik faoliyat taraqqiyoti uning „tabiiy" shaklini bevosita qayta qurgan holda, turli alomatlar bilan awal tashqi, so'ng ichki ifodalanishni nazarda tutib, „madaniy" shaklini egallash tushuniladi. Shu munosabat bilan L.S. Vigotskiyning psixologiyaga kiritgan „psixik taraqqiyotning eng yaqin zonasi" tushunchasi muhim ahamiyat kasb etadi. Buning asl mohiyati, bolaning mustaqil faoliyati kattalar bilan hamkorlikda, uning rahbarligida amalga oshiriladi. L.S. Vigotskiy tomonidan kiritilgan „psixik taraqqiyotning eng yaqin zonasi" tushunchasi „ta'lim taraqqiyotdan oldinda boradi" degan umumiy qoidaning yaqqol mazmunini tushunish uchun imkoniyat yaratadi. E. Torndayk va J. Piajening ta'lim bilan taraqqiyotni ayni bir narsa deb tushuntirishiga qaramay L.S. Vigotskiy: „Bola taraqqiyotini hech mahal o'quv maskani ta'limidan tashqaridagi soya deb hisoblash mumkin emas" - deb ta'kidlaydi. Bundan tashqari, ta'lim va taraqqiyot bir-biriga tobe bo'lmagan jarayonlardir- degan yo'nalishdagi Psixologlarni ham u qattiq tanqid qiladi. P.P. Blonskiy ta'limning bola taraqqiyotidagi o'rniga alohida ahamiyat beradi. Shuning uchun u o'quvchilarning aqliy rivojlanishi to'g'ridan- to'g'ri o'quv maskani dasturi mazmuniga bog'liq ekanligini ta'kidlaydi. Uning fikricha, ta'lim jarayonida bolalar ma'lum qoida asosida faoliyat qilishga odatlanadilar. Ta'lim ta'siri natijasida o'quvchilarda o'z-o'zini va o'zining aqliy faoliyatini nazorat qilish yuzaga keladi. Shuningdek, psixolog-olimlardan V.V. Davidov, P.Ya. Galperin, D.B. Elkonin, N.A. Menchinskaya, A.A. Lyublinskaya, E.G. G'oziyevlar o'z tadqiqotlarida ta'limning taraqqiyotdagi etakchi rolini ta'kidlashadi. Psixik taraqqiyotning omillari va sharoitlari aniqlab olingan taqdirda ham, psixikada yuzaga keladigan o'zgarishlarning manbalari, psixik rivojlanishni harakatga keltiruvchi kuchlar nimalardan iborat, degan savolning tug'ilishi, tabiiydir. Bolaning psixik rivojlanishini harakatga keltiruvchi kuchlar murakkab va turli-tumandir. Rivojlanishning mohiyati qarama-qar- shiliklar kurashidan, ichki ziddiyatlar, bolaning psixik rivojlanishini bevosita harakatga keltiruvchi kuchlar, ta'lim va tarbiya jarayonida yuzaga keladigan hamda bartaraf qilinadigan eskilik va yangilik o'rtasidagi qarama-qarshiliklardan iboratdir. Bunday ziddiyatlarga faoliyat tomonidan yuzaga keladigan yangi ehtiyojlar bilan ularni qondirish imkoniyatlari o'rtasidagi ziddiyatlar; bolaning o'sib borayotgan jismoniy va ruhiy imkoniyatlari bilan eski, tarkib topgan o'zaro munosabat shakllari va faoliyat turlari o'rtasidagi ziddiyatlar; jamiyat, jamoa, katta odamlar tomonidan kundan-kunga ortib borayotgan talablar bilan psixik taraqqiyotning mazkur darajasi o'rtasidagi ziddiyatlar kiradi. Masalan, kichik o'quv maskani yoshidagi o'quvchida mustaqil irodaviy faoliyatga nisbatan bo'lgan tayyorlik bilan xatti- harakatlarning mavjud vaziyatga yoki bevosita ichki kechinmalarga bog'liqligi o'rtasida ziddiyat mavjuddir. O'smirlarda esa eng kuchli ziddiyatlar bir tomondan, uning o'ziga o'zi baho berishi va o'z talablari darajasi va ikkinchi tomondan, atrofdagilarning unga nisbatan bo'lgan munosabatlari haqidagi ichki kechinmasi o'rtasida, shu- ningdek, o'zining jamoadagi real mavqei to'g'risidagi ichki kechinmasi o'rtasida; katta odamlar hayotida to'la huquqli