O‘zbekiston respublikasi oliy va o‘rta maxsus ta‘lim vazirligi termiz davlat universiteti magistratura bo’limi ta’lim-tarbiya nazariyasi va metodikasi

O‘ZBEKISTON RESPUBLIKASI OLIY VA O‘RTA MAXSUS TA‘LIM VAZIRLIGI
TERMIZ DAVLAT UNIVERSITETI
MAGISTRATURA BO’LIMI
TA’LIM-TARBIYA NAZARIYASI VA METODIKASI (BOSHLANG’ICH TA’LIM) YO’NALISHI II KURS MAGISTRI TEMIROVA MATLUBANING
MUTAXASSISLIK FANLARNI O`QITISH METODIKASI FANIDAN TAYYORLAGAN

KURS ISHI



MAVZU: BOSHLANG’ICH SINFLARDA ERTAK VA MASALALAR MATNI USTIDA ISHLASH METODLARI.


Bajardi: M.Temirova
Ilmiy rahbar: dots.Sh.Yoqubov

2021-YIL
Mundarija

Kirish
I. BOB. ERTAKNI O’QITISH METODIKASI
	Boshlang’ich sinf o’qish darslarida matn ustida ishlash orqali o’quvchilarni ma’naviy tarbiyalash.
	Boshlang`ich sinflarda ertakni o’qitish metodikasi.
	Bob bo`yicha xulosa.
II. BOB. MASALNI O’QITISH METODIKASI
	2.1. Boshlang`ich sinflarda masalni o’qitish metodikasi.
	2.2. Boshlang’ich sinf o’quvchilarini lug’at ustida ishlashga o’rgatish.
	2.3. Ertak va masal mavzulari bo`yicha bir soatlik dars ishlanma.
	2.4. Bob bo`yicha xulosa.
UMUMIY XULOSA VA TAVSIYALAR
FOYDALANILGAN ADABIYOTLAR RO`YXATI
ILOVALAR

Kirish
Mavzuning dolzarbligi. O’zbekistonning kelajagi ko’p jihatdan barkamol va intellektual salohiyatli avlodni tarbiyalashga bog’liq. Bu muhim vazifani amalga oshirish uchun o’z Vataniga, xalqiga, istiqlol g’oyalariga sadoqatli, erkin va mustaqil fikrlaydigan yosh avlodni komil insonlar sifatida voyaga yetkazish davlat siyosatining ustuvor vazifalaridan biri hisoblanadi. Rеspublikamiz Prеzidеnti Sh.M.Mirziyoyev “Farzandlarimizning qobiliyatini ro‘yobga chiqarishga bolalikdan e’tibor berib, ularning kamoloti uchun barcha imkoniyatlarimizni safarbar etsak, yurtimizdan yana ko‘plab Beruniylar, Ibn Sinolar, Ulug‘beklar yetishib chiqadi. Men bunga ishonaman. Biz xalqimizning farovon hayotini, farzandlarimizning yorug‘ kelajagini ta’minlash uchun bundan buyon ham bir tanu bir jon bo‘lib, bor salohiyat, bilim va tajribamizni safarbar etishimiz lozim”, - dеgan edi.
Boshlang’ich sinflarning o’qish darslarida garchi ilmiy jihatdan bo’lmasa-da, amaliy jihatdan turli janrga mansub asarlar o’qib o’rganiladi. O’qish darsliklariga, asosan, ertak, she’r, ertak, masal, maqol, doston, rivoyat va topishmoq kabi janrdagi asarlar kiritilgan. Bulardan tashqari, ilmiy-ommabop asarlar ham o’qitiladi.
Turli janrdagi badiiy asarlar qurilishi, uslubi jihatidan o’ziga xos xususiyatlarga ega bo’lib, ularning o’quvchilarga ta’siri ham har xil bo’ladi. Tabiiyki, har bir janrga oid asar matni lingvistik jihatdan ham o’ziga xos xususiyatlarga ega. Masalan, she’riy asarlar matni ertak matnidan, ertak matni she’r matnidan, ilmiy-ommabop maqola matni masal janriga taaluqli asarlar matnidan tubdan farq qiladi. Topishmoqlar predmet, voqea-hodisalar o’rtasidagi o’xshashlikni taqqoslash orqali o’zlashtirilsa, maqollar mazmuni hayotiy misollar vositasida sharhlashni taqozo etadi. Shunga ko’ra, turli janrdagi badiiy asarlarni o’qishda o’qituvchidan unga mos usullar tanlash talab etiladi. Boshlang`ich sinf o`quvchilarini dunyoqarashini kengaytirishda ertak va masal asosiy janr hisoblanadi, bunday asarlar o`quvchining yoshiga va uning psixologik hususiyatlariga mos bo`lganligi uchun o`qubchilar juda qiziqib o`qiydilar.