O’zbekiston respublikasi oliy va o’rta maxsus ta’lim vazirligi farg’ona politexnika instituti

1. Kurs ishining maqsadi va vazifalari.
Kurs ishi maqsadi “Menejment” fanidan olingan nazariy bilimlarni mustahkamlash, talabalar tomonidan boshqarish mahoratini shakllantirish, jahon moliyaviy – iqtisodiy inqirozi sharoitida korxonani taktika va strategiyasini belgilash ko’nikmalarini hosil bo’lishini tasdiqlashdan iborat. Kurs ishi bajarishda talabalar o’quv jarayonida bevosita olgan nazariy bilimlarini va ishlab chiqarish amaliyoti davrida yig’ilgan ma’lumotlarni asos qilib olishlari kerak. Ba’zi bir hollarda, kurs ishi iqtisodiy adabiyotlarda keltirilgan umumlashgan ma’lumotlar asosida ham bajarilishi mumkin.
Kurs ishi talabalarning “Menejment” fanidan olgan bilimlarini chuqurlashga, amaliyotni nazariy asoslar bilan bog’lash va tahliliy fikr uslubiyatini rivojlantirishga yordam beradi.
Kurs ishining maqsadidan kelib chiqib, uni bajarish jarayonida quyidagi vazifalarni hal qilish lozim:

• 
  iqtisodiy islohotlar yuzasidan O’zbekiston Respublikasi Prezidenti, Vazirlar Mahkamasi tomonidan qabul qilingan tegishli Qaror, Qonun va Nizomlarni o’rganib chiqish;
  

• 
  tanlab olingan kurs ishi mavzusi bo’yicha kerakli adabiyotlarni tanlab ishlab chiqish, ilg’or korxonalarning mazkur yo’nalish bo’yicha olib borayotgan ishlarini o’rganib chiqish;
  

• 
  korxonada boshqaruv siyosatini ishlab chiqish, ya’ni rivojlanish dasturini yaratish;
  

• 
  ularni rejalashtirish;
  

• 
  korxona va uning bo’linmalar faoliyatini tahlil qilish va o’z-o’zini boshqarishni yo’lga qo’yish;
  

• 
  korxonalarni samarali boshqarishga qaratilgan yo’l-yo’riq, xulosa va ko’rsatmalar ishlab chiqishdan iborat;
  

Kurs ishini bajarishni nazariy asoslari bo’lib Respublika Prezidenti, Vazirlar Mahkamasi, Oliy Majlisning Respublika iqtisodiyotini bozor munosabatlariga o’tkazish haqidagi qonun, qaror, farmon va ko’rsatmalari, Respublika Prezidenti, taniqli iqtisodchi olimlar, chet mamlakatlari olimlarining ushbu sohada chop etilgan asarlari, ilmiy va o’quv adabiyotlari xizmat qiladi.
Kurs ishining ob’ekti sifatida talabaning tanlovi asosida unga biriktirilgan mavzu va talaba ishlab chiqarish amaliyotini o’tagan korxona, tashkilotlarning «Moliyaviy natijalar to’g’risidagi hisoboti», «Buxgalteriya balansi» va moliyaviy hisobotning boshqa shakllari hamda zaruriy ma’lumotlar hisoblanadi.

2.