O`zbekiston respublikasi oliy va o`rta maxsus ta‟lim vazirligi mirzo ulug`bek nomidagi
Fitoviruslarni biologik tozalashning umumiy qoidalari
Yüklə 0,82 Mb. Pdf görüntüsü
|
|
1.4. Fitoviruslarni biologik tozalashning umumiy qoidalari
Viruslarni toza preparatlarini olishni shartli ravishda ikki bosqichga ajratish mumkin. Birinchi bosqichda bizni qiziqtirgan narsa virusni biologik tozalash ko‗zda tutiladi, ya‘ni mazkur virusni indikator o‗simliklar yordamida boshqa 2 3 viruslardan, bakteriyalardan, zamburug‗lardan va mikroskopda ko‗rinadigan biologik organizmlardan ajratib olinadi (ammo u gohida xo‗jayin o‗simlikning nekrozidagi hujayralari ichida, gohida xo‗jayin o‗simlik hujayrasida bo‗ladi). Bu ish avvaldan xususiyati aniq bo‗lgan virusologiya amaliyotida ishlatilib kelinayotgan har bir virus uchun uning spetsifikligiga mos indikator (aniqlagich), differensiator (ajratuvchi) va to‗plovchi virus o‗simlikni tizimli kasallantiradi[1]. Demak, virusni birinchi ko‗paytirib olish uchun xo‗jayin o‗simlik kerak, ikkinchidan bu virusni nekrozlar hosil qilish bilan kasallanadigan o‗simlik va undagi hosil bo‗lgan nekrozdan ajratib olingan mononekrozdagi virus zarralarini ko‗paytiradigan virus to‗plovchi o‗simliklar bo‗lishi taqazo etiladi. Agar TMV ni oddiy shtammini O-VTM (adabiyotda ―VTM vulgare‖ deb nomlanadi) mononekrozdan ajratiladigan bo‗lsa unga Nicotiana sylvestris (differensiator), Nicotiana glutinosa va Nicotiana tabacum ning Samsun navlari kerak bo‗ladi. Masalan, tomat o‗simligidan TMV ning tomat shtammini va oddiy TMV ni birinchi Nicotiana sylvestris ga yuqtirilganda TSH-VTM (VTM ning tomat shtammi) bu o‗simlikda nekrozlar hosil qiladi, O-VTM esa tizimli kasallantiradi, ya‘ni mozaika hosil qiladi, demak ikki shtammni fizik kimyoviy usullarda ajratish mumkin bo‗lmagan yoki o‗ta mushkul bo‗lgan bo‗lsa, bu ishni indikator o‗simlik orqali osongina ajratib olinadi, ya‘ni biologik shtammlarini ham bir-biridan ajratiladi va tozalanadi. Albatta bu ishni kamida uch marta qaytarilishi maqsadga muvofiq bo‗ladi (uch marta mononekrozdan o‗tkaziladi). Ikkinchi bosqichda toza preparatni olish uchun fizik-kimyoviy usullar qo‗llaniladi, ya‘ni differensial sentrifugalash xromatografiya, elektroforez, gradient zichlikda sentrifugalab tozalash metodlari qo‗llaniladi. Viruslarni o‗simlikga yuqishiga bir qancha faktorlar ta‘sir qiladi va ular virusni dastlabki hujayraga kirishida, kasallikni rivojlanishining keyingi jarayonlarida muhim rol o‗ynaydi. Tarr bu omillarni 4 guruhga bo‗ladi: birinchi guruhga o‗simlikni xususiyatlari, ikkinchisiga patogenlik xususiyatlari, uchinchisi ekologiya va to‗rtinchisi biotik faktorlardir [1]. 2 4 a) O‗simlikni xususiyatlariga uni irsiy chidamliligi kiradi. Chidamlilik darajasi esa o‗simlik to‗qimasining yoshiga va oziqlanishiga (m., mikroelementlarni yetishmasligi o‗simlikni virusga chidamliligini pasaytiradi) qarab o‗zgaradi. Chidamlilik haroratga qarab ham o‗zgaradi. Virus hujayraga kirgandan so‗ng yuqori temperaturaga to‗g‗ri kelib qolsa, o‗simlik barglari va boshqa organlarini o‗zgarishisiz, simptomlar yashirin holatda o‗tishi mumkin. Nimjon va kuchsiz o‗simliklar kasallikga sezgiroq (chidamsizroq) bo‗lsa, baquvvat, yaxshi rivojlanayotgan o‗simliklar virusga ancha chidamli bo‗ladi, ularni to‗qimalari ancha qattiq dag‗al bo‗ladi. Ularga virus yuqishi o‗simlikda yengil simptomlar