O‘zbekiston respublikasi oliy va o‘rta maxsus ta‘lim vazirligi toshkent moliya instituti

1-rasm 
Kurs ishi rejasining tuzilishi 
“Davlat byudjetining soliqli daromadlarini shakllantirishni takomillashtirish 
yo‘nalishlari” mavzusidagi kurs ishiga quyidagicha reja tuzish mumkin. 
Kirish 
1. Davlat byudjeti daromadlarini shakllantirishda soliqlarning ahamiyati va ularning 
tasniflanishi 
2. Byudjet daromadlari tarkibida soliqlarning salmog’i va dinamikasining tahlili 
3. Soliq kontseptsiyasi doirasida amalga oshirilayotgan chora-tabdirlar tahlili 
4. Davlat byudjeti soliqli daromadlarini ko‘paytirish va ular barqarorligini ta’minlash 
masalalari 
Xulosa 
Foydalanilgan adabiyotlar ro‘yxati 
Ilovalar

---

7 
Tanlangan mavzu doirasida bajarilgan kurs ishining kirish qismi - bu kurs 
ishining boshlang’ich qismi bo‘lib, ishning asosiy ma’nosini qisqacha bayon qilish 
uchun xizmat qiladi. Kurs ishining kirish qismida tanlangan mavzuning dolzarbligi, 
kurs ishining maqsadi va vazifalari, izlanish ob’ekti to‘liq asoslanadi. Shuningdek, kurs 
ishini yozish uchun asos bo‘lgan amaliy ma’lumotlarning manbalari aks ettiriladi. 
Kurs ishi mavzusining dolzarbligini ifodalashda talaba aynan qaysi sabablarga ko‘ra
mazkur mavzu doirasida ilmiy izlanishlarni olib borish lozimligini, o‘zining mulohaza 
yurita olish qobiliyati hamda to‘plagan ma’lumotlar bazasidan foydalangan holda bayon 
etishi lozim. Fikrini ishonarli va aniq ifodalash uchun mavzu doirasida etakchi olim va 
mutaxassislarning fikrlarini keltirish orqali mustahkamlashi mumkin. Mavzu dolzarbligini 
sifatli keltirilishi talabaning salohiyati, ma’lumotlar bazasi bilan qay darajada ishlay 
olganligi, mavzuning ijtimoiy iqtisodiy mohiyatini chuqur anglab etganligi bilan 
baholanadi. Tanlangan kurs ishi mavzuning dolzarbligini asoslashda O‘zbekiston
Respublikasi Prezidenti asarlari va ma’ruzalaridan mavzuga oid fikr mulohazalarni 
keltirilishi kurs ishi sifatini oshirishga xizmat qiladi. Kurs ishida tanlangan mavzu 
dolzarbligi bayon etilgan so‘ng, kurs ishi doirasida olib borilgan tadqiqotning maqsadi 
kirish qismida ifodalanadi.
Talaba tomonidan tanlangan mavzu bo‘yicha yozilgan kurs ishining kirish qismi 
ko‘pi bilan 2-3 varaq hajmida bayon etish tavsiya etiladi. Kurs ishining kirish qismidan 
so‘ng, asosiy qism keladi. U bir nechta savollardan iborat bo‘lib, tanlangan mavzuning 
asosiy mohiyatini batafsil ochib berishga xizmat kilishi kerak. 
Tanlangan mavzu bo‘yicha kurs ishining birinchi savolida(rejasida) mavzuning 
nazariy jihatlari, mazmuni, mohiyati va bugungi kundagi ahamiyati batafsil yoritiladi. 
Bunda talaba tomonidan turli iqtisodiy maktablar vakillari bo‘lgan iqtisodchi olimlar 
asarlarining qiyosiy tahlili amalga oshirilishi, davriy nashrlarda chop etilgan ilmiy 
maqolalardan foydalanilishi, mavzuga oid asosiy darsliklar va o‘quv qo‘llanmalarida 
keltirilgan nazariy fikrlarning qiyosiy tahlili amalga oshirilishi mumkin. Mavzuga oid 
huquqiy-me’yoriy hujjatlardan ushbu sohani qaysi huquqiy hujjatlar tartibga sonishini 
ham izohlab o‘tish maqsadga muvofiq. Ushbu savolni yoritishda rasm ko‘rnishidagi 
ma’lumotlardan foydalanish kurs ishi sifatini oshiradi. Kurs ishidagi rasmlar quyidagi 1-

