O‘zbekistonda fanlararo innovatsiyalar va 10- son ilmiy tadqiqotlar jurnali
Yüklə 1,05 Mb. Pdf görüntüsü
|
|
O‘ZBEKISTONDA
FANLARARO INNOVATSIYALAR VA 10- SON ILMIY TADQIQOTLAR JURNALI 20.08.2022 168 Til rivoji kishilarning turli - tuman tajribalarining takomillashiga, bu tajribalarning avloddan-avlodga o‘tishiga imkon bergan. Natijada fan, madaniyat, texnika taraqqiy qilgan, ya’ni kishilik jamiyati rivojlangan. Tilning rivojlanishi jamiyat rivojlanishi bilan bevosita bog‘liq bo‘lib, ijtimoiy hayotda ro‘y bergan o‘zgarishlar tilda aks etadi. Bu o‘zgarishlar hammadan ko‘proq tilning lug‘at boyligida o‘z ifodasini topadi. Yangi narsa-buyum va tushunchalarning keng iste’moldan chiqib ketishi hammadan avval tilning lug‘at boyligida o‘zgarish bo‘lishiga olib keadi. BMTning ma’lumotlariga ko‘ra,1999-yilda yer yuzi aholisi 6 mlrd.ga yetdi. Dunyodagi xalqlar 2976 xil tilda gaplashadi. Shundan 200 tilning har birida 1 mln.dan ortiq ,70 tilning har birida 5 mln.dan ziyod, faqat 13 tilning har birida 50 mln.dan ortiq kishi so‘zlashadi. Qolganlarning har birida esa 1mln.dan ortiq kishi gaplashadi. Kavkaz tog‘larining bag‘rida joylashgan Dog‘istonda 1mln.dan ortiq xalq bo‘lib, ular 40ga yaqin tilda so‘zlashadi. Dunyodagi tillar kelib chiqishi lug‘aviy va grammatik jihatdan yaqinligiga qarab bir necha til oillalariga bo‘linadi.Yer yuzida 20ga yaqin til oilasi bor. Lotin tili ko‘p asrlar davomida tirik til bo‘lgan: antik davrda rimliklar va Rim imperiyasidagi ko‘p xalqlar lotin tilida gaplashganlar. Bu tilda hozir ham o‘rta va oliy tibbiyot o‘quv yurtlarida xabardor qilinadi. O‘lik til hisoblanadigan qadimgi xorazmiy tili va yozuvi eroniy tillarning sharqiy turkumiga mansub bo‘lib, qadimiy Xorazm aholisi shu tilda gaplashgan. Qadimgi xorazmiy tili XI asrlarga kelib iste’moldan qolgan va o‘lik tilga aylangan. Jamiyatning turli sohalarida o’zbek tili ijtimoiy funksiyalarining kengayishi Til birliklari ijtimoiy qo’llanilishi nuqtai nazaridan nutq sharoitiga bog‘liq ravishda vazifalanishni kasb etadi. Ayrim lug‘aviy birlik garchi sinonimik qator tarkibida turishiga qaramay, semantik tarkibidagi ma’no nozikligiga ko’ra og‘zaki yoki badiiy nutq uchun xoslanganligi bilan farqlanadi. Til birliklarining ijtimoiy fuksionallashuvi lug‘viy birliklarning ayni mana shu xususiyatidan kelib chiqadi. O’zbek tilida til ijtimoiy vazifalanishida beshta uslub turi farqlanib, ularning barchasi fonetik-fonologik, leksik-semantik hamda grammatik imkoniyati va o’ziga xosligi bilan farqlanadi. Tilni funksional uslublarga ajratish masalasi munozarali jarayonlarni boshdan kechirgan bo’lib, so’zlashuv, ilmiy, rasmiy, publitsistik uslub turlari orasida badiiy uslubni ajratmaslik kerak, sababi bu uslubni, tom ma’noda, o’ziga xos lisoniy mezonlari yo’q degan qarashlar bilan bog‘liqdir. Aslida esa unday emas, sababi bu uslub turi o’ziga xos badiiylik, obrazlilik kashf etishi va eng asosiysi estetik tarbiya berishi va tashishi bilan boshqa uslub turlaridan tubdan farq qiladi. Uslublar ichida eng qadimiysi sanaluvchi uslub turi bu rasmiy uslub hisoblanib, u xalqimizning uzoq o’tmish-tarixidan beri qo’llanilib kelinayotganligini belgilash mumkin. Yuqorida sanalgan uslublar adabiy tilning og‘zaki va yozma shakli bilan xos bo’lgan tilning funksionallashuvi imkoniyatidan kelib chiqadigan hodisadir. Til ijtimoiy funksiyalari kengayishining so‘z semantik strukturasiga ta’siri So’zning leksik ma’nosi qotib qolgan, o’zgarmas hodisa emas, u ancha barqaror bo’lsa-da, ma’lum omillar ta’sirida, uzoq yillar davomida o’zgarishi ham mumkin. |