Hislərin idarə olunması Müəllimlik fəaliyyəti dövründə sizi məyus, inamsız və ya əsəbi edən hadisələrlə
rastlaşa bilərsiniz. Çalışın, işinizə refleksiv yanaşın. Bu, obyektivliyi qorumağa və
çətin vəziyyətlərdən nəticə çıxarmağa kömək edəcək. İstənilən problemin aradan
qaldırılması üçün digər müəllimlərlə məsləhətləşin, müşahidə və müzakirələr
aparın.
Münasibətlərin qurulması İnsanlar, adətən, özlərinə uyğun dəyər, münasibət və yanaşmalara malik
şəxslərlə ünsiyyət qururlar. Lakin müəllim müxtəlif düşüncə, və dəyərlərə sahib
şagirdlərlə ünsiyyət yaratmaq məcburiyyətindədir. Sinifdə hər kəs üçün bərabər
imkanlar yaratmaq həvəssiz şagirdləri motivasiya etmək münasibətlərin
qurulmasında ən vacib şərtdir.
Tədris resurslarına qarşı məsuliyyət hissinin aşılanması Ləvazimatların itirilməsi və ya zədələnməsi ilə bağlı hər məktəbin və müəllimin
fərqli yanaşması vardır. Həmkarlarınızdan bu haqda məsləhət və kömək ala
bilərsiniz. İstənilən problemi əvvəlcədən təxmin edib onun qarşısını almaq daha
asandır. Dərsin sonunda vəsaitlərin qaytarılması və yoxlanılması prosesi əlavə
vaxt tələb etdiyi üçün təlim, fasilə müddətinin düzgün bölüşdürülməsi mütləqdir.
Bu, ehtimal olunan problemin qarşısını ala bilər. Vaxtın səmərəli idarə olunması Burada üç əsas məqama diqqət yönəltmək lazımdır:
• Dərs keçmək müəllimin işinin yalnız bir hissəsidir,
• İlk dərsə hazırlaşmaq daha çox vaxt apara bilər;
• Dərsə kifayət qədər yaxşı hazırlaşılmasa, əlavə stress yaşamaq labüddür.
75.Öyrənmə prosesində davranış və həvəsləndirmənin əhəmiyyətini sübuta yetirin. Dərsləri müşahidə etməzdən əvvəl təlim prosesinin səmərəsini artıran,
öyrənməni maksimum səviyyəyə çatdıran şagird davranışının idarə olunmasına
dair məktəbin strategiyaları, davranış qaydaları ilə tanışlıq vacibdir. Bunlar
müvafiq şagird davranışını formalaşdırmaq üçün xüsusi üsul yaratmaq məqsədilə
istifadə edilir. Fəaliyyətə başladığınız məktəbdə bəzi müəllimlərin həmin
üsullardan faydalanmadığını görsəniz də sizin onlara riayət etməniz önəmlidir.
