O’zbekiston respublikasi oliy va o’rta maxsus ta’lim vazirligi guliston davlat universiteti pedagogika fakulteti pedagogika va psixologiya yo’nalishi

1.4.Milliy an`analar ta`sirida kichik maktab yoshidagi o`quvchilarda empatiyani shakllanishi va namoyon bo`lish shartlarini tadqiq etish
Milliy an`analar o`zining paydo bo`lish xususiyati va rivojlanishiga binoan doimiy ravishda ta`sir etuvchi omil sifatida ijtimoiy hayotda hukm suradi. An`analar millatning o`zligini saqlash, ularni nishonlash, amalga oshirish ketma-ketligi esa, o`tmish, hozirgi zamon va kelajak o`rtasidagi uzviylikni ta`minlashning eng muhim sharti hisoblanadi. Milliy urf-odat va an`analar unutilgan, yo`qotilgan taqdirda millat asta-sekin o`ziga xoslikni yo`qota boradi, milliy g`urur, iftixor tuyg`ulariga putur etadi. Milliy urf-odatlarni, marosim va an`analarni qayta tiklash yo`lida amalga oshirilayotgan ishlar milliy davlatchilik qurilishining o`zagi bo`lib qolishi, shak-shubhasiz.
Psixologiyada qabul qilingan umumiy qoidaga ko`ra, inson shaxsining shakllanishi va ayni paytda shakllantirish jarayoni bir necha yosh davrlarga bo`lib o`rganiladi.
Har bir yosh davri o`z jismoniy va aqliy rivojlanish xususiyatlariga, o`z etakchi faoliyat turiga va ta`sir o`tkazish nuqtai nazaridan yondashish tamoyiliga ega.
Kichik maktab yoshidagi o`quvchilar ahloqiy va xulq atvor hislatlarini shakllantirish uchun eng qulay davr hisoblanadi. Bu davrda o`quvchida intizomga, bilimga, o`z-o`zini tarbiyalashga chanqoqlik tuyg`usi paydo bo`ladi. U atrof muhit qonuniyatlarini bilishga intiladi. Ezgulik va yovuzlik, yaxshilik va yomonlik, savob va gunohni farqlaydi hamda ular mohiyatiga tushuna boradi. O`spirinlik davrida ezgulik vositasida vujudga kela boshlagan shaxs tuzilishining asosi bu davrda yuqoridagi tushunchalar bilan mustahkamlanadi hamda shaxsni shakllantirishning eng qat`iy usullarini qo`llash, intizomning har qanday ko`rinishlariga murojaat qilish joiz bo`ladi. Bu davrda o`spiringa bola deb emas, balki tengqur, do`st, o`rtoqdek muomala qilinadi, natijada unga inson hayot faoliyatining hamma sohalarini o`zlashtirish uchun sharoit yaratiladi va oqibatda uning fikriga ahamiyat beriladi.
Sharqona bola tarbiyasining yana bir muhim tomoni shuki, unda faqat shaxsning ruhan barkamol va jismonan sog`lom bo`lishiga e`tibor berilishidan tashqari, uni hayot faoliyatining hamma sohalariga, xulq-atvor shakllariga alohida e`tibor beriladi.
Bu davrda shakllangan har qanday ijobiy yoki salbiy hislat keyinchalik barkaror shaxs xususiyatlariga aylanibqoladi. Aynan shu davr, bir tomondan, shaxsning tarbiyaga moyilligining kuchliligi, ikkinchi tomndan, tashkiliy ta`limtarbiya, oila, mahalla, jamiyatchilik kabi omillar ta`sirining barqarorligida ifodalanadi. Ushbu jihatlarni hisobga olgan bu bosqich alohida e`tibor talab qiladigan, muhim ahamiyatga molik tarkib toptirish pog`onasidir.
Mazkur bosqich yuqorida ta`kidlaganimizdek, hulq atvor hislatlarning shaxs xususiyatlariga aylanishi bilan e`tiborga molikdir. O`zbek xalqi etnopsixologiyasi qonuniyatlarga ko`ra, bu davrda o`spirinlarda tarbiyaning tashkiliy tomonga va muhit ta`siriga moyillik ancha yuqori bo`ladi. Ushbu jihatlar hisobga olinganda, birinchi bosqichning inson shaxsi shakllanishidagi imkoniyati ancha yuqori hisoblanadi. Shaxs xususiyatlari nuqtai nazaridan bu bosqichning yana bir alohida ahamiyati shundan iboratki, unda o`spirinlarda asosiy hayotiy tasavvurlar, ya`ni oilaviy, kasbiy, ijtimoiy faoliyatga aloqador tasavvurlari shakllanadi-ki, natijada ular mazmun va mohiyatan hulq atvor tasavvurlar hisoblanadi.
Xulq atvor tasavvurlarning aksi tashqi faoliyatga namoyon bo`lib, inson faoliyatining u yoki bu turiga munosabatldarida aks etadi. Bu munosabatlar atrof borliqqa, ijtimoiy jarayonlarga, o`z-o`ziga bo`lgan, mehnatga nisbatan munosabatlar kabilardir.