366. Said Ahmad “Ufq” romanidagi qaysi obrazni yaratishda xalqimizga xos milliy xususiyatlar va milliy xarakter belgilaridan unumli foydalangan? Said Ahmad Ikromjon obrazini har jihatdan mukammal va jonli qilib
tasvirlagan. Bu obraz vositasida oddiy kishilarning Vatanga bo’lgan cheksiz
muhabbati mahorat bilan tasvirlangan. Ikromjon milliy xarakter sifatida namoyon
bo’lgan. Xalqimizga xos qiyinchiliklarga chidash, mustahkam iroda, hayotbaxsh
ruh Ikromjonning suyak-suyagiga singib ketgan.
367. “Ufq” romanidagi qochoq kim? Said Ahmad asarda hayotdagi ibratli tomonlarni, ajoyib fe’l-atvor sohiblari
bo’lgan insonlar obrazlarini tasvirlash bilan birga, salbiy jihatlarni, yaramas
shaxslarni ham ro’yirost aks ettiradi. Asarda qochoq Tursunboy qismati, uning
to’qayzorda ota-ona hamda el-yurt mehriga zor bo’lib, yolg’izlikda, xor-zoirlikda
o’lishi g’oyat ta’sirli qilib tasvirlangan. Tursunboy Jannat xola va Ikromjonlarning
yolg’iz o’g’li bo’ladi. U Zebini sevadi. Sevgilisi Tursunboy qochoq nomini olgach,
Nizom bilan topishadi . Nizomboy Jannat xola va Ikromjonlarning tutingan o’g’li-
ga aylanadi.
368. Trilogiyaning “Ufq” deb nomlanishi qaysi qahramon monologida aks etgan? Trilogiyaning “Ufq” deb nomlanishi Ikromjon monologida aks etgan. Bu
timsol o’z milliy qadriyatlariga sadoqat hamda porloq kelajakka komil
ishonchning ramzidir. Ikromjonning asar so’ngida: “Yo’q, bolam, men dardga chalinmayman. Men o’lmayman. Tik bo’lsam yurib, yiqilsam emaklab, yotib qolsam sudralib hu o’sha ufqqa boraman. Ufqdan turib Yozyovo-nimga bir qayrilib qarayman.Ufqqa bormay o’lishim mumkin emas”, – deyishi bejiz emas.
Trilogiyaning “Ufq” deb homlanishi ham ana shu hayotbaxsh ruhdan kelib
chiqqan. Bu asardagi ufq tushunchasi xalqimizning Ikromjon obrazida yorqin
gavdalangan o’z milliy qadriyatlariga sadoqati hamda porloq kelajakka komil
ishonchining ramzidir. Shuni ham aytib o’tish kerakki, bu asar uchun Said Ahmad
respublika Davlat mukofoti sovrindori bo’lgan.