a'zo sifatida qatnashishi ehtiyoji bilan bunga o'z imkoniyatlarining mos kelmasligi o'rtasida paydo bo'ladi. Ko'rsatilgan barcha ziddiyatlar birmuncha yuqori darajadagi psixik faoliyatlami tarkib toptirish orqali bartaraf qilinadi. Natijada bola psixik rivojlanishning yanada yuksakroq bosqichiga ko'tariladi. Ehtiyoj qondiriladi — ziddiyat yo'qoladi. Biroq, qondirilgan ehtiyoj yangi ehtiyojni tug'diradi. Bu ziddiyat boshqa bir ziddiyat bilan almashinadi, taraqqiyot davom etadi. Rivojlanish faqat sof miqdor o'zgarishlari jarayonidan, ya'ni qandaydir psixik hodisalarning, xususiyat va sifatlarning ko'payishi yoki kamayishidan iborat bo'lib qolmay, balki sifat jihatdan yangi xususiyatlarning, ya'ni yangidan hosil qilingan sifatlarning paydo bo'lishi bilan bog'liqdir. Psixologlar psixik rivojlanishning umumiy qonuniyatlari borligini qayd etib ko'rsatmoqdalar, Biroq muhit ta'siriga nisbatan bu qo- nuniyatlar ikkilamchidir, chunki bu qonuniyatlarning o'ziga xos xususiyatlari hayot sharoitiga, faoliyatga va tarbiyaga bog'liqdir. Mana shunday umumiy qonuniyatlarga birinchi navbatda psixik rivojlanish- ning notekisligi kiradi. Buning mohiyati shundan iboratki, har qanday sharoitda, hatto ta'lim va tarbiyaning eng qulay sharoitlarida ham shaxsning turli psixik belgilari, funksiyalari va xususiyatlari rivojla- nishning bitta darajasida to'xtab turmaydi. Bolaning ayrim yosh davrlarida psixikaning u yoki bu yo'nalishlarida rivojlanish uchun nihoyatda qulay sharoitlar paydo bo'ladi va bu sharoitlarning ba'zilari vaqtinchalik, o'tkinchi xarakterda bo'ladi. U yoki bu psixik xususiyatlar va sifatlarning rivojlanishi uchun eng qulay sharoitlar bo'lgan ana shunday yosh davrlari senzitiv davrlar deb ataladi. (L.S. Vigotskiy, A.N. Leontev). Bunday senzitivlik davrining mavjudligiga miyaning organik jihatdan etilish qonuniyati ham, ayrim psixik jarayonlar va xususiyatlar ham, hayotiy tajriba ham sabab bo'ladi.
„Tarbiyasi qiyin" bolalar psixologiyasi „Tarbiyasi qiyin" bolalar pedagogik qarovsizlik natijasidir. L.S. Vigotskiy fikricha, „qiyin" o'smir hayoti munosabatlar xarakterining natijasidir. Bular awalo qaysar, injiq bolalar, ularni qiziqarli faoliyat turiga tortish ularni tarbiyalashning asosiy usullaridan biridir. Ularning ma'lum bir qismi intizomsiz, qo'pol bolalardir. Ularning aktivligini maqsadga muvofiq o'zgartirish, ularga ba'zi huquqlarni berish yo'li bilan ularga ta'sir o'tkazish mumkin. Psixologiyada „Tarbiyasi qiyin" bolalarning bir qancha klassifikatsiyalari mavjud. Birinchi guruh — ijtimbiy salbiy mustahkam qarashlari ega bolalar. Ikkinchi guruh — qonunbuzarlarga taqlid qiluvchilar. Uchinchi guruh — ijobiy va salbiy xulq-atvor stereotiplari o'rtasida ikkilanuvchi, o'z xatolarini tushunuvchi bolalardir. To'rtinchi guruh — irodali bolalarga bo'ysunuvchilar. Beshinchi guruh — qonunbuzarlikyo'liga tasodifan kirib qolganlar. Shuni aytish lozimki, tarbiyasi og'ir bolalar uchun ular yasha- yotgan muhit, oila, ular o'qiyotgan jamoa, sinfning roli juda kattadir. Tarbiyalanganlik ijtimoiylashuvni o'rganish jarayoni sifatida qara- ladigan yosh psixologiyasida olingan natijalarga asoslanadi: bola o'zini egosentrik emas, balki tarbiyali tutishi uchun tarbiyalaWanlik qanday rag'batlantirilishi kerak? Tarbiya o'z mohiyatiga ko'ra, ijtirnoiy jihatdan