Psixoprofilaktik ishning ikkilamchi shakli – xabardor qilishdir. Bu biz
uchun bir muncha odatiy psixoprofilaktik ishni olib borishning ma'ruza, suhbat,
adabiyotlar yoki video va telefil`mlarni tarqatish shaklidagi ko`rinishi. Yondoshuv
mohiyati konstruktiv qarorlar qabul qilishga uning layoqatini ko`tarish maqsadida
shaxsning kognitiv jarayonlarida ta'sir ko`rsatishga urinishdir. Buning uchun,
odatda, statistik ma'lumotlar bilan tasdiqlangan, masalan, giyohvand moddalarning
salomatlik va shaxsga halokatli ta'siri haqidagi axborotlardan keng foydalaniladi.
Ko`pincha axborot qo`rqituvchi xarakterga ega. Bunda giyohvand moddalarni
iste'mol qilishning salbiy oqibatlari sanab o`tiladi yoki deviantlarning dramatik
taqdiri, ularning shaxsiy degradatsiyasi yoritib beriladi.
Usul haqiqatan bilimni kuchaytiradi, biroq axloqni o`zgartirishga yomon ta'sir
ko`rsatadi. O`z-o`zidan xabardor qilish deviatsiya darajasini pasaytirmaydi. Ba'zi
holatlarda, aksincha, deviatsiya bilan erta tanishuv unga qiziqishni kuchaytiradi.
Cho`chitish ham axloqning ushbu turini motivatsiyalovchi kognitiv-hissiy dis-
sonansni uyg’otishi mumkin.
Qator holatlarda axborot o`z vaqtida berilmaydi: o`ta kech yoki o`ta erta.
Masalan, o`smirlar bilan ishlash tajribasining ko`rsatishicha, giyohvand moddalarga
tobe bo`luvchi axloqni ogohlantirish bo`yicha suhbatlar 14 yoshdan kech
bo`lmaganda olib borilishi lozim. Ular giyohvand moddalar va ular keltirib
chiqaruvchi kuchli ta'sirni batafsil yoritishdan iborat bo`lmasligi darkor. Bunday
suhbatlar deviant axloq va undan saqlanish usullarining oqibatlarini muhokama
qilishga, faol shaxsiy nuqtai nazarni ishlab chiqishga yo`naltirilgan. Ushbu
yondoshuvning istiqbolli rivojlanishiga cho`chituvchi axborotlarning ustunlik
qilishidan, shuningdek, jins, yosh, ijtimoiy-iqtisodiy tavsifnomasi bo`yicha
axborotlarni differentsiatsiyalashdan voz kechish yordamlashishi mumkin.
