O‘zbekiston yozuvchilar

XAFA XO‘ROZ
Qaysi kuni ko‘rib qoldim,
Bitta xafa xo‘rozni:
Biram shalvirab qoptiki,
Tanimadim shovvozni!
Qizil toji qorayibdi,
Yonboshiga osilib.
Bir don topsa, do‘stlarini
“Gʻut-g‘ut”lash yo‘q yozilib.
Tongdan hatto ko‘ngli sovub,
Qichqirmoqni tashlabdi.
Ichkilikka, tamakiga,
Ruju qo‘ya boshlabdi.
– E, – deydi u, – jonga tegdi,
Chekkan g‘amlarim.
Topshirdim men xo‘rozlikni,
Eplayversin “zam”larim.
www.ziyouz.com kutubxonasi

---

MAQSUDAM
39
Hali taftish, hali tekshir,
Buyruq, nakaz bosadi.
Hali rayon, hali oblast,
Hali markaz bosadi.
“Qoidani buzganmishman”,
Qichqirmabman bir tongda!
Hov mudirim ovda edi,
Iti bilan o‘rmonda!
Ferma ilma-teshik qo‘rqib,
Poyloqchilik etibman.
Tuni bilan uxlay olmay,
Tongda mudrab ketibman...
Ba’zida deng: “Ovozingning
Avji past!” – deb so‘karlar.
Avj bo‘larmi, don o‘rniga,
Chiqit sarqit to‘karlar.
“Tovuqlarning tuxumlari,
Mayda emish, tosh bosmas...”
Hov, xo‘jayin diyetda-ku,
Oshqozoni osh botmas.
Makka, suli, marjumakka,
Bizdayam bor ishtaha!
Yeyishimiz chumchuqdagu
Plan – tuyaqushdaqa!
www.ziyouz.com kutubxonasi

---

Omon MATJON
40
Goho, “Barvaqt qichqirding” deb,
Qiladilar dag‘dag‘a,
Jim turaymi shuncha jo‘ja,
Bo‘labersa tabaka.
Ammo bitta yomon ig‘vo,
Hammasidan o‘tibdi:
“O‘ynashlari ko‘p...” – deb kimdir,
Yumaloq xat bitibdi!
Menda ne ayb! 
Buyam biror
Ko‘rolmasning ishi-da:
Nima qilay, bitta bo‘lsam,
Qirq tovuqning ichida.
Bas, hammasi jonga tegdi,
Yetar chekkan g‘amlarim.
Xo‘rozlikdan ketganim shu, –
Eplayversin “zam”larim!
Ha, baridan qanot siltdim,
O‘zim ketdim atayin:
Endi men ham odamlardek,
Bir tinchgina yashayin!
www.ziyouz.com kutubxonasi

---

MAQSUDAM
41