459. Abdulla Oripovning ijodiy kamolotga erishuvida kimlar muhim rol
o’ynadi?
Abdulla Oripovning ijodiy kamolotida tinimsiz mehnat bilan birga, ustoz
shoirlardan olgan saboqlar ham muhim rol o’ynagan. Abdulla Oripov Alisher
Navoiy, Bobur, Cho’lpon, G’. G’ulom, Oybek, H. Olimjon, U. Nosir, A. Qahhor,
Mirtemir, M. Shayxzoda singari buyuk ustozlar ta’sirida o’sib kamolotga yetgan.
Abdulla Oripov: “Ko’pgina adiblarni o’sha paytdan, maktab o’quvchisi paytidan
g’oyibona taniganman, ilk she’rlarimni o’shalarga ergashib yozganman”, – degan.
Abdulla Oripov she’riyatga hech qachon ermak deb qaramaydi. Uni doimovijdon
ishi deb biladi. Shuning uchun ham shoir asarga jilo va sayqal berishdan aslo erin-
maydi. Shoirning quyidagi she’rida samimiy ixlos va mamnuniyat barq urib turadi:
Boshin egar hamisha
Ostonangda Abdullo,
Eng oliy baxtim mening,
Onajonim, she’riyat.
Topgan toj-taxtim mening,
Jonajonim, she’riyat.
460. Abdulla Oripov qanday mukofotlar sohibi?
Abdulla Oripov 1983-yilda Hamza nomidagi davlat mukofotiga sazovor
bo’ldi. Shu yili unga “O’zbekiston xalq shoiri” unvoni berildi. 1994-yilda Alisher
Navoiy nomidagi respublika davlat mukofotiga loyiq ko’rildi.1998- yilda esa shoir
“O’zbekiston Qahramoni” unvoni bilan taqdirlandi. Abdulla Oripov O’zbekiston
Respublikasi davlat madhiyasining muallifidir.
461. Abdulla Oripovning respublika matbuotida ilk bor e’lon qilingan she’ri
Dostları ilə paylaş: |
