9. Danışıqların aparılmasında taktiki üsullar. Danışıqların aparılmasının bu və ya digər strategiyası çərçivəsində
tətbiq edilən əsas taktiki üsulların səciyyəsi belədir:
1.Tələblərin artırılması. Danışıqlar başlanır, müxaliflər əhəmiyyətli
dərəcədə şişirdilmiş tələblər irəli sürür; bir sıra güzəştlər geri
götürülür, bu zaman qarşı tərəfdən real güzəştlərə nail olunur.
2.Öz mövqeyində yalan vurğuların yerləşdirilməsi. Az əhəmiyyətli
məsələnin həllində son dərəcə maraqlı olduqları nümayiş etdirilir.
3.Məlumatın çox kiçik hissələrlə opponentə ötürülməsi. Bu taktiki
gediş rəqibdən mümkün qədər çox məlumat əldə etmək və ya
danışıqları uzatmaq üçün istifadə olunur.
4.Danışıq iştirakçılarından biri əks-arqumentlərdən çətinlik çəkir, opponentləri ona təzyiq göstərir.
5.Qəsdən aldatma. Nəyəsə nail olmaq və ya hər hansı nəticənin
qarşısını almaq üçün istifadə olunur: İnformasiya təhrif edilir, bilə-bilə
yalan məlumatlar verilir; Bu və ya digər məsələlər üzrə qərar qəbul
etmək səlahiyyəti olmur.
6.Razılaşmanın şərtlərini yerinə yetirmək niyyətinin olmaması. 7.Artan tələblərin irəli sürülməsi. Əgər danışıq iştirakçılarından biri
təqdim olunan təkliflərlə razılaşırsa, digər iştirakçı yeni-yeni tələblər
irəli sürür.
8.Son dəqiqədə yeni tələblərin irəli sürülməsi. Bu vəziyyətdə ümid
edilir ki, opponent əldə edilmişləri qoruyub saxlamaq üçün güzəştə
gedəcək.
9.İkiqat şərh. Yekun sənədinin hazırlanması zamanı tərəflərdən biri
ortaya ikili məna daşıyan formullar qoyur. Sonradan bu taktika
razılaşmanı öz maraqlarına uyğun şərh etməyə imkan verir.
10.Rəqibə təzyiq göstərilməsi. Ondan güzəşt əldə etmək və təklif
olunan qərarla razılaşmağa məcbur etmək məqsədilə tətbiq edilir.
