Ishning kirish qismida adabiyotlar tahlili va amaliy jarayon holati bo’yicha mavzuning dolzarbligi, maqsadi, vazifalari, metodlari hamda izlanish olib boriladigan ta’lim muassasi yoritiladi. Aynan kirish qismida ishning boshlangan va yakunlangan muddatlari ham ko’rsatiladi.
Birinchi qism nazariy qismdan iborat bo’lib, qism o’z ichiga olishi mumkin. Bunda talaba mavzu bo’yicha o’rgangan siyosiy, iqtisodiy, ijtimoiy, falsafiy, psixologik va pedagogic adabiyotlar, jurnal hamda gazeta materiallariga o’zining munosabatini bildirishi lozim. Imkon qadar har bir kitob maqola muallifining familiyasi, ismi, sharifi ko’rsatilga holda uning qaysi fikrlarini maqullashi hamda qaysi qarashli bugungi ta’lim – tarbiya jarayoni uchun dolzarb hisoblanishini aniqlaydi. Mavjud ilg’or fikrlar, pedagogic g’oyalar va tajribalarini o’rganish asosida talaba malakaviy amaliyotga tatbiq etishi mumkin bo’lgan yo’l – yo’riqlarini ham ko’rsatib o’tadi.
Talaba nazariy fikrlar va muhim g’oyalar o’rganish hamda umumlashtirish chog’ida mavzuning asl maqsadidan chetga chiqib ketmasligi kerak. U har doim qo’yilgan maqsad asosida qanday vazifalarni qaysi metodlar asosida yechimini topishga erishishi lozimligini nazardan chetda qoldirmasligi kerak.
Ikkinchi qismham talaba o’rganib chiqqan nazariy fikrlar, taxlillar va g’oyalar asosida o’rganilayotgan mavzuni o’quvchilarga yetkazishning ilg’or usullarini, metodlarini ishlab chiqadi. Talaba olib borishning pedagogik texnologiyalarini yaratadi.
Uchinchi qism bunda talaba o’rganib chiqqan nazariy fikrlar, taxlillar va g’oyalar asosida tadqiqot bazasi bo’yicha tegishli kuzatuvlar, tayyorlangan tadbirlar asosida tajribalar o’tkazish mumkin. Muallif ish natijalarini jadvallar, shakllar, chizmalar, diagrammalar ko’rinishlarida izohlab berishi ishning o’quv- metodik ilmiy mohiyatini hamda amaliy jihatlarini yanada oydinlashtiradi.
Yuqorida takidlab o’tilganidek, ish oxirida umumiy xulosalar tavsiyalar beriladi hamda foydalanilgan adabiyotlar ro’yxati ko’rsatiladi.
