O`zbekiston respublikasi oliy va o`rta maxsus ta`lim vazirligi namangan davlat universiteti ijtimoiy-iqtisodiy fakul’teti “tarix”

---

O`ZBEKISTON RESPUBLIKASI OLIY VA O`RTA 
MAXSUS TA`LIM VAZIRLIGI 
 
NAMANGAN DAVLAT UNIVERSITETI 
IJTIMOIY-IQTISODIY FAKUL’TETI
 
 
“TARIX” 
 kafedrasi 
 
5120300 – Tarix (mamlakatlar va mintaqalar bo`yicha) 
bakalavriat yo`nalishi talabalari uchun bitiruv-malakaviy 
ishlarni tayyorlash va himoya qilish bo`yicha
USLUBIY KO’RSATMA 
 
 
 
 
 
 
 
 
 
 
 
 
 
Namangan - 2016 

---

2 
Ushbu uslubiy ko’rsatma 5120300 - Tarix (mamlakatlar va mintaqalar 
bo`yicha) yo`nalishini tamomlayotgan bakalavriat yo`nalishi talabalariga 
mo`ljallangan bo`lib, bitiruv-malakaviy ishlarini yozish, rasmiylashtirish va 
himoyaga tayyorlash jarayoni bo`yicha asosiy talablar yuzasidan to`liq tasavvur 
beradi. 
 
Tuzuvchi:
t.f.n. A.A. Erqo`ziyev 
Taqrizchilar:
t.f.n. Z.Sh. Madrahimov 
t.f.n. Sh.A. Haydaraliyev 
Uslubiy qo`llanma Tarix kafedrasining 2016 yil 22 apreldagi 8-sonli kafedra 
majlisida muhokama etilgan va ma`qullangan. 
Uslubiy qo`llanma Ijtimoiy-iqtisodiy fakulteti Kengashining 2016 yil 29 
apreldagi majlisida muhokama etilgan va nashrga tavsiya etilgan. 

---

3 
 
Kirish 
O`zbekiston Respublikasi Oliy va o`rta maxsus ta`lim vazirligining 
1998-yil 31 dekabr 362-sonli buyrug`i bilan tasdiqlangan «O`zbekiston 
Respublikasi Oliy o`quv yurtlari bitiruvchilarining yakuniy davlat 
attestatsiyasi to`g`risidagi Nizom»da yakuniy davlat attesttsiyasi bir yoki 
bir necha attestatsiyalardan iborat bo`lishi ko`rsatilib, bitiruvchilarning 
malakaviy ishni bajarishi va himoya qilishi qayd etilgan. Bitiruv 
malakaviy ishi (BMI)ga qo`yiladigan talablar «Oliy o`quv yurtlarda 
bakalavr bitiruv malakaviy ishini bajarishga qo`yiladigan talablar»da 
keltirilgan bo`lib, unda ishni bajarish tartibi, hajmi va mazmuni 
talablarga muvofiq ravishda oliy o`quv yurti tomonidan belgilanishi 
ko`rsatilgan. 
Ushbu uslubiy qo`llanma yuqorida ta`kidlangan me`yoriy 
hujjatlar asosida ishlab chiqilgan bo`lib, Namangan davlat universiteti 
Tarix yo`nalishi bitiruvchilarini, ularga rahbarlik qiladigan professor-
o`qituvchilarni bitiruv malakaviy ishini bajarishda rioya qilinishi lozim 
bo`lgan qoidalar va talablar bilan tanishtirishga yo`naltirilgan. 
Mazkur uslubiy qo`llanmada bitiruv malakaviy ishining maqsadi 
va vazifalari, mavzuni tanlash va tasdiqlash, malakaviy ishga rahbarlik 
qilish, ishni bajarish, shuningdek bitiruv malakaviy ishining tuzilishi, 
adabiyotlar tahlili foydalanilgan manbaa va adabiyotlarni qayd etish 
tartibi, ilova, jadval va chizmalarga qo`yiladigan talablar ilmiy rahbar 
xulosasi, taqrizlar ishni rasmiylashtirish bilan bog`liq muammolar 
yoritilgan. 

---

4