Tarkibida 2,2% bo‘r tutgan bor-magniyli o‘g‘it ham asosan yuqorida aytib o‘tilgan ekinlar va zig‘ir uchun gektariga 20 kg miqdorida beriladi. Borat kislota tarkibida 17,3% bor mavjud va undan asosan o‘simliklarni ildizdan tashqari oziqlantirishda foydalaniladi (0,5-0,6 kg/ga). Bir sentner urug‘ni 100g borat kislota bilan aralashtirib ekish ham yaxshi natija beradi. Borli o‘g‘itlarni qo‘llash natijasida zig‘ir (tola) va paxtadan gektariga 2-3 s gacha qo‘shimcha hosil olish mumkin. Qand lavlagi hosildorligi 45 s/ga oshib, tarkibidagi qand moddasi 0,3-2,1% ga ko‘payadi. 11111Molibdenli o‘g‘itlar. Molibden ko‘proq dukkakli don ekinlari tarkibida (0,5-20,0 mg/kg) uchraydi. Boshoqli don ekinlari 0,2-1,0 mgkg atrofida molibden tutadi. Molibden o‘simliklarda aminokislotalar va oqsil hosil qilishda, nitratlarning amiakka aylanish jaraѐnlarida qatnashadi. U nitratreduktaza fermenti tarkibiga kiradi. Molibden bilan yaxshi ta’minlangan tuproqlarda o‘stimliklar NRK ni yaxshi o‘zlashtiradi. Oqsil azot tarkibiga to‘liq o‘tadi, natijada sabzavot va poliz ekinlarida azotning nitrat shaklida to‘planishining oldi olinadi. Shuning uchun molibdenni dukkakli ekinlarga fosfor va kaliy bilan, boshqa ekinlarga esa, azot bilan birga qo‘llash tavsiya etiladi. Molibden o‘g‘it sifatida kislotali va karbonatli tuproqlarda ijobiy natija beradi, paxta hosildorligini 3-3,5 s gacha, beda pichanining sifati va oqsil tarkibini yaxshilaydi. Molibden o‘g‘it sifatida tarkibida 53% molibden bo‘lgan ammoniy molibdat qo‘llaniladi. Molibdenli mikroo‘g‘itlarning turi ko‘p bo‘lsa ham, sanoatda ko‘proq tarkibida 52-53% molibden saqlaydigan ammoniy molibdat ishlab chiqariladi (3- jadval). Nurquvvat sanoati chiqindilari o‘z tarkibida 5-8% molibden tutgani uchun ulardan mikroo‘g‘it sifatida foydalanish mumkin. Molibdenli oddiy va qo‘sh superfosfatlar tayѐrlash ham yo‘lga qo‘yilgan.
