5 — 6- sinf o‘quvchilari uchun
Yüklə 9,49 Mb. Pdf görüntüsü
|
|
I. A. Karimov.
Yuksak ma’naviyat — yengilmas kuch. T., „Ma’naviyat“. 2008, 33—34- betlar. 4 Ajdodlarimiz barcha sohalarda qizg‘in faoliyat ko‘rsa- tib, har tomonlama kamol topganlar. Donishmand shoir, Xorazm bahodiri Pahlavon Mahmud aqli va jismoniy kuch- quvvati bilan Hindiston mamlakatida bo‘lib o‘tgan kurash musobaqasida g‘olib chiqib, minglab vatandoshlarni yovlar qo‘lidan ozod qilib, xalq duosini olgan. Agar biz jismoniy tarbiya va sport tarixiga nazar tash- laydigan bo‘lsak, ma’lum bo‘ladiki, sport kishilik jamiyati paydo bo‘lganidan to hozirgi kungacha saqlanib kelayotdan turli harakatli o‘yinlar, bellashuvlar, musobaqalar ko‘ri- nishida bizgacha yetib keldi va u hozirgi darajaga erishdi. Arxeologik qazilmalar, qo‘rg‘on va g‘orlarda saqlanib qolgan rasmlarda suzuvchi, yuguruvchilar, nayza otuvchilar, o‘q- yoy otuvchilar, otda yuruvchilar va kurashchi-jangchilar aniq-ravshan tasvirlangan. Ma’lumotlarga qaraganda, Yuno- nistonda eramizdan avval — 776-yili Olimpiya o‘yinlari pay- do bo‘lgan. O‘yinda ko‘p davlatlardan sportchilar ishtirok etib, polvonlar kuch sinashganlar. XIX asr oxiriga kelib zamonaviy Olimpiya o‘yinlari boshlandi. U fransiyalik taniqli jamoat arbobi baron Pyer de Kuberten nomi bilan bog‘liq. Pyer de Kuberten Jahon Olimpiya o‘yinlari jonkuyarlarini to‘plab, 1894- yil 23- iyunda Xalqaro Olimpiada qo‘mitasini tashkil qilishga muyassar bo‘ldi. Har bir xalqning o‘ziga xos va o‘zi uchun sevimli sport turi, shuningdek, harakatli o‘yinlari bo‘ladi. O‘zbekistonda kurashning kurash hamda belbog‘li kurash turlari, shu- ningdek, uloq, chavgon, lochin bilan ov qilish, kamondan o‘q otish singari milliy o‘yinlar mavjud. Aziz o‘quvchilar, siz qo‘lingizdagi darslik orqali asosiy sport turlari bilan tanishib, ular haqida yetarli nazariy ma’lumotga ega bo‘lasiz va jismoniy mashqlarni darsdan tashqari paytlar (uy sharoiti, maktab stadioni)da mustaqil bajarishni o‘rganishga doir tavsiyalar olasiz. |