ijobiy ehtiyojlarnl hosil qilishdir. Agar ta'lim shaxsning ohgini shakl- lantirish bo'lsa, tarbiya uning ongsizlik sferasiga ta'sir etishdif Bolalarga ularni tarbiyalaydiganlarga hissiy yaqinlik xos. Odatda 6 oylik bolalar unga g'amxo'rlik qiladigan ota-onasiga bog'lanib qoladilar. Ota-onaning oldida bo'lish, ular bilan muloqotda bo'lish bolalarga juda yoqadi, ularning yo'qligi bolaga yoqmaydi. Ota-onaning g'amxo'rligini bildiradigan so'zlar, xatti-harakatlar bola uchun juda katta ahamiyatga ega, uni erkalamaslik, suymaslik salbiy ahamiyatga ega bo'ladi. Xulq- atvorning dastlabki ijtimoiylashuvi xuddi shu o'rganish jarayoni orqali sodir bo'lishi mumkin: xulq-atvorning istalgan shakllari g'amxo'rlik va e'tibor bilan taqdirlanadi, kutilmagan shakllari esa qo'llab- quwatlanmaydi. Lekin, yaxshi xulq-atvorni rag'batlantirish va yomon xulq-atvor uchun jazolash axloqiy ijtimoiylashuvning kichik bir qismidir. Bolalarni tarbiyalash samaradorligini oshirishda an'ana va urf- odatlarning roli kattadir. Xalq urf-odatlari, an'analari va marosimlari katta tarbiyaviy ahamiyatga egadir. Ular odamlarni bir-biriga yaqinlashtiradi, do'stlik, birodarlik his-tuyg'ularini rivojlantiradi. Bular o'z navbatida yoshlar uchun ibrat namunasini o'taydi. Mustaqil jamiyatning baxt-saodati yo'lida halol mehnat qilish, jamiyat boyligini saqlash va ko'paytirish yo'lida har bir kishining tinmay g'amxo'rlik qilishi, ijtimoiy burchni yaxshi anglash, jamiyat hayotida va shaxsiy hayotda halollik va rostgo'ylik, axloqiy sofdillik, odamiylik va kamtarlik, milliy va irqiy adovatlarga aslo yo'l qo'ymaslik va shu kabilar tarbiya jarayonining muhim xislatlaridir. Tarbiya jarayonida g'amxo'rlikning funksiyasi kattadir. Bolalar befarq ota-onalarga nisbatan g'amxo'r ota-onaga ko'proq taqlid qiladilar. G'amxo'r ota-onalar bolaning salbiy xulq-atvorini qo'llab- quwatlamaganda bola o'z xatti-harakatlarining oqibatini ertaroq anglaydi. Tarbiyaviy jarayonni amalga oshirishda g'amxo'rlik bilan bir qatorda yaxshi ko'rishga asoslangan intizomga rioya qilish zarurdir. Bu bola 62 bilan doimiy muloqotni — tushuntirishni, muhokama qilishni, agar bolaning xulq-atvori shuni talab qilsa, og'zaki tanbeh berishni, yaxshi xulq-atvor uchun taqdirlashni nazarda tutadi. Tarbiya jarayonining texnologiyasini quyidagicha sharhlash mumkin:
Tarbiyalanuvchini alohida takrorlanmas, individuallik sifatida tushunmoq lozim. Uning ehtiyojlari strukturasini aniqlash kerak. Ijobiy emosiyalar vositasida ijobiy xulq-atvor odatlarini shakl- lantirmoq kerak. Ong ham, iroda ham motivlar iyerarxiyasini shakllantira olmaydi. Zotan, bir ehtiyojnirig o'rnini faqat boshqa ehtiyojgina egallashi mumkin. Shu ehtiyojlarni qondirish vositalari bilan bolani qurollantirish tarbiya va tarbiyachidan muloqotni ham, hamdardlikni ham emas, aynan shu vositalar bilan qurollantirishni kutadi. Arastu aytganidek: „Tarbiya uch narsaga ehtiyoj sezadi: iste'dodga, ilmga, mashqqa". Mustaqiliik sharoitida tarbiyaning asosiy vazifalari Konfusiy: „Eskini o'zlashtirgan va yangini tushunishga qodir insongina tarbiyachi bo'la oladi" degan edi. Mustaqillikning dastlabki yillaridanoq butun mamlakat miqyosida ta'lim-tarbiya, ilm-fan, kasb- hunarga o'rgatish sohalarini isloh qilishga nihoyatda katta zarurat sezila boshladi. Bugungi kunda tarbiya jarayonida