O‘zbekiston respublikasi oliy va o‘rta maxsus ta‘lim vazirligi termiz davlat universiteti magistratura bo’limi ta’lim-tarbiya nazariyasi va metodikasi

V. O`QUVCHILARNI RAG`BATLANTIRISH. DARSNI YAKUNLASH
Darsdagi faol ishtirokiga qarab, o’quvchilar rag’batlantiriladi va dars yakunida
ballar umumlashtirilib yakuniy ballar e’lon qilinadi.
VI. UYGA VAZIFA:
Qayta hikoya qilishga tayyorgarlik ko`rish
2.4 Bob bo`yicha xulosa.
Boshlang‘ich sinflarda masal o‘qitish metodikasi. Masal haqida gap ketar ekan ko‘z oldimizga Gulxaniy,Maxmur, Alisher Navoiy masallari keladi. Masallar boshlang‘ich sinf darsliklarida ko‘p berilmagan. Shunday bo‘lsada darslikda berilgan masallar orqali o‘quvchilarni rostg‘oylikka, mehnatkashlikka, qo‘lidan kelmagan ishga urunmaslikka o‘rgatadi. Masallarni o‘qitishda o‘qituvchidan pedagogik mahorat talab etiladi. Masalning asosiy g‘oyasi insonlardagi turli illatlarni tanqid qilish va qoralashdir. Inson qiyofasi hayvonlar, hasharotlar, qushlar, o‘simliklar yordamida yorotib berilgani asarning yosh o‘quvchiga ta‘sirini oshiradi. O‘qituvchi majoziy ma‘noda kelgan qahramonlarni o‘quvchiga to‘g‘ri tushuntirib berishi lozim bo‘ladi.
Ma’lumki, tarbiya ko’proq ta’lim jarayonida berib boriladi. Bolalarga maktabga kelgan kunidan boshlab, bilim olishga havas tuyg’usi shakllantiriladi. Ularda asta-sekin bilim olishga ehtiyoj paydo bo’ladi va bu
orqali o’quvchilar ma’naviy ozuqa ola boshlaydilar. Bu bilan bolada kelajakka intilish, orzu-havas, mehnatga chanqoqlik, xayru ehsonda sofdillik, ona-Vatanga mehr-muhabbat, fidoyilik, milliy g’urur, matonat, mehr-oqibat, do’stlik, ezgulik kabi yuksak hislar paydo bo’ladi.
Jumladan, masal janridagi asarlar ham boladagi qo’pollik, qo’rslik,yolg’onchilik, yalqovlik, beparvolik kabi illatlarni bartaraf etishda yordam beradi. Lekin amaldagi boshlang’ich sinf “O’qish kitobi” darsliklarida masal janriga kam o’rin berilgan. Vaholanki, bola tarbiyasida masalning o’rni beqiyosdir. Masaldagi qissadan hissa o’quvchi matndagi e’tibordan chetda qoldirgan, yuzaki o’qib o’tib ketgan, yaxshi anglashga harakat qilmagan o’rinni, bo’shliqni to’ldiradi.