Qazın dəyərinin ödəmə şərtləri Qazın
pərakəndə
satış
qiyməti
(tarifləri)
Azərbaycan
Respublikasının Tarif (qiymət) Şurası tərəfindən tənzimlənir. Qaz
paylayıcısının qaz istehlakçısına satdığı, istiliktörətmə qabiliyyəti
7600 kkal/m
3
olan təbii qazın 1000 m
3
-nin qiyməti 100 manat təyin
edilmişdir. Qaz paylayıcısı istehlakçıya verdiyi qazın dəyərini yalnız
qaz sayğacının göstəricilərinə əsasən tam hesablamalıdır və hər ay
istehlakçıya hesab təqdim etməlidir (göndərməlidir). “Smart-kart” tipli
qaz sayğacı olan istehlakçıya istifadə etdiyi qazın dəyəri haqqında
hesabın qaz paylayıcısı tərəfindən istehlakçıya təqdim edilməsi
(göndərilməsi) tələb edilmir.
İstehlakçı tərəfindən qazın hesabı tam ödənildikdən sonra, qaz
paylayıcısı tərəfindən yol verilmiş səhvə görə düzgün hesablanmamış
qazın dəyərinin qaz paylayıcısı istehlakçı tərəfindən ödənilməsini tələb
edə bilməz. İstifadə olunan qazın dəyəri yalnız bank, kütləvi ödənişlər
üzrə elektron informasiya sistemləri və ya poçt şöbələri vasitəsilə
ödənilir.
Qaz sayğacları qaz paylayıcısı tərəfindən “Qazdan istifadə
Qaydaları”nda nəzərdə tutulmuş hallarda çıxarıldıqda (götürüldükdə),
qaz sayğacının olmadığı müddət ərzində qazın verilməsi dayandırılmır
və istifadə edilmiş qazın dəyəri üzrə hesablaşmalar sayğac çıxarıldığı
gündən əvvəlki ayın orta gündəlik sərfinə uyğun aparılır. Qaz
paylayıcısının istehlakçıya verdiyi qazın sayğacla müəyyənləşdirilən
hesabı istehlakçıya paylayıcı tərəfindən təqdim edildikdən
(göndərildikdən) sonra bir ay müddətində tam ödənilməlidir. Qaz
paylayıcısı hər bir istehlakçının adına qazın alqı-satqı müqaviləsi
bağlandığı gündən fərdi hesab açır və istehlakçıya qaz sayğacının
göstəricilərini qeyd etmək üçün üzləşmə kitabçası verir.