hosil bo‗lishiga olib keladi va o‗simlikni butunlay nobud bo‗lmay qolishi mumkin. O‗simlikni virusga sezgirligi yoki chidamliligi o‗g‗itlar bilan uni ta‘minlanishiga ham bog‗liq, masalan, azotli o‗g‗itlarni ko‗pligi o‗simlik chidamliligini pasaytiradi. O‗simlikni virus bilan kasallanishiga o‗simlikni virusga bo‗lgan "moyilligi" ham yordam beradi. Uoker "moyillik" degan tushunchaga o‗simlikni bir yoki bir necha faktorlar ta‘siri natijasida virus bilan oson kasallanishini ko‗zda tutadi. Chester bu tushunchani boyitib "moyillik" qatoriga sezgirlik yoki "kasallanish tendensiyasi borligi" tushunchalarini kiritadi. O‗simlikni virus bilan kasallanishiga yana o‗simlikni yoshi, bir sutka davomidagi, fasl mobaynidagi chidamliligi, mexanik bosim, o‗g‗it (kaliy, fosfor, azot), fungitsdid va pestitsidlar ham ta‘sir qiladi. b) Patogenlik xususiyatlari (patogen organizmda parazitlik bilan hayot kechiruvchi organizm) uni agressivligiga (o‗simlikni kasallantirib, uni qarshiligini engib, unda yashashi, ko‗payishi) bog‗liqdir. Virusni oz miqdori (zarralar soni) tez va qisqa muddatda (kasallanishga ketgan vaqt) o‗simlikni kasallantirishga etarli bo‗lsa, uni agressivligi yuqori hisoblanadi. Patogenni yana bir xususiyati uni virulentligi bo‗lib, bu patogenni (virusni) kasallik qo‗zg‗atish xususiyatidir. Bu xususiyat barqaror xususiyat bo‗lib, u genotip o‗zgargandagina o‗zgaradi. 2 5 v) Ekologik omillar. O‗simlikka virus zarralari kirib, ularda simptomlar hosil bo‗lishida ekologik omillar - namlik, harorat, yorug‗lik, rN, inokulyum ion kuchi va hokazolar ham rol o‗ynaydi. g) Biotik omillar. Bunga interferensiya hodisasi misol bo‗lishi mumkin, ya‘ni bir turni (shtammni) rivojiga ikkinchi turni (shtammni) yoki bir xil viruslarni noinfeksion zarralari o‗simlik retseptorlarini band qilishi sababli virus hujayraga kiraolmaydi yoki kam miqdordagi virus zarralari kiradi va yuqumlilik darajasi pasayadi. S.V.Kustni (4) fikricha o‗simlik virusi yuqishiga 4 xil reaksiya bilan javob beradi: 1) immunlik, o‗simlikga virus yuqmaydi; 2) o‗ta sezgirlik, o‗simlikni virus kirgan joyidagi to‗qimalar nobud bo‗ladi va nekroz kabi simptomlar hosil bo‗ladi; 3) tolerantlilik, virus o‗simlik to‗qimalari bo‗ylab tarqaladi, ammo simptomlar kuchsiz ko‗rinadi; 4) tizimli kasallanishda organizmni hamma to‗qimalari kasallanadi, virus o‗simlikni hamma to‗qimalari va yaruslaridagi barglari va o‗simlikni butun tanasi bo‗ylab tarqaladi va kasallik simptomlari yaqqol ko‗ringan bo‗ladi . Simptomlar har xil bo‗lishi mumkin, ya‘ni - mozaika (mozaikani 6-7 xili mavjud), barg shaklini o‗zgarishi, tomirlarni rangsizlanishi, xlorotik dog‗larni hosil bo‗lishi va hokazo. Ba‘zan yuqorida ko‗rsatilgan 4 guruh simptomlar orasida aniq, chegara bo‗lmasligi ham mumkin. Masalan, tolerantlik bilan sistemali kasallanishni aniq ajratish ba‘zan qiyin bo‗ladi, ba‘zi o‗simliklarda mexanik inokulyasiyada avval nekroz hosil bo‗lib (o‗ta sezgarlik), so‗ngra o‗simlikni hamma organlari kasallanadi [1]. Agar har bir tip kasallanishga misol keltiradigan bo‗lsak, birinchi tip immunlik holati. G‗o‗za o‗simligiga arpa mozaikasi virusi yoki jo‗xori pakana mozaikasi viruslarini yuqtirilsa, g‗o‗za bu viruslar bilan kasallanmaydi, ya‘ni g‗o‗za o‗simligi bu viruslarga chidamli - immundir. Ammo yuqorida keltirilgan viruslar bilan arpa yoki jo‗xori kasallantirilsa (o‗ziga mos spetsifik