Dasturning maqsadi
|
«Farmakologiya va retseptura » fani tibbiyot yo`nalishida tayyorlanadigan kasblar uchun asosiy umumkasbiy fanlardan hisoblanib, o`quvchilarda tibbiyotga doir bilimlar hosil qiladi va tibbiyotga doir tasavvurlarini kengaytiradi.«Farmakologiya va retseptura» fanining tibbiyot amaliyotidagi o`rnidan kelib chiqib, mavzularni o`zlashtirish davomida dori preparatlari bilan ishlash, ularni maxsus guruhlarga ajratish, ular bilan turli kasalliklarni davolash va oldini olishda foydalanish, dorilarni saqlash, bemorlarga tez tibbiy yordam ko`rsatish yo`l-yo`riqlariga tavsif berishni tashkil etadi.
Farmakologik guruhlarning tasnifi, guruhlarga xos bo`lgan farmakologik ta’sirlar, bundan tashqari dori vositalarining nojo`ya ta’siri, ularni oldini olish va tez yordam choralarini qo`llay olish yo`llarini, retsept yozishni o`rgatadi. Kasalliklarni oldini olish va davolash uchun tibbiyot xodimlari dorilarni dozalari va qo`llash usullarini juda yaxshi bilishlari kerak.
|
