195. Abdulla Qahhorning “Bemor” hikoyasida qanday g’oya ilgari surilgan? Abdulla Qahhorning “Bemor” hikoyasida Sotiboldining kasal xotinini
davolash uchun befoyda urinishi, oxir-oqibatda ayolning vafot etishi tasvirlangan.
Adib ana shu fojiani tasvirlash orqali Sotiboldi, norasida qizaloq, qo’shni kampir
kabilarning ichki dunyosi ko’rsatib beriladi. Hikoyada tasvirlanishicha, Sotiboldi
doktorxona haqida aniq tasavvurga ega emas: “Doktorxona deganda Sotiboldining ko’z oldiga izvosh va oq podshoning surati solingan 25 somlik pul kelardi”.
Qisqasi hikoyada qo’li kalta, qashshoq kishining nochor holati ayanchli tarzda
ko’rsatilgan.
196. Abdulla Qahhorning “Sinchalak” asaridagi qaysi qahramon “Ayol kishi rahbarlik qlisa, kalavamning uchini yo’qotib qo’yaman”, - deydi? “Sinchalak” (A.Qashhor) asarining bosh qahramonlaridan biri Arslonbek
Qalandarovdir. U “Bo’ston” jamoa xo’jaligi raisi bo’ladi. Biroq raisni manman,
o’ziga bino qo’ygan, ko’pchilikning fikri bilan hisoblashmay,o’zbilarmon bo’lgani,
ayollarga mensimayroq qaragani bilan butkul salbiy qahramon qatoriga qo’shib
bo’lmaydi. U jamoa xo’jaligi ishini, uning sir-asrorini, xo’jalikning har bir a’zosini juda
yaxshi biladi, o’zi ham tinim bilmay ishlaydi. Shu kabi muvaffaqiyatlar Arslonbek
Qalandarovni anchagina esankiratib ham qo’ygan. Manmanlik o’zgalar fikrini yo’q
qilishga olib keladi. Ko’pchilik fikri bo’g’ilgan joyda esa, u mamlakat rahbarimi,
jamoa xo’jaligi raisimi, baribir, shaxsga sig’inish illati paydo bo’ladi.Bunday holda
tashabbus o’rniga norozilik, ishonch o’rniga hadik, o’sish o’rniga chekinish yuzaga
keladi. Shu tariqa yozuvchi Qalandarovga xos fazilatlarni aslicha ko’rsata olgan.
197. Abdulla Qahhorning qaysi asarida qahramon insonparvarlikni ulug’lab, ”Odam bolasi sirkning oti emaski, qamchilaganda cho’kkalasa…”- deydi? Yozuvchi Abdulla Qahhorning “Sinchalak” asaridagi bosh qahramon Saida
Aliyevadir. U kolxoz raisi Arslonbek Qalandarov bilan to’qnashadi. Yozuvchi bir-
biriga mutlaqo teng kelmaydigan kuchlar kurashini tasvirlab, bu kurash yordamida
voqelikning ko’pgina muhim va ahamiyatli jihatlarini ochib bergan. Saidaning
maqsadi g’oyat ezgu va pok. U odamlarning hayotini yasxshilashga, go’zalroq
qilishga intiladi. Saidaning faoliyati chuqur insoniylik bilan sug’orilgan – uning
odamlarga munosabatida bu sezilib turadi. Hikmat tarzida aytilgan Saidaning
yuqoridagi so’zlarida uning insonparvarligi yaxshi ifodalangan.
