O`zbekiston respublikasi oliy va o`rta maxsus ta’lim vazirligi

1-savol bayoni: Yordamchi so`zlar va ularning tasnifi.

Yordamchi so‘z turkumlari mustaqil so‘z turkumlaridan farqlanadi. Ular lug‘aviy ma’noga ega emas, morfologik jihatdan o‘zgarmaydi, gapda sintaktik vazifa bajarmaydi, yasalish xususiyatiga ega emas.

Mustaqil lug‘aviy ma’noga ega bo‘lmay, gap bo‘laklari va gaplarni o‘zaro bog‘lash, xilma-xil munosabatlarni ko‘rsatish yoki ularga qandaydir qo‘shimcha ma’no qo‘shishga xizmat qiladigan so‘z turkumlari yordamchi so‘z turkumlari deyiladi. Yordamchi so‘z turkumlariga bog‘lovchi, ko‘makchi va yuklama kiradi.

Yordamchi so`zlar grammatik ma’no vazifa bajaruvchi til birliklaridir. Ular lug‘aviy ma’noga ega emas, biroq so‘zlar kabi ayrimlik, ajralganlik xususiyati bilan lug‘aviy ma’noli so‘zlar qatorida turadi. Yordamchi so`zlar mustaqil so‘zlarni, so‘z birikmalarini, gaplarni o‘zaro munosabatini shakllantirishga xizmat qiladi. Grammatik ma’no-vazifasiga ko‘ra yordamchi so`zlar 3ga bo‘linadi.

1. 
   Ko‘makchi.
   
2. 
   Bog‘lovchi.
   
3. 
   Yuklama.