O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti

 
8.2. Innovatsion salohiyatni va innovatsion faollikni baholash 
Innovatsion tizim shakllantirishning eng muhim yo‘nalishlaridan biri mamlakat 
mintaqalarini innovatsion rivojlantirish hamda ilmiy tadqiqot va ishlanmalarning 
innovatsion salohiyati va innovatsion faollikni baholash hisoblanadi. Bunda 
innovatsion faollik hududning rivojlanishini ta’minlaydigan yagona omil sanaladigan 
vaziyat yuzaga kelishi mumkin. 

---

124 
Hududlar iqtisodiyotining innovatsion rivojlanish yo‘liga o‘tishini integral 
baholash uchun ushbu hududlarda amaliy ITTKI bosqichida bo‘lgan, sanoatda 
qo‘llash va o‘zlashtirish bashorat qilinayotgan ilmiy tadqiqot va ishlanmalar 
ma’lumotlarini ekspertiza qilish zarur. Ekspertiza o‘tkazishning asosiy maqsadi – 
innovatsion loyihalar ma’lumotlarini innovatsion turdagi iqtisodiyotga o‘tish 
salohiyatini shakllantirishga kiritish imkoniyatlarini aniqlashdir. 
Ekspertiza texnologiyasi quyidagilarni o‘z ichiga olishi zarur: 
ishlab chiqilgan ITTKI va innovatsion loyihalarning iqtisodiy baholarini 
tavsiflaydigan ko‘rsatkichlar ishonchliligini hisob-kitob qilish; 
hisoblab chiqilgan samaradorlik ko‘rsatkichlari: a) sof diskontlangan daromad 
(SDD); b) diskontlangan daromadlilik indeksi (DDI); v) o‘zini qoplash muddati; g) 
ichki daromadlilik me’yori (IDM) sifatini baholash. Loyihalar samaradorligi hisob-
kitoblarining ishonchliligini baholash innovatsion loyihalar vujudga keltiradigan pul 
oqimlari hisob-kitoblari va bashorat narxlariga asoslanadi. 
Ekspertiza va innovatsiyalarni tanlashning ko‘p variantli tizimi asosida ilmiy va 
texnologik salohiyatlarni rivojlantirish hisobiga hududlarni rivojlantirish iqtisodiy 
ko‘rsatkichlari va innovatsion portfel ishlab chiqiladi. Buning uchun amaliy ITTKI 
bosqichida bo‘lgan hamda sanoatda qo‘llash va o‘zlashtirish mo‘ljallangan ilmiy 
tadqiqotlar va ishlanmalarning innovatsion salohiyati o‘rganiladi. 
Ilmiy tadqiqotlar va ishlanmalarning innovatsion salohiyatini baholash quyidagi 
ko‘rsatkichlar bo‘yicha amalga oshiriladi (8.1-jadval).