5. Pfizer + Warner-Lambert, bitim miqdori – 87,3 milliard AQSH dollari Pfizer amerika farmatsevtika kompaniyasi birlashishlar va qoʻshib
olishlar bozoriga tez-tez chiqib turadi. AstraZeneca kompaniyasini
sotib olishga boʻlgan urinish muvaffaqiyatsizlik bilan yakunlangach,
2000 yilda Warner-Lambert kompaniyasini 87,3 milliard dollarga
qoʻshib olishga erishadi. Qachonlardir bu biznes oʻz xususiy dorilarini
ishlab chiqarish bilan shugʻullanuvchi oddiy dorixona boʻlgan boʻlsa,
aynan 2000 yilga kelib Warner-Lambert amerika farmatsevtika
bozorida qoʻshib olish uchun yuqori darajada jalb qiluvchanlikka ega
kompaniyalardan biriga aylangan edi. 2009 yilda Pfizer boshqa bir
gigant farmatsevtika kompaniyasi Wyethni ham 68 milliard dollarga
sotib oladi.
4. Fortis, Banco Santander, Royal Bank of Scotland Group + ABN AMRO, bitim miqdori – 100 milliard AQSH dollari Bu operatsiya oxiri salbiy natija bilan yakunlangan birlashish va
qoʻshib olish amaliyotlaridan biri sifatida tarixga kirdi.
Gollandiyaning qudratli moliyaviy kompaniyasi hisoblangan ABN
AMRO bankni qoʻshib olish maqsadida Yevropaning yirik banklari
xalqaro moliya-sugʻurta guruhi hisoblangan Fortis boshchiligida
oʻzaro birlashadilar va 2007 yilda 100 milliard dollar sarflangan holda
koʻzlangan moliyaviy operatsiya amalga oshiriladi. Lekin oradan bir
yil oʻtib jahon moliyaviy inqirozi tufayli Fortisning moliyaviy holati
birdaniga yomonlashadi. Ekspertlarning fikricha, aynan ABN AMRO
bank bilan bitim tuzilishi Fortisning boʻlinib ketishiga sabab boʻladi.
Natijada kompaniya aktivlardagi ulushlarini tezda sotishga majbur
boʻladi va Ageas brendi ostida qaytadan faoliyatini boshlaydi. ABN
AMRO bank esa Gollandiya tomonidan milliylashtiriladi.
