O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti

Etkazib berish sotuv tizimini shakllantirish (transport xizmatlari). Innovatsion 
mahsulotni bozorga chiqarishda raqobatbardoshlik manfaatlarida innovatsion 
korxonaning tovarni turli narxlarda (turli raqobat ustamalari bilan), FAS, FOB, CAF, 
CIF kabi ta’minotchining omboridan etkazib berishdan boshlab barcha boj va 
tariflarni to‘lagan holda xaridorning omboriga etkazib berishga (DDUP, DDP) qadar 
qulay bazis shartlarida sotishga tayyorligi tushuniladi. 
Innovatsion korxona innovatsion mahsulotni yakuniy iste’molchiga etkazib 
berish usulini tanlashi lozim. Ushbu holatda korxona o‘z transportidan foydalanishi 
yoki transport-ekspeditsiya xizmati bilan shartnoma tuzishi mumkin. Mahsulotning 
transport-ekspeditsion taqsimoti tovarlarni ishlab chiqarish joyidan iste’mol 
joyigacha optimal usullardan foydalangan holda etkazib berishni rejalashtirish, 
tashkil qilish va amalga oshirishdan iborat. Transport xizmatlari ko‘rsatish transport-
ekspeditsiya korxonalarining yuk tashish, yuklash-tushirish xizmatlari va saqlash 
xizmatlari taqdim etish bilan birgalikda zamon va makon bo‘yicha yuklarni tashish 

---

118 
jarayoni bilan bog‘liq faoliyati sifatida tavsiflanadi. 
Kafolatli va kafolatdan keyingi xizmat ko‘rsatishni tashkil qilish. Uzoq muddat 
foydalaniladigan yangi tovarlar (ayniqsa, ilmiy hajmdor tovarlar) bo‘yicha 
raqobatbardoshlikning muhim jihatlaridan biri u yoki bu sotuv tizimi tomonidan 
taklif etiladigan va ta’minlanadigan mahsulotlarga texnik xizmat ko‘rsatish 
(profilaktika, ta’mirlash, ehtiyot qismlarni almashtirish) hisoblanadi. Bu erda 
iste’molchiga ko‘rsatilgan tovarlarga kafolatli va kafolatdan keyingi xizmat 
ko‘rsatish muddati va minimal qiymati hamda maksimal doirasi muhim hisoblanadi. 
Innovatsion marketing o‘tkazishda muvaffaqiyatning asosiy omillari 7.1- rasmda 
aks ettirilgan.