Murosa nazariyasi Shuni ta'kidlash joizki, MMning yuqorida aytib o‘tilgan “noaniq” tasavvurlarning hech biri past darajadagi pozitsiyaga sezilarli ta‘sir ko‘rsatmaydi. Biroq, yuqori darajadagi ularning ta‘siri oshadi. Shu ma‘noda, qisqacha ko‘rib chiqilgan tadqiqotlar natijalarini hisobga olgan holda, ehtimol dastlabki xulosa qilishimiz mumkin.
Leverejning muayyan o‘rtacha darajasigacha qarz kapitalining soliq afzalliklari leverej o‘sishiga bog‘liq ravishda, Mm bashorat qilishganidek, WACC pasayishiga sabab bo‘ladi (—soliqqa tortishdan keyin”gi variantda). Leverejning o‘rtacha darajasi ortishi bilan 221
bankrotlik riski (oddiy aksiyalar egalari uchun) va kreditorlar uchun real risk namoyon bo‘lishi har bir guruh tomonidan talab qilinadigan daromadlilikni oshiradi, bu esa leverejning yuqori darajalarida WACC qiymatini ham kattalashtiradi.
Bu yerda MM argumentida ba‘zi mantiq mavjudligi taxmin qilinadi va shuning uchun leverej ortib borishi bilan WACC kamayadi. Biroq leverej “o‘rtacha” darajadan yuqorilashi bilan oddiy aksiyalar egalari va kreditorlar riskni yaqqolroq his qila boshlashadi.
Natijada, ular kompensatsiya sifatida ko‘proq daromad qidira boshlashadi. Bu esa WACC egri chizig‘i yuqori tomon tik ko‘tarilishiga olib keladi. Shunday qilib, leverejning optimal darajasiga erishiladi.
REZYUME Kapital (moliyaviy) leverej (Capital gearing, CG)
SG ma‘lum daromaddan qisman moliyalashtirishni anglatadi (amaliyotda, odatda, zayomlar).
Qarz olish yo‘li bilan moliyalashtirish arzon, chunki:
kreditorlar uchun risk kam;
soliqqa tortiladigan bazadan chegirib tashlanadi.
CG aksiyadorlar uchun daromadlarini oshirish bo‘yicha potensial imkoniyatga ega.
CG aksiyadorlar uchun daromadning o‘zgaruvchanligini oshirishga (ya‘ni, riskni oshirishga) ta‘sir ko‘rsatadi.