---

8 
ilovada ko‘rsatilgan tartibda rasmiylashtirilishi kerak. 
Talabaga mazkur savol bo‘yicha fikr-mulohazalarini ko‘pi bilan 8-10 varaq hajmda 
yozish tavsiya etiladi. 
Kurs ishining ikkinchi savolida(rejasida) mavzuning moliyaviy-iqtisodiy 
ko‘rsatkichlarini bugungi kun holati tahlilini amalga oshirish va tahlil natijalariga 
asoslangan holda tegishli xulosalarni ishlab chiqishdan iboratdir. Bunda jadvallar, 
diagrammalar, rasmlar shaklidagi amaliyot ma’lumotlaridan keng foydalanish, ularni 
batafsil tahlil etish talab etiladi. Tahlil jarayonida davriy nashrlarda chop etilgan ilmiy 
maqolalarga, hukumat idoralarining rasmiy internet saytlarida keltirilgan ma’lumotlarga 
tayanish tavsiya etiladi. Har bir jadval, diagramma va rasmlarning manbalari aniq 
ko‘rsatilishi talab etiladi. Ushbu savolni ko‘pi bilan 10-12 varaq hajmda yozish tavsiya 
etiladi. Jadvallar va diagrammalarda tahlil qilanayotgan davr kamida so‘nggi 3 
yil(2018,2019,2020)ni o‘zida olishi lozim. Jadval va diagrammalar 2 va 3-ilovalarda 
ko‘rsatilgan tartibda rasmiylashtirilishi lozim. Kurs ishida jadval (diagramma, rasm) 
qo‘yilishi matnda bayon qilingan fikrlarni asoslashga xizmat qilishi kerak. Har bir 
jadval (diagramma, rasm) ma’lumotlari, albatta, tahlil qilinishi talab etiladi. Tahlil 
natijalariga asoslangan holda tegishli xulosalar shakllantiriladi. 
Agar talaba bank, sug’urta, yoki lizing tashkilotida amaliyot o‘tashi belgilangan 
bo‘lsa, unda ushbu tashkilotlar bosh ofisining rasmiy saytida keltirilgan ma’lumotlar 
asosida kurs ishi yozishi lozim. 
Rasm, jadval, diagrammalarda tartib raqami va sarlavhasi bo‘lishi kerak. Barchasi 
ketma-ket arab raqamlari bilan belgilanadi, tartib raqami yuqorida o‘ng tarafda yoziladi. 
Tartib raqam qo‘yilganidan so‘ng, bitta satr tashlab o‘rtada sarlavha yoziladi. Sarlavha 
bosh harf bilan boshlanadi. Sarlavhani ostiga chizilmaydi. 
Rasm, jadval, diagramma nomi yakunida “havola” (snoska) beriladi. Snoskada 
avval muallifning familiyasi, ismi, keyin asar nomi, asar turi (darslik, o‘quv qo‘llanma, 
to‘plam yoki boshqa shu kabilar), chop etilgan joyi, nashriyot nomi, chop etilgan yili, 
asar jami necha varaqdan iborat ekanligi va mazkur jadval bu asarning nechanchi 
varag’ida berilganligi aniq ko‘rsatiladi (2, 3-ilovalarga qarang).
Jadval muayyan manbadan olinmay, balki bir qancha ma’lumotlar tahlili natijasida

---

9 
shakllantirilsa, bunda manba sifatida “talaba tomonidan ..... ma’lumotlari asosida 
tayyorlandi” deb yoziladi va qaysi ma’lumotlar tahlil qilinganligi ko‘rsatiladi. Jadval inter-
net saytlari ma’lumotlaridan olingan bo‘lsa, sayt sahifasiga havola aniq ko‘rsatiladi. 
Masalan, http://mf.uz/index.php. 
Tanlangan mavzu uchinchi savolida(rejasida) bugungi kundagi mazkur sohadagi 
mavjud muammolar yuzasidan keltirilgan fikr-mulohazalarni umumlashtirgan holda 
ularga nisbatan talabaning mustaqil qarashlarini bayon etilishi lozimdir. Ushbu savolni 
yoritishda xorijiy davlatlarning ilg‘or tajribalari o‘rganish ham maqsadga muvofi. Ushbu 
savol bayonini ko‘pi bilan 8-10 varaq hajmda yozish tavsiya etiladi. 
Kurs ishining xulosa qismida mavzuni o‘rganish davomida talaba tomonidan 
amalga oshirilgan tadqiqot va tahlil jarayonida ishlab chiqilgan xulosalar bayon etiladi. 
Kurs ishining xulosa qismini ko‘pi bilan 2-3 varaq hajmda yozish tavsiya etiladi. 
Kurs ishining yakunida foydalanilgan adabiyotlar ro‘yxati keltiriladi. Kurs ishining 
foydalanilgan adabiyotlar ro‘yxati quyidagi ketma ketlikda rasmiylashtirilishi kerak (
4
-
ilovaga qarang) : 
1.O‘zbekiston Respublikasi Konstitutsiyasi.
2.O‘zbekiston Respublikasi Qonunlari 
3.O‘zbekiston Respublikasi Prezidenti Qarorlari va Farmonlari 
4. O‘zbekiston Respublikasi Vazirlar Maxkamasining Qarorlari 
5. O‘zbekiston Respublikasi Prezidentining asarlari 
6.Maxsus iqtisodiy adabiyotlar. 
7.Ma’lumotlar to‘plami. 
8.Internet saytlari nomi. 
Foydalanilgan adabiyotlar ro‘yxatini ko‘pi bilan 2-3 varaq hajmda keltirish tavsiya 
etiladi.