O’zbekiston respublikasi oliy va o’rta maxsus ta’lim vazirligi namangan davlat universiteti

372. “Kuyov” asari qachon yozilgan, uning qaysi janrda yozilganini ayting. 
Said Ahmad “Kuyov” komediyasini 1986-yilda yozgan. Komediyada boshidan
oxirigacha samimiy, xushchaqchaq kulgi hukmronlik qiladi. Asarda mashhur 
seleksioner, keksa bog’bon G’ani ota obrazi mahorat bilan yaratilgan. Shu orqali 
yolg’izlik fojiasi komediya janri talablariga mos ravishda ochib berilgan.
Komediyada ko’rsatilishicha, G’ani ota moddiy boylikka muhtoj emas, qarigan 
chog’da beva qolib,yolg’izlik azobini tortadi. Otaning yolg’izlik dardiga davo izlab 
chekkan qiyinchiliklari, ichki kechinma va ruhiy holatlari asarda juda qiziqarli va 
ta’sirli qilib ko’rsatilgan. Shu asosda er-u xotinning qo’sha qarishi haqidagi xalq 
hikmatining asl ma’nosi va mohiyati ochib berilgan. 
373. Said Ahmadga qanday mukofotlar berilgan? 

---

Sevimli yozuvchimiz Said Ahmadning so’z san’ati sohasidagi xizmatlari 
davlatimiz tomonidan munosib taqdirlangan. Adib “O’zbekiston xalq yozuvchisi” 
unvoniga, “Ufq” trilogiyasi uchun Davlat mukofotiga sazovor bo’lgan. Mustaqillik 
yillarida “Do’stlik” , “Buyuk xizmatlari uchun”ordenlari hamda 80 yoshga to’lishi, 
uzoq va barakali ijodi evaziga Vatanimizning yuksak mukofoti – “O’zbekiston 
Qahramoni” unvoni bilan taqdirlangan. Said Ahmad 2008-yilda vafot etdi. 2013-
yil 10-iyunda Toshkentdagi Alisher Navoiy nomli Milliy bog’da Said Ahmad va 
uning rafiqasi, xalqimizning sevimli shoirasi Saida Zunnunovalarga haykal 
o’rnatildi. 
Mavzu: Odil YOQUBOV 
 
374. Odil Yoqubovning hayoti va ijodi haqida nimalar bilasiz? 
Odil Yoqubov hozirgi o’zbek adabiyotining atoqli vakillaridan biridir. 
Yozuvchi proza, dramaturgiya va publisistika sohasida barakali ijod qilib, XX asr 
o’zbek adabiyoti taraqqiyotiga munosib hissa qo’shdi. 
Odil Yoqubov 1926-yilda Qozog’istonning Chimkent viloyati Turkiston tumani 
Otaboy qishlog’ida tug’ilgan. Ikkinchi jahon urushida qatnashish uchun 1945-yilda 
frontga ketgan. Yaponiyaga qarshi olib b orilgan harakatlarda qatnashish uchun be-
poyon Gobi sahrosini yayov kezib chiqib, o’limlardan omon qolgan. Burch tuyg’u-
si yuksak yozuvchi uchun harbiy xizmat 1950-yilga qadar cho’zilgan. Frontdan 
qaytgach, Toshkent davlat universiteti (hozirgi O’zMU)ning filologiya fakultetida 
o’qib, uni imtiyozli diplom bilan tugatgan (1956). O’zbekiston Yozuvchilar tashki-
lotida maslahatchi (1955-1959), “Literaturnaya gazeta”da maxsus muxbir (1959-
1963, 1967-1970), “O’zbekfilm”da, O’zbekiston Kinomatografiya davlat qo’mita-
sida bosh muharrir(1963-1967), G’afur G’ulom nomidagi Adabiyot va san’at nash-
riyotida (1970-1982), “O’zbekiston adabiyoti va san’ati” gazetasida bosh muharrir 
(1982-1987) bo’lib ishlagan. 1987-yildan 1996-yilgacha O’zbekiston yozuvchilar 
uyushmasi boshqaruvining raisi bo’lgan. O’zbekiston mustaqillikka erishgach,Odil 
Yoqubov ijod qilish bilan birga, Vazirlar Mahkamasi qoshidagi Respublika atama-
shunoslik qo’mitasiga rais, Markaziy Osiyo xalqlari madaniyati assambleyasining 
vitse-prezidenti sifatida uzoq yillar faoliyat ko’rsatdi.
Odil Yoqubov proza va dramaturgiya sohasida jo’shqin faoliyat olib bordi.