Pedagogik mahorat

Key words: technological education, interactive method, creativity, interactive education system, 
training, purpose, logical thinking. 
Kirish. Oʻzbekiston Respublikasi oliy ta’lim muassasalarida malaka talablari boʻlajak texnologiya 
fani oʻqituvchilarining ijodkorligini rivojlantirishning padagogik shart-sharoitlari, mexanizmi, metodlari 
hamda texnologiyalarini ishlab chiqishga ham alohida e’tibor qaratmoqda. Oliy ta’lim muassasalarida 
talabalarning shaxsiy rivojlanishi, ularning ijodiy fikrlash, mustaqillik, faollik, munosabatlarining boyib 
borishi, dunyoqarashlarining oʻsib borishi, oʻz-oʻzini nazorat qilish va tarbiyalashga boʻlgan ehtiyojlarining 
shakllanishi kabi holatlar bilan tavsiflanadi. 
Oʻqituvchi ta’lim jarayonida interfaol ta’lim texnologiyalari yordamida talabalarning qobiliyatlarini 
rivojlantirish, oʻz-oʻzini nazorat qilish va boshqarish, samarali suhbat olib borish, tengdoshlari bilan ishlash, 
ularning fikrlarini tinglash va tushunish, mustaqil, ijodiy, tanqidiy fikrlash, muqobil takliflarni ilgari surish, 
fikr-mulohazalarini erkin bayon qilish, oʻz nuqtayi nazarlarini himoya qilish, muammoning yechimini 
topishga intilish, murakkab vaziyatlardan chiqa olish kabi sifatlarni shakllantirishga erishish mumkin [1]. 
Eng muhimi, interfaol ta’lim texnologiyalarini qoʻllash orqali oʻqituvchi talabalarning ta’lim-tarbiya 
jarayonidagi aniq maqsadga erishish yoʻlida oʻzaro hamkorlikka asoslangan harakatlarini tashkil etadi.
Asosiy qism. Hozirda yangi metodlarni yoki innovatsiyalarni ta’lim jarayoniga tatbiq etish haqida gap 
borganda interfaol usullarning oʻquv jarayoniga qoʻllanilishi tushuniladi. Interfaollik bu oʻzaro ikki kishi 
faolligi, ya’ni oʻquv-biluv jarayoni oʻzaro suhbat tariqasida dialog shaklida (kompyuter aloqasi) yoki 
oʻquvchi-oʻqituvchining oʻzaro muloqoti asosida kechadi. Interfaollik - oʻzaro faollik, harakat, ta’sirchanlik, 
u oʻquvchi va oʻqituvchi muloqotlarida sodir boʻladi. Interfaol usulning bosh maqsadi oʻquv jarayoni uchun 
eng qulay vaziyat yaratish orqali talabaning faol, erkin fikr yuritishiga muhit yaratishdir. U oʻzining 
intellektual salohiyatini, imkoniyatlarini namoyon etadi va oʻquv sifati va samaradorligini oshiradi. 
Interfaollik asosida oʻtgan darsni tashkil etish shunday kechadiki, bu jarayonda birorta ham talaba 
chetda qolmaydi, ya’ni ular koʻrgan, bilgan, oʻylagan fikrlarini ochiq-oydin bildirish imkoniyatiga ega 
boʻladilar. Talabalarning har bir bildirgan fikrlari, u toʻgʻri yoki notoʻgʻri boʻlishidan qat’i nazar tanqid 
qilinmaydi [2].