o‗simlikga), ularda chiziqli mozaika alomatlari 12—14 kunlardan so‗ng hosil bo‗ladi. Bu holda hosil bo‗lgan simptomlarni tizimli kasallanish deyiladi. Agar xuddi shu viruslarni sho‗ra o‗simligini ma‘lum naviga yuqtirilsa, 10—12 kunlardan so‗ng 2 6 kasallantirilgan bargda diametri 2 – 3 mm kattalikdagi sariq dog‗lar - nekrozlar hosil bo‗ladi. Bu xildagi kasallanish o‗simlikning o‗ta sezgirligiga misol bo‗laoladi. Tolerant o‗simlik deb ataladigan holatga misol qilib kartoshkaning X-virusi bilan pomidor o‗simligini kasallanishini, ya‘ni virus zarralari kartoshka o‗simligida bo‗lsa ham ko‗zga yaqqol tashlanadigan alomat, birinchidan sezilmaydi va ikkinchidan bu virusning zarari o‗simlik hosildorligiga uncha sezilarli ta‘sir ko‗rsatmasligi mumkin [1]. Virus o‗simlikka yuqorida aytilgan usul bilan yuqtirilgandan so‗ng ma‘lum vaqt soya yerda saqlansa, o‗simlik to‗qimalarida abrazivlar ta‘sirida hosil bo‗lgan mikrojarohatlarning bitishini, ya‘ni reparatsiyasini tezlatadi. Inokulyasiya qilingan (kasallik yuqtirilgan) o‗simliklarda kasallik alomatlarini kuzatish 12 sutkadan to 4 haftagacha va undan ko‗proq vaqt mobaynida olib boriladi. Nekroz kabi alomatlarni 3 - 12 kun davomida kuzatilsa, tizimli kasallanish alomatlarini 7 – 15 kun va undan ko‗proq muddat davomida olib boriladi. Aniqlagich o‗simlik yordamida faqat bir o‗simlikdagi birgina virusni ajratib va aniqlabgina qolmasdan, balki bir necha viruslar birga aralash holda uchraydigan holatlarda ham viruslarni aniqlash, ajratish mumkin. Tabiatda har xil o‗simliklarning madaniy va yovvoyi turlari tarqalgan bo‗lib, ularda ham viruslar unga ixtisoslashishiga qarab yovvoyi tup o‗simlik shu virusga sezgir bo‗lishi, uning madaniylashgan navlarining liniyalari bu virusga turg‗un bo‗lishi mumkin. Bir tur ichidagi har xil navlar virus turi va shtammlariga nisbatan har xil reaksiya bilan javob berishi mumkin. Tabiatda, masalan, arpa o‗simligi bir vaqtning o‗zida ikki virus bilan ―Arpa chiziqli mozaikasi‖ va ―Yaltirbosh mozaikasi virus‖lari bilan kasallanishi mumkin. Tamaki o‗simligi, ham Tamaki mozaikasi virusi ham Bodring mozaikasi virusi bilan kasallangan bo‗lishi mumkin va hokazo. Ana shunga o‗xshash viruslar aralashmalaridan ham aniqlagich o‗simliklarni to‗g‗ri tanlab toza virusni ajratish va aniqlash mumkin. Masalan, tamaki o‗simligidagi bodring mozaikasi virusini aralash viruslar ichidan ajratib olish uchun virusli o‗simlik shirasi bilan bodring va tamakining Nicotina sylvestris navini kasallantirilsa, bodringda faqat Bodring mozaikasi virusi, tamakida esa faqat 2 7 Tamaki mozaikasi virusi ko‗payib, mozaika alomatlari namoyon bo‗ladi. Arpani kasallantiruvchi Arpa chiziqli mozaikasi virusini shu virusni ushbu o‗simlikdagi Yaltirbosh mozaikasi virusidan ajratish uchun esa jo‗xori o‗simligini kasallantirilsa, jo‗xorida faqat yaltirbosh mozaikasi virusigina ko‗payadi. Viruslarni aralashmalar ichidan ajratib olishda qo‗llaniladigan o‗simliklarni differensiator o‗simliklar deyiladi. Xuddi shunga o‗xshash tabiatda kartoshkaning viruslarini (kartoshka 20 ga yaqin virus bilan kasallanadi) ajratish uchun har xil kartoshka virusini aniqlagich o‗simliklari mavjuddir. Ba‘zan o‗simlikga virus yuqtirish va virusni aniqlash hollarida aniqlagich o‗simliklar ham yordam beraolmaganda bir qator virus tarqatuvchi yoki yuqtiruvchi hasharotlardan ham foydalaniladi [1]. |