To’lqinlar muhitda tarqalar ekan o’zi bilan birga energiya eltadi. Shularni hisobga olib to’lqinga xos quyidagilarni yozish mumkin.
Energiya oqimi:
(11)
To’lqin intensivligi:
(12)
Tovush balandligi, qattiqligi va rangi (tembr). Har qanday real tovush oddiy garmonik tebranish emas, balki ma’lum chastotaga ega bo’lgan garmonik tebranishlarning yig’indisidan iborat bo’ladi.
Berilgan tovushda ishtirok etuvchi tebranishlar chastotalari to’plami tovushning akustik spektri deyiladi.
Tovushda ν1 dan ν2 gacha barcha tebranishlar ishtirok etsa, u holda spektr tutash spektr deyiladi.
Agar tovush ν1, ν2, ν3va hokazo diskret, bir-biridan ajralgan chastotali tebranishlardan tashkil topgan bo’lsa, chiziqli akustik spektr deyiladi.
Tovushning balandligi tebranish chastotasiga bog’liq: tebranish chastotasi qanchalik yuqori bo’lsa, tovush shuncha baland bo’ladi.
Tovush qattiqligi tebranish amplitudasiga bog’liq: tebranish amplitudasi qanchalik yuqori bo’lsa, tovush shuncha qattiq bo’ladi.Tovush qattiqligi birligi – Bel (1dB=0,1B).Og’riq sezish chegarasi – 130dB
Ultratovush. Chastotasi 20 kHz dan yuqori tovushlar ultratovushlar deyiladi.
Ultratovushlar qisqa to’lqin uzunligiga ega bo’lgani uchun bir tomonga yo’nalgan dastasini hosil qilish mumkin.
Hozirgi paytda ultratovushlar hosil qilish uchun teskari pyezoeffekt hamda magnitostriksiya hodisalaridan foydalaniladi.
Teskari pyezoeffekt shundan iboratki, ba’zi bir kristallardan (kvarst, signet tuzi, bariy titanati) ma’lum usul bilan kesib olingan plastinka elektr maydon ta’sirida deformatsiyalanadi. O’zgaruvchan kuchlanish berilgan metal qoplamalari orasida joylashtirilib majburiy mexanik tebranishlar yuzaga keltiriladi.
Magnitostriksiya esa magnit maydon ta’sirida ferromagnit moddalar (temir, nikel va ba’zi qotishmalar) da yuz beradigan shunday hodisadir.