ham qator o'zgarishlar amalga oshirilmoqda. Shuni ta'kidlash lozimki, ma'rifat xalqimiz, millatimiz qonidadir. An'anaviy sharqona qarashga ko'ra, ma'rifatlilik faqat bilim va malaka emas, ayni paytda chuqur ma'naviyat va go'zal axloq degani hamdir. Bir ijtimoiy jamiyatning ikkinchisiga almashishi, shuningdek milliy mustaqiliik va uning ne'matlari respublikamiz fuqarolarida tub o'zgarishlarni vujudga keltirmoqda. Milliy tuyg'u, qiyofa, xarakter, ta'b, kuy, raqs, ma'naviyat, qadriyat hamda ruhiyat ta'siri ostida o'zining tub mohiyatini aks ettira boshladi. O'tmishning boy merosi, uning an'analari milliy istiqlol tufayli o'z egalariga qaytarib berildi. Fuqarolarning ijtimoiy ongi asta-sekin o'zgarib borishi natijasida etnopsixologik xususiyatlar tiklana boshladi, milliy, umumbashariylik xislatlari o'rtasida adolatlilik, teng huquqlilik aloqalari o'rnatilmokda. O'zbek oilasida tarbiya mohiyati, mazmuni tarbiyaning kundalik va istiqbol rejasi, bolalarga ta'sir o'tkazish vositasini tanlash va undan unurnli foydalanish o'ziga xos xususiyatga ega, chunki uning asosida xalq an'analari yotadi. O'zbek xalqining etnopsixologik xususiyatlaridan unumli foyda- lanish har tomonlama taraqqiy etgan inson shaxsini tarkib toptirishda muhim rol o'ynaydi. Abdulla Avloniy aytganidek: „Tarbiya biz uchun yo hayot, yo mamot; yo najot, yo halokat; yo saodat-yo falokat masalasidir". Yosh avlod tarbiyasida milliy ruhiyat, umuminsoniy, xalqchil milliy qadriyatlar, urf-odatlar, an'analar etakchi o'rin tutmog'i lozim (tarbiya etnopsixologik va etnopedagogik munosabat). Bular orqali yoshlarda quyidagi fazilatlarni tarbiyalash lozim: yoshlarda vatanparvarlik his-tuyg'ularini shakllantirish; xayrixohlik, odamlarga hurmat, mehr-shafqat; kattalarni hurmat qilish, e'zozlash; ishbilarmonlik, mohirlik, ishchanlik, iqtisodiy tafakkur; jismoniy baquwatlik; axloq-odoblilik; j) oilaparvarlik; ayollarga hurmat; m) o'zaro hamkorlikka intiluvchanlik. Ma'lumki, yoshlarning ma'naviy-axloqiy tarbiyasi bilan oila, ma- halla, ta'lim muassasalari, ommaviy axborot vositalari, huquqni mu- hofaza qiluvchi tashkilotlar, ilmiy-pedagogik kadrlar shug'ullanadilar. Tarbiya jarayoni barcha ishtirokchilarining bahamjihatlik bilan olib boradigan ishlarigina o'zining ijobiy natijalarini berishi mumkin.
O'quv faoliyati psixologiyasi, ta'lim psixologiyasi, tarbiya psi- xologiyasi, bilimlarni o'zlashtirish jarayoni, o'quv faoliyatining psi- xologik komponentlari, ta'lim va tarbiyaning maqsadlari, tarbiyasi qiyin bolalar psixologiyasi, pedagogik faoliyatda shaxsning yosh va individual tipologik xususiyatlari, ehtiyojlar, motivlar, psixologik komponentlar, tafakkur, bilim, ko'nikma, malakalar. Rezyume Shunday qilib, pedagogik faoliyat murakkab, o'ziga xos psixologik qonuniyatlarga ega bo'lib, ushbu qonuniyatlarga rioya etish, ularni amaliyotda qo'llash pedagogik faoliyatning, ta'lim-tarbiyaning mahsuldorligini belgilaydi. Ta'lim — tarbiyaning psixologik — pedagogik komponentlari haqi- dagi bilimlardan pedagogik faoliyatda foydalanish o'zlashtirish darajasining oshishiga xizmat qiladi. Shaxsning tarbiyalanganlik darajasi yuqoriligi unda ijobiy insoniy fazilatlarning shakllanishiga va ilmli, ma'rifatli, madaniyatli inson sifatida mavqiyega ega bo'lishiga olib keladi. Yüklə 0,73 Mb. Dostları ilə paylaş:
|