Qoʼshuv (+), ayiruv (-), barobar (=) ishoralari bilan tanishtirish. Misollarni raqamlar va ishoralar yozilgan kartochkalar yordamida ifodalab echishga oʼrgatish. +3 koʼrinishidagi qoʼshish va-3 koʼrinishidagi ayirish usuli bilan tanishtirish; bunday koʼrinishda 3 sonining tarkibiy qismidan foydalanish. Masalan: qoʼshishda 5+3; 5+1+2; 5+2+1; ayirishda 8-3; 8-2-1 yoki 8-1-2.
Bola bilan sanash, ayirish va qoʼshish kerak boʼlgan turli oʼyinlarni oʼynash. Bolaning oʼz manzili va uyining raqamini yodlab olish istagini qoʼllab-quvvatlash.
Miqdor, kattalik. Bolaga shartli oʼlchov yordamida buyumlarning kengligini, uzunligini oʼlchash va taqqoslashni oʼrgatishni davom ettirish.
Suyuq va toʼkiluvchi jismlarni shartli oʼlchov birligi bilan oʼlchashni va oʼlchash natijasini son bilan aytishni mashq qilish.
Turli narsalar (geometrik shakllar, mevalar, sabzavotlar v.b.)ni ikki (toʼrt) teng qismlarga boʼlishni, olingan qismlarni “yarim”, “ikkidan bir qism” (“chorak”, “4 dan bir qism”) deb atashga, butun qismdan katta, qism esa butundan kichkina ekanligini aniqlashni oʼrgatish.
Turli narsalar (geometrik shakllar, mevalar v.b.)ni sakkizta, oʼnta teng qismlarga boʼlishni mashq qilish.
Koʼz bilan chamalab oʼlchashni rivojlantirishni davom ettirish, oʼz chamasini oʼlchov birligi bilan oʼlchab koʼrib tekshirishga oʼrgatish.
Geometrik shakllar.Bolaning doira, kvadrat, uchburchak, toʼgʼri toʼrtburchak, oval shakllari haqidagi tasavvurlarini aniqlash va mustahkamlash. Romb shakli bilan tanishtirish.
Koʼpburchaklar haqida tasavvur hosil qilish: uchburchak, toʼrtburchak, beshburchak, oltiburchak – bular koʼpburchaklar. Koʼpburchak elementlari (tomonlari, burchaklari, burchak uchlari) bilan tanishtirish.
Bolani 2 ta, 4 ta uchburchaklardan bitta koʼpburchaklar tuzishga, kichik toʼrtburchakdan bitta katta toʼrtburchak tuzishga oʼrgatish.
Yetishmagan shakl, jismni (shar, kub, konus, silindr) topishga doir mantiqiy masalalarni yechishni mashq qilish.
Tayoqchalardan hosil boʼlgan geometrik shakllardan bir necha tayoqchani olish usuli bilan koʼrinishini oʼzgartirish.
Maxsus shakllar toʼplamidan foydalanib, namunadagi narsalarni (robot, uy, mashina, mushuk, joʼja va b.) hosil qilish.
