O‘zbеkiston rеspublikasi oliy va o‘rta maxsus ta’lim vazirligi I. U. Raxmonov

 
Nazorat savolari: 
1.
Transformatorlarni soni va quvvatini tanlash nimalarga asoslanadi? 
2.
Qaysi holatlarda bir, ikki yoki uch transformatorlar olinadi? 
3.
Transformatorlarni o‘ta yuklanish turlaridan qaysilarini bilasiz? 

---

119 
4.
Iste’molchilarni toifasiga qarab transformatorlarni yuklanish 
koeffitsientlari qanday miqdorda olish tavsiya etiladi?
 
9-BOB. ELEKTR ENERGIYASINING SIFAT 
KO‘RSATKICHLARI 
9.1. Elektr energiyasining sifati tushunchasi. 
Elektr energiya iste’molchilari o‘zlariga yuklatilgan vazifalarni 
ma’lum bir sharoitlardagina to‘la-to‘kis bajarishlari mumkin. Bunday 
sharoitlarni belgilovchi parametrlar 
elektr energiya sifati
 
deb yuritiladi. 
Sifat belgilarining istalgan tomonga og‘ishi energiyadan chala 
foydalanishga sababchi bo‘ladi. Shuningdek, elektr qurilmalari va 
jihozlardan foydalanmaslikka va ishlab chiqarilayotgan mahsulot kam 
bo‘lishiga va boshqalarga sababchi bo‘ladi. 
Elektr energiyasi sifat muammosini hal qilishda iqtisodiy, matematik 
va texnik aspektlar ko‘rilishi kerak. Iqtisodiy aspekt o‘ziga elektr 
ta’minotida sifatsiz energiya iste’mol qilgandagi zararlarni hisoblash 
usullarini yaratishni ko‘zda tutsa, matematik aspekt sifat ko‘rsatkichlarini u 
yoki bu usullar bilan hisoblashni, texnik aspekti esa texnik vosita va 
tadbirlarni yaratib, sifatini ko‘tarishni va sifat belgilarini nazorat hamda 
boshqaruv usullarini yaratish va ishlab chiqarishni qamrab oladi. 
Umuman olganda, “Elektr energiyasi sifati” deganda, energiya 
tizimning asosiy parametrlarining o‘rnatilgan normadagi qiymatlarga 
to‘g‘ri kelishi va shu qiymatlar bilan energiyani ishlab chiqarish, uzatish va 
taqsimlash tushuniladi.