O’zbеkiston rеspublikasi oliy va o’rta maxsus ta'lim vazirligi guliston davlat univеrsitеti

Kurs ishini himoya qilish tartibi
Talaba kurs ishi oldiga qo’yilgan talabalarni to’liq bajargandan so’ng uni ilmiy rahbarga taqdim qiladi. Ilmiy rahbar ishining nazariy va amaliy mohiyati asosida ishlab chiqilgan rejadagi barcha masalalar o’z yechimini topganligi, xulosalar yetarlicha bo’lganligi haqida taqriz yozib, kurs ishini himoya tavsiya etadi. Taqrizda himoyagacha tuzatilishi va to’ldirilishi lozim bo’lgan juziy kamchiliklar ham eslatiladi.
Kafedra kurs ishi himoyasi grafigini belgilaydi va o’sha kuni talaba bajargan kurs ishi bo’yicha hay’at a’zolari huzurida himoya qiladi.
Himoyaning o’tkazilish tartibi quyidagilardan iborat:

1. 
   Hay’at a’zolariga taqdim etilgan ish hay’at raisi tomonidan e’lon qilinadi, e’tirozlar bo’lmasa, muallifga 5-10 daqiqa ishning maqsadi, mohiyati, olingan natija va xulosalarni bayon qilishga ruhsat etiladi.
   
2. 
   Himoya vaqtida talaba kurs ishlari materiallaridan, grafik tasvirlari va qo’shimcha ma’lumotlardan foydalanishga haqli hisoblanadi.
   
3. 
   Rejada ko’rsatilgan barcha talaba himoya qilingandan so’ng. hay’at a’zolari bir qarorga kelinadi va reyting tizimiga asosan talabalar baholanadi.
   
4. 
   Himoyachilar, qatnashuvchilarning barchalari taklif etilib qo’yilgan baholar e’lon qilinadi.
   
5. 
   Qoniqarsiz baholanganlar, akademik qarzdor hisoblanib, dekanat belgilangan rejaga asosan yana bir bor himoya qilishlari mumkin.
   

Kurs ishlari 100 balli tizim asosida baholanadi. Kurs ishini bajarishda 55 balldan kam toplagan talaba akademik qarzdor hisoblanadi.

№	E’tibor beriladigan holatlar	Bilimlarning vazifalar bo’yicha ball hisobida taqsimlanishi
1	Kurs ishining tuzilmasi	5
2	Mavzuning dolzarbligini aniqlash	5
3	Maqsadni to’g’ri qo’yilganligi va yechimga erishganligi	10
4	Mavzuni yoritishda foydalanilgan adabiyotlar tahlili	5
5	Mavzuni yoritish metodlarining to’g’ri tanlanganligi va tadbiq qilinganligi	30
6	Aniqlangan nazariy ma’lumotlarni amalda sinab ko’rilganligi va asoslanganligi	15
7	Tadbirlarni tayyorlashda pedagogik texnologiyalarni to’g’ri qo’llanilganligi	25
8	Olingan yakuniy xulosalarning belgilangan maqsadga muvofiqligi	5