4-tarqatma material. Portfolioni ishlab chiqish bosqichlari va bo’limlari
Portfolioni ishlab chiqish jarayoni uchta asosiy bosqichdan iborat bo’ladi:
Birinchi bosqich. Tashkillashtirish va rejalashtirish. Bu portfolio rivojlanishining boshlang’ich bosqichi bo’lib, u o’zida o’quvchilar va pedagog tomonidan qarorning qabul qilinishini mujassam etadi. Ta’limning boslang’ich jarayonidagi muhim masalalarni tadqiq qilishda, o’quvchilar portfolioning maqsadini va uning mavqe’ini – o’zlaridagi rivojlanishni baholash va nazorat qilish vositasi sifatida to’laligicha tushunib olishlari mumkin.
Ikkinchi bosqich.To’plash. Ushbu jarayon o’zida o’quvchilarning ta’lim tajribasini va ma’lumotlarni yig’ish maqsadini aks ettiruvhi muhim materiallarni yig’ishi aks ettiradi. Bu bosqichdagi qarorlar portfolioning mazmuniga nisbatan, ushbu portfolio mazmunini maxsus identifikatsiyalovchi maqsadlarga asoslangan holda qabul qilinishi lozim. Ma’lumotlarni tanlash va to’plash maxsus mavzularni , portfoliolarni yoki ta’lim jarayonlarini va maxsus fanlarni o’zida birlashtiruvchi turli xil omillarga asoslangan bo’lishi lozim. To’plamda mujassamlashtirilgan barcha tanlab olingan ma’lumotlar , baholash uchun identifikatsiyalangan me’zon va me’yorlarni aniq o’zida aks etishi lozim.
Uchinchi bosqich.Anglab olish. Ushbu jarayon mavjud bo’lgan joyda, o’quvchilarning zarur bilim va malakalarining rivojlanishini tushunish hamda ta’lim jarayoni va nazoratdan keyingi fikrlash reaksiyalari haqidagi aniq dalillar bo’lishi lozim. Bunday mulohaza o’qitish materiallari, jurnallar va o’quvchilar o’zaro ta’sirlashgan, shuningdek ularning bunday mashg’ulot turlarida namoyon etgan tafakkur usullarining chuqur o’ylashdan keyingi jarayonlarda yuzaga keluvchi fikrlashning boshqa shakllarida ham aks etgan bo’lishi mumkin. Fikrlash bilan bir qatorda portfolio shuningde, mutaxassislarning va pedagoglarning fikrlariga asoslangan ma’lumotlarni ham o’zida mujassam etgan bo’lishi lozim.
Portfolio ko’rinishi qanday bo’lishidan qat’iy nazar, u o’zida ma’lum bir tarzda tizimlashtirilgan ma’lumotlar to’plamini mujassam etishi lozim. Ma’lumotlarning yirik bloklari boblar deb ataladi, ularning ichida esa bo’limlar ajratiladi. Boblar va bo’limlar miqdori shiningdek, ularning tematikasi (mavzusi ) turli xil bo’lishi mumkin va ular har bir aniq holatlarda aniqlashtiriladi.
Klassik portfolio to’rt qismdan iborat bo’ladi: “Portret”, “Kollektor (to’plovchi)”, “Ishchi materiallar” va “Muvaffaqiyatlar”. Portfolioda, albatta mundarija /so’z boshi (qismlar nomi, ma’lumotlarning nomlanishi bilan ) aniq tashkillashtirilgan bo’lishi lozim.
