O‘zbekiston respublikasi oliy va o‘rta maxsus ta’lim vazirligi sog‘liqni saqlash vazirligi namangan davlat universiteti fiziologiya kafedrasi

Ish anjomlari: nevrologik bolg’acha. Ish odamda olib boriladi.



Tajriba o’tkazish tartibi:

1. 
   Tizza refleksini tekshirish uchun tekshiriluvchiga kursiga o’tirishi va oyoqlarini chalkashtirish taklif etiladi. Nevrologik bolg’acha bilan to’rt boshli muskul payiga asta uriladi. O’ng va chap tomondagi reflekslar solishtiriladi.
   
2. 
   Axill refleksini tekshirish tizzasini kursiga qo’ygan tekshiriluvchida olib boriladi. Tovon bemalol osilib turadi. Nevrologik bolg’acha bilan tovon payiga asta uriladi. Tovonning bukilish-bukilmasligi kuzatiladi.
   

Ishni rasmiylashtirishga doir tavsiyalar: shartsiz reflekslarga ta’rif bering. Somatik reflekslarning reflektor yoyi sxemasini chizing. Somatik va vegetativ reflekslar reflektor yoylarining tuzilishidagi printsipial farqlarini ko’rsating.

Nazorat savollari

1. Orqa miyaning vazifalari nimalardan iborat?
2. Shartsiz refleks deb nimaga aytiladi?
3. Tizza refleksida reflektor yoy sifatida nimalar ko’rinadi?
4. Axill refleksida reflektor yoy sifatida nimalar ko’rinadi?


2-LABORATORIYA. O`PKANING TIRIKLIK SIG`IMINI
O`LCHASH – SPIROMETRIYA.
Odam tinch nafas olganda 500/300 dan 900 ml gacha havo oladi va chiqaradi. Bu havo nafas havosi deb ataladi. Normal nafas olgandan keyin yana qo’shimcha 1500 ml havo olishi mumkin bo’lib, bu qo’shimcha havo deb ataladi. Normal nafas chiqargandan keyin esa yana 1500 ml havo chiqarib yuborish mumkin. Buni esa nafas chiqarishning rezerv qismi deyiladi. O’pkaning hayotiy sig’imi deb chuqur nafas olgandan keyin chiqarilgan maksimall havo hajmiga aytiladi. Normada o’pkaning tiriklik sig’imi ayollarda 2700 ml, erkaklarda 3500 ml ga teng. Maksimall nafas chiqarib yuborilgandan keyin ham o’pkada birmuncha havo qoladi. Bu qoldiq havo deb yuritilib, 1200 ml atrofida bo’ladi. Spirometriya – bu o’pkaning tiriklik sig’imini o’lchash usulidir. Spirometr asbobi 2 ta tsilindrdan iborat. Tashqi tsilindrga belgisigacha suv to’ldirilgan, ikkinchisi esa bo’sh bo’lib, asosiga havo to’ldirilgan ballon biriktirilgan. Tashqi tsilindr orqali metall trubka o’tkazilgan bo’lib, u orqali tekshiriluvchi nafas oladi. Yengil nafas olish ham ballongacha uzatilib, ichki tsilindrni ko’taradi. Hisob olib borish belgisi alohida ko’rsatilgan.
Ishdan maqsad. O’pkaning tiriklik sig’imini aniqlash yo’li bilan tanishish.
Ishning borishi. 1. Spirometr “0” holatiga keltiriladi. Metallik trubka oxiridagi mundshtuk margantsovka eritmasida chayiladi. Tekshiriluvchi spirometr qarshisiga turib, 2-3 marta chuqur nafas olib, chiqarib, yana chuqur nafas olib nafasni spirometrga chiqaradi (mumkin qadar qattiqroq). Nafas uzluksiz, asta chiqarilishi kerak.

2. 
   Qo’shimcha havoni aniqlash. TSilindr qopqog’idan probka olinib, ichki tsilindr qo’l bilan 3000 ml belgisigacha ko’tariladi. Tekshiriluvchi bir necha marta tinch nafas olgandan keyin biroz nafasni to’xtatadi, mundshtukni og’ziga olib spirometrdan chuqur nafas oladi. Ichki tsilindr necha belgigacha pastga tushgani belgilanadi va 3000 dan olib tashlanadi. Ayirma qo’shimcha havo bo’lib hisoblanadi.
   
3. 
   Nafas havosini aniqlash. Spirometr nolga keltiriladi. Tekshiriluvchi mundshtukni og’ziga olib, tinch holatda havoni burun orqali olib, nafasni spirometrga chiqaradi. 5-6 marta shunday qaytarilib, olingan sonlarning o’rtachasi aniqlanadi.
   
4. 
   Rezerv havoni aniqlash. Spirometr nolga keltiriladi. Bir necha marta tinch nafas olgandan keyin nafasni chiqarib, biroz to’xtagandan keyin mundshtukni og’ziga olib, mumkin qadar qattiqroq nafasni spirometrga chiqaradi. Shkaladagi son rezerv havo hajmini ko’rsatadi. Ishning oxirida qo’shimcha, rezerv va nafas havolarini qo’shib, avvalgi aniqlangan tiriklik sig’imi miqdori bilan solishtiriladi. Natijalar farqi 10% dan oshmasligi kerak.