Oʻzbekiston respublikasining soliq kodeksi (Yangi tahriri) Oʻzbekiston Respublikasining

229-modda. Banklar tomonidan bank hisobvaraqlari 
va operatsiyalar boʻyicha maʼlumotnomalarni 
(koʻchirmalarni) soliq organiga taqdim etmaslik 
Ushbu Kodeksning 134-moddasida nazarda tutilgan maʼlumotnomani (koʻchirmalarni) bank 
tomonidan soliq organiga taqdim etmaslik, shuningdek maʼlumotnomalarni (koʻchirmalarni) 
belgilangan muddatni buzgan holda yoki notoʻgʻri maʼlumotlar boʻlgan maʼlumotnomalarni 
(koʻchirmalarni) taqdim etish, - 
ikki million soʻm miqdorida jarima solishga sabab boʻladi. 
IX BOʻLIM. 
SOLIQ ORGANLARINING HUJJATLARI 
VA ULAR MANSABDOR SHAXSLARINING 
HARAKATLARI (HARAKATSIZLIGI) 
USTIDAN SHIKOYAT BERISH 
30-bob. Soliq organlarining hujjatlari va ular 
mansabdor shaxslarining harakatlari (harakatsizligi) 
ustidan shikoyat berish tartibi (230 - 236-moddalar) 
30-BOB. SOLIQ ORGANLARINING HUJJATLARI 
VA ULAR MANSABDOR SHAXSLARINING 
HARAKATLARI (HARAKATSIZLIGI) 
USTIDAN SHIKOYAT BERISH TARTIBI 
230-modda. Shikoyat berish huquqi 
231-modda. Shikoyat berish tartibi 
232-modda. Soliq tekshiruvlari natijalari boʻyicha qabul 
qilingan soliq organlarining qarorlari ustidan shikoyat 
berish tartibi va muddatlari 
233-modda. Shikoyatning shakli va mazmuni 
234-modda. Shikoyatni koʻrmasdan qoldirish 
235-modda. Yuqori turuvchi organ tomonidan shikoyatni koʻrib chiqish 
236-modda. Sudlar tomonidan shikoyatlarni koʻrib chiqish 
230-modda. Shikoyat berish huquqi 
(1-q.)
Har bir shaxs soliq organlarining normativ xususiyatga ega boʻlmagan hujjatlari, ular 
mansabdor shaxslarining harakatlari (harakatsizligi) ustidan, agar ushbu shaxsning fikriga koʻra 
bunday hujjatlar, harakatlar (harakatsizlik) uning huquqlarini buzsa, shikoyat berish huquqiga ega. 
(2-q.)
Soliq toʻgʻrisidagi qonunchilikka yoki idoraviy normativ hujjatlarga muvofiq tuzilgan, 
soliq organlarining bir yoki bir nechta jismoniy yoki yuridik shaxsga qaratilgan, yuridik 
ahamiyatga molik muayyan harakatlarni sodir etishga undovchi koʻrsatmasi mavjud boʻlgan hujjat 
soliq organining normativ xususiyatga ega boʻlmagan hujjati deb eʼtirof etiladi. 
(OʻzR 21.04.2021-
y. OʻRQ-683-son Qonuni tahriridagi qism) 

---

(3-q.)
Soliq organlarining normativ-huquqiy hujjatlari ustidan qonun hujjatlarida 
belgilangan tartibda shikoyat qilinishi mumkin. 
(4-q.)
Soliq organining sayyor soliq tekshiruvi yoki soliq auditi natijalari boʻyicha qabul 
qilgan qarori yuqori turuvchi soliq organi yoki sud tomonidan bekor qilingan taqdirda, ushbu qaror 
boʻyicha soliqlarning va moliyaviy sanksiyalarning undirilgan (toʻlangan) summalari Oʻzbekiston 
Respublikasi Markaziy bankining ushbu summalar undirilgan (toʻlangan) davrda amalda boʻlgan 
qayta moliyalashtirish stavkasidan kelib chiqqan holda hisoblangan foizlarni inobatga olgan holda 
qaytarilishi (hisobga olinishi) lozim.